Tuithaphai, April 10, 2018, Virthli (ONP): Date 9th April, 2018, zing dar 7: 30 khan Bethel, Sinlung Royal Rider hai chun Mizoram Sorkar le HPC (D) in date 2.4.2018 nia Accord an sign -na le inzawma Sesawngah date 13.4.2018 ni ralthuom intungna huna Home Coming Ceremony-a va um ve dingin, Sesawng trip hai chu Pu Aron Hmar le Pu Timothy Z.Zote, Chairman, Saikot Sub Division Demand cum Development Committee chun Flag Off an nei. Hunser ah Sinlung Royal Rider hai hi Pastor Lalpienglawmin tawngtai pekna a nei a. Chu bakah Timothy Z. Zote khawma thuhrilna neiin "tluong tak le hlawtling taka an tum ram tlunga, in tha taka hung tlung nawk tawl din ditsakna an hlan a. Chun, hieng anga hnam thil leia , mani sin maksana khuol hla tak pan a, mani hun tha inro lova kalpentu ei um hi ei hnam mawina, sukhlutu an nih ti hi mipui khawma hrea, ngaisangnachang hre seng ei tiu" tiin a hril.
An ni hi Pu Alan Jeff, Chief, Sinlung Royal Rider inrawinaa fe an nih. Biker a hmunah inthawk 6 an ni a, chuonghai chu, Finny Lalthangsiama, Vungsonmung, Gospel Lalthansang Hrangchal, Stephen Lalringnghet, Lalrammawi le Alan Jeff, Chief hai an nih.
An riruong anga an fe chun, vawizan Hmarkhawlien ah riek an ta, zing (11.34.2018) khin zingbu Kolasib ah hnawt an ta, Pu Darsuolal in thlaithleng a lo buotsai pek ding a nih.
Chun, Sinlung Royal Riderhai hi an member Hmarkhawlien-a inthawk pathumin lo zawm an ta, Aizawla inthawk panga velin hung zawm bawk an ta, Sesawngah a tlawm tawpah biker 13 chu an tling beisei a nih.
Chun, Sinlung Royal Rider hai hi hmun dang dangah khawm hieng anga trip hi an lo nei ta bawk.
An ni hi Pu Alan Jeff, Chief, Sinlung Royal Rider inrawinaa fe an nih. Biker a hmunah inthawk 6 an ni a, chuonghai chu, Finny Lalthangsiama, Vungsonmung, Gospel Lalthansang Hrangchal, Stephen Lalringnghet, Lalrammawi le Alan Jeff, Chief hai an nih.
An riruong anga an fe chun, vawizan Hmarkhawlien ah riek an ta, zing (11.34.2018) khin zingbu Kolasib ah hnawt an ta, Pu Darsuolal in thlaithleng a lo buotsai pek ding a nih.
Chun, Sinlung Royal Riderhai hi an member Hmarkhawlien-a inthawk pathumin lo zawm an ta, Aizawla inthawk panga velin hung zawm bawk an ta, Sesawngah a tlawm tawpah biker 13 chu an tling beisei a nih.
Chun, Sinlung Royal Rider hai hi hmun dang dangah khawm hieng anga trip hi an lo nei ta bawk.
