Responsive Ad Slot

Assam a Hmar demand le inzawma inbiekna

Tuesday, April 10, 2018

/ by Simon Infimate
Guwahati, April 10, 2018, Virthli (ONP): Hmar Peoples' Convention - Democratic (HPC-D) Assam Region chun hnam hmakhuo ngaina leiin kum 2012 khan silai lo intung tah in, vawi 5 lai zet Tripartite Talks- Assam sawrkar, Central leh an lo nei zo tah hnungin vawisun khan Central sawrkar in a hung ruot interlocutor A.B Mathur chu a vawikhatna dingin an inbiekpui/inhmupui a, a hnuoia ang hin Palai haia inthawka inbiekna report dawng chu hung tarlang a nih.


HPC (D), Assam Region in Assama Hmar chenghai ta dinga inhumhalna ding tia sawrkar tlungpui kuoma a lo put lut  N.C. Hills le Cachar a Hmar khuohai khaikhawma Hmar Autonomous Council chu vawisun tarik 10-4-18 in SB conference Hall, Kahilipara Guwahati hmunah Central interlocutor A.B. Mathur inrawinain tluong taka nei a nih. Ei lo hriet ta angin ei hnam aiaw Roger L Joute, Secy, HPC (D), Assam Region, Dr John Pulamte le Chawnghmunlur Varte hai le Sawrkar aiaw a ṭhung A.B. Mathur, P Bhatacharya DGP (SB), S.P. (SOU), Jt. Director (SIB) le palai dang hai inbiekna chu a ṭha tâwka ngai a nih. Hmar Autonomous Council bâkah chipchier takin Cachar a hmarhai ST status, Jinam Valley a ei harsatna le India hmarsaka hnam anga ei ngirhmun hai chen hriltlâng a nih. Inbiekna hi ursûn taka hmang a ni leiin dârkâr khat vêngvawng hun hmang a ni bawk.

 Vâwisuna inbiekna a chun, ei hnamin a demand hai hi sawrkar tieng a'nthawk harsatna um dingin an lang nawa. Amiruokchu, Central Interlocutor le inbiek a vawikhatna a la ni leiin settlement a um vat theina dinga hma la dinga an in tiemna hi a ṭha tâwkin ei hriet.

Ei palai haiin, " iengam, nghâkhla taka lo thlîrtu kan mipuihai kuoma in thucha " tia indawnna chu hieng ang hin Interlocutor, A. B. Mathur chun a hril.

" The state is keen on your demands and we will take step to resolve soon ".
Pathien kuoma in milo ṭawngṭaina puina chungah lawmthu kan hrila, ei thil i dit hi ei hmu vat theina dingin malova Pathien kuoma hni nâwk zuol sau sau dingin hmar mipui popo eiin fiel thar takzet.

Palai aiawin,

Ch. Varte
Camp:  Guwahati
10/4/18

Don't Miss
© all rights reserved
made with by Simon L Infimate