Responsive Ad Slot

NF Railway Compensation chungthu a inbiek tlangna nei

Thursday, April 26, 2018

/ by VIRTHLI HMAR
Haflong, April 26, 2018 (Virthli ONP): Muolhoi khuo a CH. Khawthlang Memorial Hall ah NF Railway Construction leia in le lo siet tuok khuo 14 (Sawmpali) hai a'nthawkin ram neitu hai mipui 1000 (Sang khat) bawr vel chu fe khawmin North Cachar Hills Indigenous Students Forum (NCHISF) huoihawtna hnuoiah inbiek tlangna nei a nih.

Hi inbiek tlangna hi ni khat laia Railway Blockade le inzawma Chief Secretary, Govt. of Assam chun ISF in Compensation chungthu a hma a lâkna chu Railway khawma pêk a remti thu hrilin hungtlung ding May 2, 2018 hin Guwahati, Dispur Chief Secretary Conference Hall ah Railway Authority hai leh SP, DC, Principal Secretary, NC Hills Autonomous Council hai ṭhangsain Joint Meeting a hung kona le inzawma hi meeting hi lo nei lawkin hriltlangna hai lo nei a ni thu ei dawng.

NF Railway hin Land Restoration pêk a nuom thu a hin mipui hril chu a hlaw hle a, asanchu Land Development value ang huin Compensation hi siettuok hai hin an hmu thei naw ding a ni a, Railway chun construction a thawna ding hin hmun le hmang (area le land) an dittawk ang an lo lak tah a, tuta ruok hi chu Railway land puotienga an sinthaw leia pil chim le dumping an thawna haia in le lo el bakah an fak zawngna lo (Paddy Field) hai tam tak suksiet in a um a, sawrkarin zangnadawmna el chau niloa a ram le tui hai hmang tlak a um ta naw leiin land value hi pe ngei sien, a ram khawm hi chang el hai sien ti chu a tuortu le mipui fekhawmhai ngaidân a nih.


May 2, 2018 a inbiekna ding a hin Palai dingin pali ruot dinga ti angin an ruotfel nghal a, chun mipui chun May thla sung ngeia NF Railway hin a pek ding ang hi a la pek naw rawp chun June 1 a'nthawk Blockade hi tiemchin umloin huoihawt nawk a ni ding thu an hril sa bawk.

Hi meeting pawimaw tak hi Khuo 14 Goan Bura (Khuo Lal) hai bakah Upa H.L Sanga Neingaite President, Muolhoi Village, Pu Rosang Hrangchal President, Hmar Inpui, NC Hills & Karbi Anglong hai le mi pawimaw ṭhenkhat in an uop bawk a nih.
Don't Miss
© all rights reserved
made with by Simon L Infimate