Responsive Ad Slot

HYA NC Hills JHQ in Kangmei laka siettuok hai thangpuina an hlan

Sunday, April 8, 2018

/ Posted by VIRTHLI HMAR
Haflong, April 08, 2018, Virthli (ONP): Vawisun khan HYA NC Hills Joint Headquarters chun zani zantieng 4:00 PM bawr vêla Retzawl khuo a vangduoitlâk taka Kangmei laka siet tuok hai chu a hmuna kanna le thilpêk inhlânna hun an hmang. Hi huna hin thangpuina pawisa sumfai in Rs. 15730/- bâka bur le bêl, bufai hai ṭhahnem tawk tak el an inhlan. Hieng thangpuina hai hi mi tlawmngai hai zar liu liu a inhlân theia um hi HYA chun Muolhoi Village ṭhuoitu le Nu le Pa tamtak mimal a hming suot sêng lo hiela tlawmngai hai kuoma lawmthu a hril mawl mawl a nih. Chun HYA General Headquarters an'thawk khawmin sumfai a ṭhangpuina an hung pêk vea, HYA JHQ NC Hills chun anhlân sawng bawk a nih.


Siettuok a um Tv. Lalnunsang keivom hai unau hi fahra el an ni el khêla hieng ang vangduoina rapthlak thuomhnaw iengkhawm la suok hman um der loa a kang ral rawt hi HYA chun pawi a ti pui hle a nih. Kangmei suok nasan tak hi hriet ani nawa insûng a mihriem an um naw lai tak ani leiin a hliem an um naw nih. DC office tieng an'thawka ṭhangpuina hai khawm buoipui zing a ni thu le Retzawl Village le HYA branch hai ṭhangtlang in an in ding hi bawl pêk ani ding thu chanchin ei dawng. HYA Retzawl Branch in Joint Headquarters ṭhuoitu hai hi bufâk tlangpuina an lo nei pui bawk a nih.

Don't Miss
© all rights reserved
made with by Simon L Infimate