Responsive Ad Slot

A vawi 10-na dingin a sin keisei pek

Wednesday, April 4, 2018

/ by Simon Infimate
Aizawl, April 04, 2018, Virthli (ONP): Pu Lala Khobung tuta Deputy Chief (Legal) Joint Electricity Regulatory Commission for Manipur & Mizoram sin chellai mek chu a term a bo hnungin a vawi 10-na dingin a sin hi September 2018 chena dingin keisei pek alo ni nawk tah.

Pu Lala Khobung hi 1977 khan Delhi University a inthawkin LLB a zo a. Gauhati High Court hnuoiah Advocate kum 10 chuong a practice hnungin kum 1988 khan Pu Laldenga, khang hun lai a Mizoram Chief Minister chun Mizoram a sin thaw dingin a fiel a. Chu dungzui chun Mizoram Judicial Service (MJS) a sin thawin kum 2010 khan MJS Grade-I a inthawkin a lo pension a nih.


Pension a hmu hnung hin All India advertisement dungzuiin le Personal interview hai fethlengin 27th January 2011 khan Joint Electricity Regulatory Commission for Manipur & Mizoram hnuoi a Deputy Chief (legal), post kum 2 sung chel dinga lak ani a. A term a hmang zo hnungin tuta mi hi vawi 10 an keisei pekna an tah.

Pu Lala Khobung hi HSA le HACS a hai nasa taka lo inhmang hlak ani bak a HYA founder President khawm a ni nghe nghe a nih.
Don't Miss
© all rights reserved
made with by Simon L Infimate