Responsive Ad Slot

ISTV Hmar Program le inzawma Inhriettirna le Fielna

Thursday, March 29, 2018

/ Posted by Simon Infimate
Hmar nau hmuntina umhai ISTV Hmar program hmingin chibai kan bûk cheu.
ISTV, Imphala TV Channel inlar tak le pawimawtak pakhata hin eini Hmar hai khawma program ei nei ve thei ta leiin ei lawm em em a nih.

Hi Hmar program hi Hmar Artists Association, Imphal Joint Hqtr hai keihruoina hnuoia hung inṭan ana, Imphal nu le pa ṭhahnemngai ṭhenkhat hai kawla fund dawla um hnam hmangaina leia inphaltaka an mi lo pekkhawm hai zar ei zo bawk a nih. Chuzara chun an chungah lawmthu ei hril tak meu a nih. Chun ei organisation hlun HSA, Imphal jhqtr le HYA, Imphal jhqtr han sum tieng panga thangpuina an hung pek leiin an chungah lawmthu ei hril bawk a nih.


Ei program hi Good Friday, 30.03.2018 ni zing dar 10.00-12.00 le repeat telecast zan dar 8:00-10.00 hin ei insuo ṭan ding ani tah. An ṭanni hin ISTV a Channel No.109 a darkar 2 insuo ṭan ning a tih. Good Friday message le Pathien hla iemani zat insuo ning a tih.

Mitinin mani ta anga ngaiin hi ei program hi sukvul na kawnga le eini sunga sumdawngna kawnga annawleh thiemthil tiengpang inhrilhriet na le insukhmasawn naa hmang thei a nih. Hi le inzawm hin advertising tieng khawm mantlawm tea rate siemin hawng zing a nih.

Hi ei program hi a bul ṭanna chau la nisienkhawm, hlawtlingtaka enkawl le suk hmasawn pei ei tum ani a, chuleiin mi tuelkhawm hi program a dinga ṭhangpuina pe nuom le program a dinga hmangruo le hla/thu/video hai pelut nuom hai chun Hmar Program Coordinators hai contact thei zing a nih. Tukhawm ditsak bik le thlirbik um nawng ata, Hnam thil ani leiin ei hnam sukmawitu le suklar thei insit umlo quality ṭha hai suklang tum ning a tih. Tuchena hi le inzawma contributions kawng dang danga hung pe hai po po kuoma lawmthu ei hung hril a nih.

ISTV a Hmar program lo en seng dingin mitin ei fiel a nih.

ISTV Hmar program Coordinators:
Mr Wilson Infimate (+91 8837243835)
Miss Rose Pulamte (+91 9899304718)
Mr Robert Shakum (+919862902689 )

Hnam tadinga in thawpui,
JB Songate (President, HAA Imphal jhqt)
Ramchanglien Shakum (Secretary, HAA Imphal jhqt)
Don't Miss
© all rights reserved
made with by Simon L Infimate