IMPHAL, March 18, 2018 Virthli (ONP): Zani chawhnung dar 1:00 PM khan Swachh Bharat Abhiyan Office, Airport Road, Imphal chu Pu Yashwant Singh Darbar, National Coordinator, Swachh Bharat Ahiyan (SBA) le Director, Tribal Co-Operative Marketing Development Federation Ltd., Government of India in khuollien ni pumin a hawng a, Manipur State Film Development Society (MSFD) hall, Imphal-ah programme hmang zawm a nih. Hi huna hin Pi IK Savanai, State Coordinator, SBA Functional President in a thang a, Pu Michael, State President, ST Morcha khawm thangin thuhrilna a nei.
Hi huna hin State Coordinator, Sub-Coordinators le district Coordinators hai chawimawi an na, Pi Thangthatling Sinate, Pherzawl district Coordinator le organising members in a hril dan chun, Pherzawl district-ah a hmun ngeia feh a sinthaw tan a ni theina dingin hma lak phawt ning a tih tiin a hril. Swachh Bharat Abhiyan hin khawsung sukfaina chau ni lovin thil dang tamtak a huom a, Ek-in bawl, water supply, village-ah community hall bawl le a dang dang a phur sa a nih. Pherzawl district a hin hmalak tanna dingin VA hai leh thangruolin a hmun ngeiah fe in, ‘on the spot survey’ thaw phawt ning a ta, SBA hmalakna in target a siem angin, kum 2019 chenah Pherzawl district sunga ek-in nei lo hai bawl pek vawng ning an tih tiin Pi Thangthatling chun a hril a, tlangram lampui tha naw hai a thlalakin Pu Yashwant Singh Darbar an entir a, mak a ti hle thu a hril bakah, ama thangpuina in lampui siemna ding kawng khawm an hawng a beisei thu a hril. Pi Thangthatling hi Pherzawl district bakah Churachandpur district SBA Coordinator khawm hung ni thei ding a na, khawtin VA hai leh inpaw peia SBA hmalakna hi sukpuitling a tum thu a hril a nih.
Keynote Address SBA State Coordinator Pi Savanai in a hril a, Swachh Bharat Abhiyan hi kum 2014 a Prime Minister Narendra Modi inrawina a tan a na, a thiltum tak chu 2019 a India pa Mahatma Gandhi pieng champha (Gandhi Jayanti) ni October 2 chen a India rama khaw tum tum hai Open Defecation Free (ODF) a siem a nih tiin a hril. A hril peina-ah, SBA hi category 2, Urban le Rural a the a na, hi hmalakna hnuoia hin khawpui kawtthler a inthawk tlangram khawtin huomin mihriem chengna hmun tum tum hai thienghlim le fai taka siem ning an tih tiin a hril. Vawisuna SBA Manipur Office hawng a ni a inthawk kum khat le thla ruk (March, 2018 – September, 2019) chen, State Coordinator, sub-Coordinators le district Coordinators hai hmalakna hnuoiah Manipur hmun tum tum, khawpui le tlangram kilkhawr chen huomin Manipur state hi sukfai vawng ning a tih tiin Pi Savanai chun a hril.
SBA hmalakna hnuoia faina sin thawna a hin kawng tum tum a huom a, mihriem chengna le khawtin sukfai el khel-ah, toilet bawl, water supply siemthat le a dang dang a huom a. Central in 2019 target a siem leiin sinthawna ding hi hun tawite chau a um tah a, mawphurtuhai an sawl hle ding a nih. Hi le inzawma mipui han harsatna ei nei hai thuneituhai kuomah inthlahrung lova intlun hlak ding niin, hmalakna hi state sawrkar le cenral sawrkar thangruolin an sukpuitling ngei ding a nih tiin Pi Savanai chun a hril sa bawk.
Programme a items chi tum tum hai lai Saidan, Churachandpur nunghak pahni Nk. Rebecca Hmar le Nk. Grace Hmar han rimawiin mipui an inawi a, khuollien Pu Yashwant Singh Darbar in thuhrilna a nei hunah Swachh Bharat Abhiyan pledge hrilin mipui fekhawm hai intiemkamna an neitir a; hlaphuok le hlasak thiem le State Kala Akademi Awardee Rewben Mashangva le Class VII inchuklai Rishika Yumnam han Folk Presentation le Classical Dance an suklang.
Hi huna hin State Coordinator, Sub-Coordinators le district Coordinators hai chawimawi an na, Pi Thangthatling Sinate, Pherzawl district Coordinator le organising members in a hril dan chun, Pherzawl district-ah a hmun ngeia feh a sinthaw tan a ni theina dingin hma lak phawt ning a tih tiin a hril. Swachh Bharat Abhiyan hin khawsung sukfaina chau ni lovin thil dang tamtak a huom a, Ek-in bawl, water supply, village-ah community hall bawl le a dang dang a phur sa a nih. Pherzawl district a hin hmalak tanna dingin VA hai leh thangruolin a hmun ngeiah fe in, ‘on the spot survey’ thaw phawt ning a ta, SBA hmalakna in target a siem angin, kum 2019 chenah Pherzawl district sunga ek-in nei lo hai bawl pek vawng ning an tih tiin Pi Thangthatling chun a hril a, tlangram lampui tha naw hai a thlalakin Pu Yashwant Singh Darbar an entir a, mak a ti hle thu a hril bakah, ama thangpuina in lampui siemna ding kawng khawm an hawng a beisei thu a hril. Pi Thangthatling hi Pherzawl district bakah Churachandpur district SBA Coordinator khawm hung ni thei ding a na, khawtin VA hai leh inpaw peia SBA hmalakna hi sukpuitling a tum thu a hril a nih.
Keynote Address SBA State Coordinator Pi Savanai in a hril a, Swachh Bharat Abhiyan hi kum 2014 a Prime Minister Narendra Modi inrawina a tan a na, a thiltum tak chu 2019 a India pa Mahatma Gandhi pieng champha (Gandhi Jayanti) ni October 2 chen a India rama khaw tum tum hai Open Defecation Free (ODF) a siem a nih tiin a hril. A hril peina-ah, SBA hi category 2, Urban le Rural a the a na, hi hmalakna hnuoia hin khawpui kawtthler a inthawk tlangram khawtin huomin mihriem chengna hmun tum tum hai thienghlim le fai taka siem ning an tih tiin a hril. Vawisuna SBA Manipur Office hawng a ni a inthawk kum khat le thla ruk (March, 2018 – September, 2019) chen, State Coordinator, sub-Coordinators le district Coordinators hai hmalakna hnuoiah Manipur hmun tum tum, khawpui le tlangram kilkhawr chen huomin Manipur state hi sukfai vawng ning a tih tiin Pi Savanai chun a hril.
SBA hmalakna hnuoia faina sin thawna a hin kawng tum tum a huom a, mihriem chengna le khawtin sukfai el khel-ah, toilet bawl, water supply siemthat le a dang dang a huom a. Central in 2019 target a siem leiin sinthawna ding hi hun tawite chau a um tah a, mawphurtuhai an sawl hle ding a nih. Hi le inzawma mipui han harsatna ei nei hai thuneituhai kuomah inthlahrung lova intlun hlak ding niin, hmalakna hi state sawrkar le cenral sawrkar thangruolin an sukpuitling ngei ding a nih tiin Pi Savanai chun a hril sa bawk.
Programme a items chi tum tum hai lai Saidan, Churachandpur nunghak pahni Nk. Rebecca Hmar le Nk. Grace Hmar han rimawiin mipui an inawi a, khuollien Pu Yashwant Singh Darbar in thuhrilna a nei hunah Swachh Bharat Abhiyan pledge hrilin mipui fekhawm hai intiemkamna an neitir a; hlaphuok le hlasak thiem le State Kala Akademi Awardee Rewben Mashangva le Class VII inchuklai Rishika Yumnam han Folk Presentation le Classical Dance an suklang.
