Lungthulien, March 18, 2018, Virthli (ONP): India sawrkarin Aadhaar card a lâk ursun leia India mipui harsatna nasa tak a'n tlun ang bawkin Pherzawl Dist., Manipur-a khawm mipuiin harsatna namênlo an tuok mêk. Zani khan Aadhaar card thlalatu hai chun Lungthulien an tlunga. Aadhaar card thla la dinga mi za têl fe khawm hai chu Birth Certificate lem an chawi tawl leiin mi tam tak Aadhaar card siem thei lovin beidawng takin an kir. Parbung CHC(tuta Pherzawl Dist. Hospital ni tah) Birth Certificate a pêk suok chu a lem(scan) a ni leiin Aadhaar card siem thei lo student mi 100 chuong namênloin a sukbuoi baka mipui tam tak a sukbuoi sa.
Mipui chun District Hospital pakhat ve meuin hmang tlak lo Birth Certificate a pêk suok chu an lung a awi naw hle a. Aadhaar card siem hi thla tina Hmar biela um hlak a ni naw leiin mipui harsatna chingfel tumin khawtlâng ṭhuoitu haiin theitâwp insuoa lampui dap nisienkhawm tuchena ding chun an hmalâkna chu a la hlawsam hria. Mipuiin ṭûl le mamaw huna Tribe certificate, Domicile certificate le certificate dang dang lâk nuom changa Parbung SDO Office, Apolo Veng, Ccpura inṭhuta um chu an tuorna zuol hle a. Pherzawl District Hospital hi mipui innghatna tlâk certificate pe suok hlak ta dingin thuneitu haiin ṭhang hung la dingin mipui chun an ngên ngawl. (input:Daniel Lalsanhim)
Mipui chun District Hospital pakhat ve meuin hmang tlak lo Birth Certificate a pêk suok chu an lung a awi naw hle a. Aadhaar card siem hi thla tina Hmar biela um hlak a ni naw leiin mipui harsatna chingfel tumin khawtlâng ṭhuoitu haiin theitâwp insuoa lampui dap nisienkhawm tuchena ding chun an hmalâkna chu a la hlawsam hria. Mipuiin ṭûl le mamaw huna Tribe certificate, Domicile certificate le certificate dang dang lâk nuom changa Parbung SDO Office, Apolo Veng, Ccpura inṭhuta um chu an tuorna zuol hle a. Pherzawl District Hospital hi mipui innghatna tlâk certificate pe suok hlak ta dingin thuneitu haiin ṭhang hung la dingin mipui chun an ngên ngawl. (input:Daniel Lalsanhim)
