Responsive Ad Slot

RPL Final le 80th Rengkai Day March 23 ah; Chief Guest in Pu V. Hangkhanlian (Hon’ble Minister, Agri., Vety & AH, Govt. of Manipur)

Sunday, March 18, 2018

/ by Simon Infimate
CCPUR, March 18, 2018, Virthli (ONP): Hungtlung ding March 23, 2018 sun le zan haia khin Rengkai Playground, CCPur ah The 3rd Edition Rengkai Premier League (Football) Grand Final -cum- The 80th Rengkai Day Celebration chu puithu taka hmang dinga inbuotsaina a fe mek a. Sun hun ah Chief Guest in Pu V. Hangkhanlien (Hon’ble Minister, Agri., Vety & AH, Govt. of Manipur) ṭhang a ta, Chief Host in Pu J.C. Chongkholien (Chief of Rengkai), Guest of Honour in Pu M. Gouzamang Guite (M.D.C., A.D.C.C.) le Functional President in Pu Lalhmangpui Fimate (M.D.C., A.D.C.C.) hai ṭhangin thuhrilna nei an ta. Zan hun a chun Chief Guest in Pu T. Romeo Hmar (Brand Ambassador, Kaziranga University; Convenor, Manipur Tribals' Forum, Delhi, etc) ṭhang a ta, Guest of Honour in Rev. Joseph R. Joute (Director, For One Life, Asia), Functional President in Pu Lienhmingthang (Manager, M/s Kim Joe Gas Agency, Rengkai)
le Special Guest in Pu Lalropui Chairman, UPF hai ṭhangin thuhrilna nei an tih.


Hi ding le inzawm pei hin Organiser/Celebration Committee chun Tribal Hostel, HSA Campus, Rengkai, CCPur ah March 18, 2018 Pathienni chawhnung dar 1PM khan meeting neiin work allotment le thil ṭul ding hai an sukfel diem tah.

Hi hun hi Special Invitees a ṭhangin Village Chief le Village Authority tum tum, Khawtlang le Kohran a Pawl tum tum ṭhuoitu hai, Social Worker, Govt. Officer, Army Officer haiin uop an ta, Thuhril ngaithlakna, Cultural Show, Special Items hai umin hla le rimawi malzai, choir le Band/Group inlar tak tak a inthawkin ngaithlak ning a tih. Chuong hai laia chun Nk. Christina Shakum (1st Runner’s Up Manipur Idol 2017 & H.S.A. Platinum Star 2014), Nk. Lawmnakim Hrangate (Zomi Idol India 2015), Rengkhawpui Atristes, Pi Buongthangpui & Tv. A. Donald Buongpui (Rengkhawpui Veteran Singers), Tv. John L. Varte ( 1st Runner’s Up Sinlung Star 2007), Tv. Jai Jai Singsit, Tv. J.J. Hrangchal, Pi Roslyn Lalumpui (International Singer)
le Choir, Band/Group Blessed Choir, Da Deserters (1st Hmar Punk Band), Snumb Crew
(Popular Dancer), Beauty and Beast Band, (Winner of the 1st Summer Jam, CCPur), Rengkhawpui Various Artistes, Sinlung Express Band, V.C. Queen (Rengkhawpui Veteran Band) le a dang dang ṭhangin an talent pholang an tih.

Hi Rengkai Day a hin khawsunga inchûknain le dawr/sumdawngna hmun hai khawm khar a, khawsung mipui le Rengkai khawsuok le Rengkai ngaina le ditsaktu a tuelkhawma uop a hi hun hlimum tak hi hmangpui dingin Organiser/Celebration Committee chun fielna siemin Pathien kuoma ṭawngṭainaa lo san dingin a ngen bawk.
Don't Miss
© all rights reserved
made with by Simon L Infimate