Responsive Ad Slot

Mizoram le HPC (D) inbiek hun ding sawnhlat

Thursday, February 22, 2018

/ by VIRTHLI HMAR
Aizawl, 22 February, 2018 (Virthli, ONP): Mizoram sawrkar le Pu H. Zosangbera keihruoi Hmar People's Convention (Democratic) hai inkara political level a inbiekna hmasatak ding, kha hmaa March ni 5 tia lo um chu March ni 7 ah sawnhlat a nih.

Mizoram home minister Pu R. Lalzirliana chun inbiek sawnhlat a nina san chu lo theilo thil lei le inbiek a ṭhang ding palaihai an lan zo fel naw lei niin a hril.

Inbiekna hi March ni 7 ah State Guest House, Chaltlang, Aizawl ah nei ning a tih, ti'n a hril.
Pu Zira'n a hril dan chun sawrkar tieng hi Pu Lalrinmawia Ralte, MLA,  Political Adviser to the Chief Minister le Pu John Siamkunga, MLA, Chairman, Mizoram Law Commission haiin inrawi an tih.

HPC (D) spokesperson pu Lalṭhalien in ei palai a hril danin HPC (D) tieng hi HPC (D) working chairman Pu Lalthanglien alias LT Hmar in a lan rawi nawk beisei a nia, amiruokchu February ni 26 or 27 hin palai ding an ruotfel thei hmel chau thu a hril.

Tuta inbiekna dinga hin HPC (D) demand area sunga mi, mi 2 bek palaia ṭhang dinga ti a nia, amiruokchu palai ding an la hmu naw thu Pu Lalṭhalien chun a hril bawk.


Don't Miss
© all rights reserved
made with by Simon L Infimate