Responsive Ad Slot

Leilak chimah pakhat thi, pakhat hliem

Tuesday, February 13, 2018

/ by Simon Infimate
Aizawl, 13 February, 2018 (Virthli ONP): Vawisun chawhma dar 10 bawr vel khan Sesawng le Khawruhlian (Mizoram) inkara Tuirini leilak a chima Pu  HC Lalfakzuala (47), Sesawng venglai chu a hmunah thiin, Tv Laltleipuia (27), Sesawng chu hliem inrik taluo lo tuorin Thingsulthliah damdawiin panpui a nih.

Laltleipuia pa Pu Remlalchhuanga @ Rempuia in ei palai a hril danin Pu Lalfakzuala le Tleipuia hi forest department hai thing at dinga fe an na, leilak (bailey bridge) hi ke a anhraw mek lai a hung chim thut niin a hrila, a hmuna hin Pu Lalfakzuala hi biek khawm hrie hman lovin a thi nghal a nih.
Hi leilak hi Sesawng anthawka km 5 (Aizawl anthawk km 45) vela um a nia, siemṭhat dinga an ṭhiek lai mek nih. A sira hin a pelna ding lung deng bumin siem a nia, ṭhenkhatin a kil an lo inruk hmang hlak leiin ngirhmun derthawng deua um niin ei thulakna chun a hril.


Laltleipuia hi Mizoram University ah MA (Economics) inchuklai mek a nia, a tuition man ding le inchukna le inzawma a mamawhai phurrukna ding tiin Pu Lalfakzuala hi thing at dinga va zui a nia, a kawng a tet sil deu leiin Thingsulthliah damdawiin panpui a ni thu Pu Rempuia chun ei palai a hrila, a ngirhmun lem chu ngaituo um taluo lo niin a hril bawk.

Hringna chan tah Pu Lalfakzuala hi pa fel tak niin Hmar hnam ta dinga mi ṭangkai em em a nih. Ama hi Seventh Day kohran niin a nuhmei le nau 3 a maksan a nih.
Don't Miss
© all rights reserved
made with by Simon L Infimate