Responsive Ad Slot

ICI CKTP Inkhawmpui lien vawi 34-na tumtiek

Monday, February 26, 2018

/ by VIRTHLI HMAR
CCPur, Feb 26, 2018: "Ral khing tieng sawn kai ei tiu" ti thupui hmanga Independent Church of India (ICI) Central Khristian Thalai Inkhawmpui lien vawi 34-na, Rengkai, CCPur hmuna February 23 - 25, 2018 sung a hmang chu hlawtling takin a lo tumtiek tah.

Inkhawmpuinaa hin hun chi tum tum a the a ni a. 4th Rev. Thangngur Music Award (Malzai - Independent hla), 4th Pu Buonglienkung Music Award (Hlapawl) le Mission Field ta ding bik (Malzai) inruolsiekna hun hai hmang a nih.

Zirtawp zan hin Rev. Thangngur Music Award first round, inkhawm hunser hmangzo hnungin tan a ni a. Hi huna hin Rev. Thangngur a tupa Rev. Lalngailien Joute in chibai bukna hun (Greetings) a hmang a. Independent hla chu Independent kohran ta ding chau ni lova, a hnam ta dinga pawimaw zie le ro a tling zie hai a hril.

Inkhawmpui hun sung hin Pathien thu Rev. H.B. Hluothang, Rev. Alan Thiek le Rev. H.P. Runremthang haia inthawk hrilna le ngaithlakna hun hmang a ni a. Sharing Evan Chawngtuolur le Miss Esther Laltankim haia inthawk ngaithlak niin Seminar (Clean Indua Movement) - a responsibility of Christian Youth, Upa Dr. Zawlthanglien resource person in hun a hmang a. Youth Challenge on Various Career, Mr. Mesak Lalsanhim in hmangve in Special Focus on Modern Technology, Mr. Ramhmangai Khawbung in a hril bawk.

Inruolsiekna chi tum tum hai a tawp zan result puong a ni a. Mission field hlapawl inruolsiekna ah Manipur field in pakhatna an lak a. 4th Buonglienkung Music Award (Hlapawl) inruolsiekna ah 2nd runners up N. Delhi (Cash), 1st runners up Assam Hills Presbytery (Cash) le Winner - Tuithaphai Presbytery (Trophy + Cash 20,000) inhlan an nih a. 4th Rev. Thangngur Award (Malzai) inruolsiekna lawmman puong a ni bawk a. Tv. Lalenkawl Joute, Aizawl Pres., (2nd runners up), Nk. Gloria Malsawmkim, Assam Hills Pres., (1st runners up) le Tv. Obadiah Ralsun, Delhi City Church, Winner (Trophy + 20,000) hai lawmmna inhlan an nih.

Hieng hai baka hin Central Committee in a rel angin Pi Nienglawmkim in Music Album 50 zet el a lo siem ta chu, Thalai inkhawmpui lien vawi 34-na ah chawimawina thuziek le Thangsuopuon inhlan a nih.

Kum 2018 - 20 sunga Central Kristien Ṭhalai Pawl Ṭhuoitu ding inthlangna nei a ni bawk a.

Chairman: Upa Dr. Zawlthanglien
Vice Chairman: Upa Ramhlunsang
Secretary: Rev. Alan Ṭhiek
Asst. Secy.: Rev. Ramropui Ṭhiek
Fin. Secy.: Upa Lalramlien Ralsun
Treasurer: David Ṭaite

Executive Members:
1. Upa Laibuon Hmar
2. Rev. Zothanghrim
3. Pastor Lalbuotsai
4. Samuel De Sungte

Inkhawmpui hun ni hni sung hin mipui ruoi buotsai a nih.
Don't Miss
© all rights reserved
made with by Simon L Infimate