Parbung, Feb. 27, 2018, Virthli (ONP): Parbung Sieli Association in ‘Inthuruola Inchawimawituo’n Hmatieng Pan Ei Tiu’ ti thupui hmanga The 2nd Bungkhawpui Awitu 2018 a huoihawt chu February 26, 2018 dar 6;00PM khan Parbung Community Hall ah Grand Finale puithu takin hmang a nih. Hun hmangna hi Tv. Muona Infimate le Nk. Preeti han an keithuoia. Hi huna hin Chief Guest in Pu L. Tlanthang, Chairman V/A Parbung a thang a, Guest of Honour in Pu Skulthang, Vice Chairman, Val Upa Parbung a thang . Hun hmasa tieng Guest Artiste han (L) Nk. Ramsiempui hrietzingna hla ‘ Ngailai Ramsiempui ’ ti hla sakna an nei a, hun hawng tawngtaina Pu Lalhming, Parbung Val Upa in a nei zoin PSA han Khuollien hai chawimawina thilpek le memento inhlanna an nei.
Chief Guest - Pu L. Tlanthang, Chairman, Parbung V/A in thu a hril huna chun PSA in Rimawi tienga talent tha tak tak nei hai ta dinga an thiemthil hai phawrsuokna dinga Bungkhawpui Awitu an huoihawt chu lawmum a ti thu a hril a, khawtlang a hai inthuruolna tha lem a hung intlun ngei a beisei thu hai a hril. A hril peina a chun March 26-27, 2018 huna Pherzawl District huopa Parbung khuoa Ginger Festival hmang a ni ding thu, inpuochana le inbuotsaina hai khawm ngawr takin a fe mek thu hai hrilin Pu Dr. Chaltonlien Amo, Hon’ble MLA, Tipaimukh le Pu Th. Biswajit Singh, Hon’ble Minister PWRD &PR, IPR han Manipur Legislative Assembly Hall ah Ginger Festival chungchang an khekpui thu hai a hril a. Ginger Festival-cum-Business Summit a Vice Chairman ni bawk Pu L. Tlanthang chun Ginger Festival hin lo sinthawtuhai ta dinga hamthatna a hung intlun ngei a beisei thu hai a hril. Hi huna Guest of Hnonour Pu Skulthang, Vice-Chairman, Parbung Val Upa in thuhrilna a nei a chun PSA in Bungkhawpui Awitu a huoihawt hi a lawmum a ti thu hrilin, khawtlang hmasawnna dinga kalbi pawimaw takel ani zie thu hai a hril a. Bungkhawpui Awitu hin thangthar hlasakthiem tamtak hmatieng peia hung sersuok pei dingin a ditsak thu a hril.
Bungkhawpui Awitu hi Pu Sumlamrawn Hmar in a sangnu (L) Nk. Ramsiempui@Thasuri hrietzingna dinga a sponser hlak ani a. Grand Finale huna hin Pu Sumlamrawn Hmar a pa, Upa Laltluonglien khawma thuhrilna hun neiin PSA han an nunghak chanpui, a naunu (L) Nk. Ramsiempui hrietzingna dinga Bungkhawpui Awitu an huoihawt chu lawmum a ti thu a hril a, a naunu an hlutsakna le an ngainatna zie hai a hmuin a theinghil naw ding thu le hmatieng peia khawm an thei ang ang an hung suo pei ding thu hai a hril. Hi hunser hmang huna hin Parbung V/A, HYA, HWA, Val-Upa, HWA Hmarram Region hai khawm thuhrilna hun an hmang ve.
Bungkhawpui Awitu 2018 a hin contestant hai Category I le II a the ana; thingnawi naupang le mithi bufai dawl hnuoitienghai po chu Category-II anna, a chungtienghai po chu Category I an nih. Grand Finale a hin Awitu ni ngei tuma hlasak an ni leiin an rawl a mawiin an thiem hle a, thlirtu mipui hai na khawm a tlei hle a, fans hai riva khawm a sosangin a nasa hle bawk. Judge hai decision le mipui vote tiem ani hnungin result puongna nei a ni a. Catergory (I) a Bungkhawpui Awitu 2018 chu Pi Lalneihlim a ni a, ama hi Cash prize- 7500+ Memento inhlan a nih, 1st Runner-Up, Tv. Zarzosang Nungate (5000+Memento) , 2nd Runner -Up, Pu Lalditsang Zote (3000+Memento).
Category (II) a Bungkhawpui Awitu 2018 chu Ms. Judy Lalnghakzing a ni a, ama hi cash prize- 4000+Memento inhlan a nih, 1st Runner-Up, Ms. Hlawtlingmawi (3000+Memento) 2nd Runner-Up, Ms. Lalthazo (2000+Memento). Top-3 hai baka hin Top-5 tling hai po Consolation prize inhlan an nih. Hi huna hin Judge hai- Pu Hrangkaithang, Pi Grace Lalhmangai le Tv. Simon Barjohn hai khawm PSA in chawimawina thilpek Memento an inhlan.
Bungkhawipui Awitu 2018, Grand Finale huna hin Guest Artiste- Pi Jeneth Lalsiemthar (1st Runner-up,Bungkhawpui Awitu 2016), Pu Lalrofel (Top 2, Bungkhawpui Awitu 2016), Pu Lalnuntluong, Pi Nghakkhawhnem, Ms. Fimlalhriet, Ms. Hallelui han hla mawi tak takel sakin mipui fekhawm hai an inawia. Girls Generation, Sophia&Friends, Diana&Party hai khawma Lam hmu nuomum tak tak inentirna hun an nei . Hi huna hin Tv. Ramthasang@Amrish Hmar khawma All India Radio puongna neiin Bungkhawpui Awitu 2018 tawifel takin report pekna a nei. Vote of Thanks Nk. Thangneichawng, Chairperson PSA hrilna a nei zoin Pu Skulthang, Vice- Chairman, Parbung Val-Upa in tawngtainain hun a khar.
Chief Guest - Pu L. Tlanthang, Chairman, Parbung V/A in thu a hril huna chun PSA in Rimawi tienga talent tha tak tak nei hai ta dinga an thiemthil hai phawrsuokna dinga Bungkhawpui Awitu an huoihawt chu lawmum a ti thu a hril a, khawtlang a hai inthuruolna tha lem a hung intlun ngei a beisei thu hai a hril. A hril peina a chun March 26-27, 2018 huna Pherzawl District huopa Parbung khuoa Ginger Festival hmang a ni ding thu, inpuochana le inbuotsaina hai khawm ngawr takin a fe mek thu hai hrilin Pu Dr. Chaltonlien Amo, Hon’ble MLA, Tipaimukh le Pu Th. Biswajit Singh, Hon’ble Minister PWRD &PR, IPR han Manipur Legislative Assembly Hall ah Ginger Festival chungchang an khekpui thu hai a hril a. Ginger Festival-cum-Business Summit a Vice Chairman ni bawk Pu L. Tlanthang chun Ginger Festival hin lo sinthawtuhai ta dinga hamthatna a hung intlun ngei a beisei thu hai a hril. Hi huna Guest of Hnonour Pu Skulthang, Vice-Chairman, Parbung Val Upa in thuhrilna a nei a chun PSA in Bungkhawpui Awitu a huoihawt hi a lawmum a ti thu hrilin, khawtlang hmasawnna dinga kalbi pawimaw takel ani zie thu hai a hril a. Bungkhawpui Awitu hin thangthar hlasakthiem tamtak hmatieng peia hung sersuok pei dingin a ditsak thu a hril.
Bungkhawpui Awitu hi Pu Sumlamrawn Hmar in a sangnu (L) Nk. Ramsiempui@Thasuri hrietzingna dinga a sponser hlak ani a. Grand Finale huna hin Pu Sumlamrawn Hmar a pa, Upa Laltluonglien khawma thuhrilna hun neiin PSA han an nunghak chanpui, a naunu (L) Nk. Ramsiempui hrietzingna dinga Bungkhawpui Awitu an huoihawt chu lawmum a ti thu a hril a, a naunu an hlutsakna le an ngainatna zie hai a hmuin a theinghil naw ding thu le hmatieng peia khawm an thei ang ang an hung suo pei ding thu hai a hril. Hi hunser hmang huna hin Parbung V/A, HYA, HWA, Val-Upa, HWA Hmarram Region hai khawm thuhrilna hun an hmang ve.
Bungkhawpui Awitu 2018 a hin contestant hai Category I le II a the ana; thingnawi naupang le mithi bufai dawl hnuoitienghai po chu Category-II anna, a chungtienghai po chu Category I an nih. Grand Finale a hin Awitu ni ngei tuma hlasak an ni leiin an rawl a mawiin an thiem hle a, thlirtu mipui hai na khawm a tlei hle a, fans hai riva khawm a sosangin a nasa hle bawk. Judge hai decision le mipui vote tiem ani hnungin result puongna nei a ni a. Catergory (I) a Bungkhawpui Awitu 2018 chu Pi Lalneihlim a ni a, ama hi Cash prize- 7500+ Memento inhlan a nih, 1st Runner-Up, Tv. Zarzosang Nungate (5000+Memento) , 2nd Runner -Up, Pu Lalditsang Zote (3000+Memento).
Category (II) a Bungkhawpui Awitu 2018 chu Ms. Judy Lalnghakzing a ni a, ama hi cash prize- 4000+Memento inhlan a nih, 1st Runner-Up, Ms. Hlawtlingmawi (3000+Memento) 2nd Runner-Up, Ms. Lalthazo (2000+Memento). Top-3 hai baka hin Top-5 tling hai po Consolation prize inhlan an nih. Hi huna hin Judge hai- Pu Hrangkaithang, Pi Grace Lalhmangai le Tv. Simon Barjohn hai khawm PSA in chawimawina thilpek Memento an inhlan.
Bungkhawipui Awitu 2018, Grand Finale huna hin Guest Artiste- Pi Jeneth Lalsiemthar (1st Runner-up,Bungkhawpui Awitu 2016), Pu Lalrofel (Top 2, Bungkhawpui Awitu 2016), Pu Lalnuntluong, Pi Nghakkhawhnem, Ms. Fimlalhriet, Ms. Hallelui han hla mawi tak takel sakin mipui fekhawm hai an inawia. Girls Generation, Sophia&Friends, Diana&Party hai khawma Lam hmu nuomum tak tak inentirna hun an nei . Hi huna hin Tv. Ramthasang@Amrish Hmar khawma All India Radio puongna neiin Bungkhawpui Awitu 2018 tawifel takin report pekna a nei. Vote of Thanks Nk. Thangneichawng, Chairperson PSA hrilna a nei zoin Pu Skulthang, Vice- Chairman, Parbung Val-Upa in tawngtainain hun a khar.
