Responsive Ad Slot

SDO le BDO hai an office innghatna hmun senga kai ta ding

Sunday, January 28, 2018

/ by Simon Infimate
Imphal, Jan 28, 2018, Virthli (ONP): Liemtah January 25 khan Chief Secretary, Manipur chun Order insuo in, Sub-Division Officer le Block Developemt Officer hai chu an Office innghatna Sub-Division Headquarters le Block Development Headquarters haia uma office kai seng ta dingin an hreittir.

Transportation tha naw le infrastructure um naw hai intuma SDO le BDO Office hai a umna ding hmuna a function naw nia hril hlak ani thu hai Order chun a tarlanga, public service tamtak el mipuiin an hmu ding ang an hmu thei naw thu hai a tarlang sa bawk.

Parbung SDO Office as on June 2017

Sawrkar chun office umna ding hmuna office hai a function thei ngei na dingin a tul ang angin staff hai hmang ding motor le infrastuture hai a ngaituo mek thu le staff hai chu iengtiklai khawm an postingna hmun senga um dingin an hriettir nghal bawk a nih.

SDO le BDO hai chu a thei ang anga hmangruo um hai lo hmang ding le a tul chun private motor hai chen khawm hire a hmang dingin a ti bawk a nih.

Hi chungthu a hin Revenue Department, Rural Development Departmemt le Finance Departmemt hai chun kawng iengkima hma an lo lak ding thu le thataka SDO le BDO office hai an kai ngei theina dingin inspection thaw zing dingin Deputy Commissioner (DC) chu a dande a nih.

Don't Miss
© all rights reserved
made with by Simon L Infimate