Responsive Ad Slot

Pu Bara thina le inzawma Hmar Inpui GHQ & Hmar Christian Leaders’ Forum thusuok

Sunday, January 28, 2018

/ by Simon Infimate
PRESS RELEASE
28th January, 2018


Hmar Inpui GHQ le Hmar Christian Leaders’ Forum haiin dawkan buotsai a, ei Hnam sunga chawi pawl group thum hai laia inremna le inhriet thiemna țhalem beisei na leiin vel tamtak inbiekna neiin, kawng tamtak ah inhrietthiemna le thuthlung tamtak ziek hiel lo nita sienkhawm, tarik ni 27 Jan 2018. Zana Hmarkhawlien khawsunga Pu Norber Sanate (47) @ Bara, Finance Secretary, HPC(D) Chairman pawl tienga mi chu khawlaidunga nunrawng taka that ani na le khawsung mipui, Nu/Nau thlabar taka ansiemna chu Hmar Inpui GHQ le HCLF chun nasa takin a thawtu hai adem hle a, thiemnaw anchangtir takzet.

Hienga inremna le thuthlung kawng tamtaka ziek le hmalak ani lai zinga inthatna hi Hmar hnam sunga umnawk ta naw sien, atu pawl khawma hi inthatna lei hin inkeidei hram hram ding le thisen insuona hi Hmar unau kar ah umnawk tanaw sien ei dit hle bawk.

A thawtu hai hin an thaw nasan an hmatienga mipui hriet dinga hung puong ngei dingin phût anni hle bawk.

Lusun sungkuo hai ei sunpui takzet a, Pathien thlamuongna an chang ngei theina dingin mitin țawngțaipui seng ei tiu.

Sd/-
JOSEPH LALROTHANG
President, Hmar Inpui GHQ

Sd/-
FRANCIS SONGATE
Gen.Secretary, Hmar Inpui GHQ

Sd/-
Rev. ROHMINGLIEN PAKHUONGTE
Chairman, HCLF

Don't Miss
© all rights reserved
made with by Simon L Infimate