CCPUR, Oct. 8, 2017 (Virthli ONP): Hungtlung ding Oct. 14, 2017 a inthawk khin Manipur 2nd Capital Churachandpur aka CCPur ah Aerobic Exercise-Fitness & Wellness Centre*
(AE-FaWCen) hawng a ni ding a nih. Hun iemani sung temporary in HL Daka Memorial Hall, HSA Campus, Rengkai, CCPur, Manipur hmang phawt ning a ta. Hi Centre Motto chu "Stay Fit, Stay Young, Health is Wealth" ti ning a ta, hriselna sie thei khawpa taksa thau le taksa rik sukkiem nuom ha'n aerobic exercise hmangin hi centre a inthawk hin an mamaw ang an hmu thei ding a nih. Natna i zira exercise le fak ding inhrilhrietna hai um hlak bawk a tih.
Oct. 14, 2017 (Saturday) chawhma dar 10:00 AM in LJ Memorial Hall, JJ Plaza, Rengkai Road, CCPur, Manipur ah hi Centre hi Pu M. Gouzamang Guite MDC in Khuollien niin hawng a ta, chu zo ah Class hi tan ning a tih. Free Enrollment thaw thei zing a ni tah a. Monthly Fee khawm in man deu le a hminga INR 600 chau lak a la ni phawt ding a nih. Thu chieng hrie nuom ha'n contact nos.9862753069/8860873209/7005294889 haia hin hriet thei ning a tih.
Instructors ding hai chu Mr. Kevin Lalrintluanga @Marin (Dancer) le Mr. Zawlkapthang Thiek @Kaka (Singer, Dancer & Beauty Expert) hai ning an ta, Ms. Naomi Chhakchhuak
Manager, AE-FaWCen le Mr. LRS Puruolte Promoter, AE-FaWCen han enkaiin a tul ang peiin thangpui hlak an tih.
Centre hawng ni hin ProYoung Company ha'n an Product laia mi hi huna thang hai lai a thlawnin sem an tih. Hi huna hin a nuom taphawt thang thei ning a ta, Oct. 16, 2017 in Herbal Life Company leh thangruolin Centre hmun ah One Day FREE Fats Detection Camp nei ni nawk a ta, a nuom taphawt thang thei ning a tih tiin Promotor, AE-FaWCen chun a hril. ProYoung hi an company product hai a tha leia tulaia inlar, Mizoram a lem chu hrietlar le an damdawi cancer a damnaw chen khawma an that pui, CCPur a inlar ve tan mek an nih. Herbal Life company hai khawm inlar tak el, India le khawvela hrietlar inkhelmi ha'n an hlut sak em em el a ni bawk.
