Pherzawl, August 19, 2017, Virthli (ONP): 71st Independence Day chu a vawikhatna dingin District Headquarers Phetzawl ah 15 August khan khawmuol siet le ruosur hnuoiah ursun taka hmangzo alo ni tah.
Hi huna hin PU A Tombikanta Singh IAS, Deputy Commisioner, Pherzawl Disctrict chu Khuollien niin Flag a keiphar. Mr. Lalbiakmuan, SI Manipur Police chun Parade Contingent a thuoi a nih.
Khuollien Pu A Tombikanta Singh, IAS in thuhrilna a nei naah, NH-150 (182 KM-235 KM. Pherzawl -Senvawn) siemthatna dingin MoRT hai kutah sinthaw dan ding le sengso dinga ruongam siema umzat 55.14 Crore chu pek ani tah thu, Electric le Mobile Tower hai khawm Pherzawl le Thanlawn ah ahung function vat ta ding thu a hril.
Chun, SDO Office haia, Income, Tribe le lekha pawimaw dang lakdawkna ding kawnga mipuiin harsatna ei tuok hlak thuhai khawm a ngaipawimaw a, awlsam lem le fel lema thaw dan lampui siem ning a tih, ti thuhai a hrilsa bawk.
Parade Contingents 22 an uma, a thiemtak, a dawt le a pathumna lawmman chu PMS Pherzawl, Parbung Govt H/S Boys le Girls contingents hai inhlan an nih.
District Level Officer hieng W. Ibohal Singh ADC, H Balram Singh SP, Pi Lalhminglien ZEO, Pu Lalhmangpui MDC le Block Level Officer le thawktuhai an thang.
Program hmangna ahin khu dang hieng Bukpi, Tinsuong, Talan, Damdiei, Taithu, Parbung le Sipuikawn VA le mipui iemanizat hai khawm an fekhawm a nih.
Pherzawl khuosunga football club hrang hrang han Independence Day Football Tournament ni 2 hun sung hmang dinga anlo huoihawt chu, Independence Day ni hin Zawlkhawpui Young United Club le Dolur Lienzam Memorial Teamhai chu Final ah intepin, ZYUC chun 3-1 in hrattak lawmman Cheng 3000 PDSA in a pek bawk a nih.
71st Independence Day kharna dingin DC Party Team le Pherzawl District Sports Association thuoituha'n Friendly Football inkhelna an nei bawka, Best Player Award Rs 500 buotsaia um chu Pu H Balram Singh in PDSA player Ngaituolien kutah an hlan. PDSA chun DC Party Team hai chu penalty petpuiin se 3 inbattirin hratna an changa, zantieng tlaitleng hlimtakin an kil tlang. (input: Lalruotlien hmar)
Hi huna hin PU A Tombikanta Singh IAS, Deputy Commisioner, Pherzawl Disctrict chu Khuollien niin Flag a keiphar. Mr. Lalbiakmuan, SI Manipur Police chun Parade Contingent a thuoi a nih.
Khuollien Pu A Tombikanta Singh, IAS in thuhrilna a nei naah, NH-150 (182 KM-235 KM. Pherzawl -Senvawn) siemthatna dingin MoRT hai kutah sinthaw dan ding le sengso dinga ruongam siema umzat 55.14 Crore chu pek ani tah thu, Electric le Mobile Tower hai khawm Pherzawl le Thanlawn ah ahung function vat ta ding thu a hril.
Chun, SDO Office haia, Income, Tribe le lekha pawimaw dang lakdawkna ding kawnga mipuiin harsatna ei tuok hlak thuhai khawm a ngaipawimaw a, awlsam lem le fel lema thaw dan lampui siem ning a tih, ti thuhai a hrilsa bawk.
Parade Contingents 22 an uma, a thiemtak, a dawt le a pathumna lawmman chu PMS Pherzawl, Parbung Govt H/S Boys le Girls contingents hai inhlan an nih.
District Level Officer hieng W. Ibohal Singh ADC, H Balram Singh SP, Pi Lalhminglien ZEO, Pu Lalhmangpui MDC le Block Level Officer le thawktuhai an thang.
Program hmangna ahin khu dang hieng Bukpi, Tinsuong, Talan, Damdiei, Taithu, Parbung le Sipuikawn VA le mipui iemanizat hai khawm an fekhawm a nih.
Pherzawl khuosunga football club hrang hrang han Independence Day Football Tournament ni 2 hun sung hmang dinga anlo huoihawt chu, Independence Day ni hin Zawlkhawpui Young United Club le Dolur Lienzam Memorial Teamhai chu Final ah intepin, ZYUC chun 3-1 in hrattak lawmman Cheng 3000 PDSA in a pek bawk a nih.
71st Independence Day kharna dingin DC Party Team le Pherzawl District Sports Association thuoituha'n Friendly Football inkhelna an nei bawka, Best Player Award Rs 500 buotsaia um chu Pu H Balram Singh in PDSA player Ngaituolien kutah an hlan. PDSA chun DC Party Team hai chu penalty petpuiin se 3 inbattirin hratna an changa, zantieng tlaitleng hlimtakin an kil tlang. (input: Lalruotlien hmar)
