Sr. Principal Scientist (Scientist F) a kaisang

New Delhi, August 17, 2017, Virthli (ONP): CSIR (National Institute of Science, Technology and Development Studies), New Delhi-a sinthaw lai zing, Dr. Lalsiemlien Pulamte s/o Pu Siekzapau (SDC Retd) le Pi Darrolut of Apollo Veng, CCpur chu Senior Principal Scientist (Scientist F) ah a lo kaisang (promote) tah. Eini Hmarnau hai laia ding chun Scientist F kai hmasa pawl tak ala nih. A research area hai chu S&T Policy, Regional Innovation System, Technology Management, Entrepreneurship & Regional Development ti hai an nih.

Manipur Agricultural College (tuta Central Agricultural University) ah B.Sc. (Agri) a lo zo a, chu zovah Indian Agricultural Research Institute, New Delhi-a inthawkin Agricultural Extension subject-ah M.Sc. le Ph.D. a zo a nih. M.Sc. ah Outstanding Academic Achievement leiin Gold Medal khawm a lo dawng a nih. Tuta a sin thawna CSIR-NISTADS hi kum 1993 khan Scientist ‘B’-in a lo zawm a nih.

Sina chauh ni lovin sports khawm a’n hnik êm êm a, anni CSIR sûnga khawm table tennis-ah lawmman dawng phâk ngat a nih.

A kaisangna hi Virthli chun ei lawmpui tak zet a nih.