CCPUR, August 19, 2017, Virthli (ONP): Aug. 19, 2017 zingkar dar 7 AM khan Rengkai khawsung mi Farmer hai kuom ah Fertilizer (hnuoi suk thatna) bag khat ah Rs. 400/- peiin BJP, Core Committee, Rengkai chun an Chairman Pu Lalring In a'nthawkin an peksuok. Hi hun a fertilizer peksuok a um po chu bag 195 le bag 3 chen mi pakhat kuoma pek a nih. Hieng Fertilizer hai hi Pu V. Hangkhanlian, Minister Agriculture, Veterinary & Animal Husbandry, Manipur leh inhriepaw a hmalaknaa thaw a ni thu BJP, Core Committee Rengkai chun an hril. Tulai hin Manipur khawpui Imphal dawttu Churachandpur a chun nuom nuom a fertilizer inchawk ding a vang hle thu le a umsun khawm Rs. 600/900/- dam a zawr hlak niin farmer thenkhat chun tulai hnai khan an hril a. Rengkai khuo ah hieng ang a sem a ni thei hi Rengkai khuo a farmer hai chu an lawm hle a nih.
.webp)
