HSA in World Environment Day an hmang

Muolhoi/Haflong, June 6, 2107, Virthli (ONP): Zani (June 5, 2017) World Environment Day chu HSA NC Hills &Karbi Anglong JHQ chun Haflong le a sevel a Unit hai le ursûntaka hmang le inser a nih. School ṭhenkhat a hai thingkak an sem a, chun Muolhoi Val Upa kuta khawm thingkak an hlan a, Haflong Civil Hospital sukfaina le thingkak phunna HSA Jt. Hr. Sec. & Colleges hmalakna hnuoia nei a nia, chun HSA JHQ. inrawina hnuoia New Haflong Railway Station a thingkak phunna le a hmun sukfaina nei ani bawk. Hi huna hin HSA Retzawl Unit, Huonveng Unit, Muolhoi Unit, Colleges Unit, hai mi a za tel fekhawm in hi hun pawimawitak hi hmang a nih, mi pawimaw ṭhenkhat hieng ISF President Tv. David Keivom le KSO Assam President Mr. Robert Changsan hai baka HWA tieng Miss. Elbee Hmar hai an ṭhangve a nih. Hun kharna ṭawngṭaina le lawmthu hrilna Mr. Sumneikung Ṭhiek President HSA NCH&KA JHQ.in a nei zovin hun suktawp a nih.