Mizoram sawrkar le HPC(D) in inbiekna nei, June thlaah inbiek nawk tum
“Inremna kan ziek thei ngei ka beisei”: Mizoram Add Home Secretary
AIZAWL, 28 APRIL, 2017, VIRTHLI (ONP): Nikum August thla anthawka Mizoram sawrkar le Hmar People’s Convention (Democratic) hai inkara inremna lampui zawnga inbiekna fe mek chu vawisun khan a tum li-na di’n State Guest House, Chaltlang, Aizawl ah boruok hlimumtak le muongumtak hnuoiah sunzawm nawk a nia, inbiekna hin hma a sawn pei ni’n inbiekna a thang palaihai chun an hrila. Inbiek nawk hun dingin tentative in tukum June thla riruong a nih.
Mizoram Home Department-a Additional Secretary Pu Lalbiakzama’n Virthli palai a hril danin inbiekna chu boruok muongumtak hnuoiah nei niin hma kan sawn pei a nih a tia, inremna tluontling ziek thei dingin beiseina insangtak an nei thu a hril bawk.
Vawisuna inbiekna a hin, kha hmaa lo induong tah point pasari umna- ‘Frame work of Agreement’ sukpuitling ding chungchang bakah HPC(D) mi le sa nunphung pangaia hungkir dinghai sawmdawlna (rehabilitation) le hamthatna siempek ding chungchang hriltlang a nia, vawi-3 lai inbiekna a lo hriltlang tah framework of agreement le inzawma sawrkar hmalakna le HPC (D) hmalaknahai hriltlang a nih.
Hi baka hin 1994 Accord dungzuia Sinlung Hills Development Council (SHDC) tia ko chu Sinlung Hills Council (SHC) tia thlak ding, SHC inkeihruoi dan ding le thunei dan ding (power & function), budget le thil dang danghai khawm hriltlangna nei a ni bawk. Rehabilitation chungchang bika Virthli palai zawhna dawnin, HPC (D) spokesperson Pu Lalthalien chun HPC (D) le Mizoram sawrkarin proposal an nei ve vea, sienkhawm tuta tuma inbiekna a hin phar a la remchang naw leiin inbiek nawk hunah chieng lema hriltlang dingin kan sie ti’n a hrila, HPC (D) cadre list khawm buotsai mek a ni thu a hril bawk.
SHC bill buotsai mek a ni thu hrilin, Pu Lalthalien chun final draft chu inbiek nawk hunah phar hman dingin sawrkarin inbieknaw kar lakah a lo buotsai ding thu a hrila, technical chungchang tamtak hriltlang ding a la um leiin inremna tluontling ziekna ding chun vawi hni bek inbiek a la tul ding thu a hril.
Sawrkar tieng anthawka thu ei dawng danin tuta tuma inbiekna a hin inremna thuthlung siem a ni huna an thuthlung sukpuitlingna dinga sawrkar department hran hran – Home, Finance, Law & Judicial le department dangha’n ruohmanna an siemhai khawm inhrilfiena nei niin thu dawng a nih.
Vawisuna inbiekna a hin, a hmawr bawk theina dinga a tu tieng tieng khawma an thaw dinghai ruohman ve ve a nia, hienghai hi bawzui nghal dinga inhril a ni bawk.
Vawisuna inbiekna a hin Mizoram sawrkar palaihai hi Home Department-a Additional Secretary Pu Lalbiakzama’n an rawia, palai danghai chu Home Department-a Joint Secretary Pu Lalhriatpuia; Pu Rodingliana Chawngthu, SP, CID (SB) le Pu David H. Lalthangliana, OSD (Home) hai an nih.
HPC (D) tieng hi working president Pu LT Hmar in an rawia, palai danghai chu Pu Lalthalien, Spokesperson; Dr. John Pulamte; Pu David Buhril; Pu Lalthlamuana Hmar le Pu Lalrammuanpuia hai an nih.
“Inremna kan ziek thei ngei ka beisei”: Mizoram Add Home Secretary
AIZAWL, 28 APRIL, 2017, VIRTHLI (ONP): Nikum August thla anthawka Mizoram sawrkar le Hmar People’s Convention (Democratic) hai inkara inremna lampui zawnga inbiekna fe mek chu vawisun khan a tum li-na di’n State Guest House, Chaltlang, Aizawl ah boruok hlimumtak le muongumtak hnuoiah sunzawm nawk a nia, inbiekna hin hma a sawn pei ni’n inbiekna a thang palaihai chun an hrila. Inbiek nawk hun dingin tentative in tukum June thla riruong a nih.
Mizoram Home Department-a Additional Secretary Pu Lalbiakzama’n Virthli palai a hril danin inbiekna chu boruok muongumtak hnuoiah nei niin hma kan sawn pei a nih a tia, inremna tluontling ziek thei dingin beiseina insangtak an nei thu a hril bawk.
Vawisuna inbiekna a hin, kha hmaa lo induong tah point pasari umna- ‘Frame work of Agreement’ sukpuitling ding chungchang bakah HPC(D) mi le sa nunphung pangaia hungkir dinghai sawmdawlna (rehabilitation) le hamthatna siempek ding chungchang hriltlang a nia, vawi-3 lai inbiekna a lo hriltlang tah framework of agreement le inzawma sawrkar hmalakna le HPC (D) hmalaknahai hriltlang a nih.
Hi baka hin 1994 Accord dungzuia Sinlung Hills Development Council (SHDC) tia ko chu Sinlung Hills Council (SHC) tia thlak ding, SHC inkeihruoi dan ding le thunei dan ding (power & function), budget le thil dang danghai khawm hriltlangna nei a ni bawk. Rehabilitation chungchang bika Virthli palai zawhna dawnin, HPC (D) spokesperson Pu Lalthalien chun HPC (D) le Mizoram sawrkarin proposal an nei ve vea, sienkhawm tuta tuma inbiekna a hin phar a la remchang naw leiin inbiek nawk hunah chieng lema hriltlang dingin kan sie ti’n a hrila, HPC (D) cadre list khawm buotsai mek a ni thu a hril bawk.
SHC bill buotsai mek a ni thu hrilin, Pu Lalthalien chun final draft chu inbiek nawk hunah phar hman dingin sawrkarin inbieknaw kar lakah a lo buotsai ding thu a hrila, technical chungchang tamtak hriltlang ding a la um leiin inremna tluontling ziekna ding chun vawi hni bek inbiek a la tul ding thu a hril.
Sawrkar tieng anthawka thu ei dawng danin tuta tuma inbiekna a hin inremna thuthlung siem a ni huna an thuthlung sukpuitlingna dinga sawrkar department hran hran – Home, Finance, Law & Judicial le department dangha’n ruohmanna an siemhai khawm inhrilfiena nei niin thu dawng a nih.
Vawisuna inbiekna a hin, a hmawr bawk theina dinga a tu tieng tieng khawma an thaw dinghai ruohman ve ve a nia, hienghai hi bawzui nghal dinga inhril a ni bawk.
Vawisuna inbiekna a hin Mizoram sawrkar palaihai hi Home Department-a Additional Secretary Pu Lalbiakzama’n an rawia, palai danghai chu Home Department-a Joint Secretary Pu Lalhriatpuia; Pu Rodingliana Chawngthu, SP, CID (SB) le Pu David H. Lalthangliana, OSD (Home) hai an nih.
HPC (D) tieng hi working president Pu LT Hmar in an rawia, palai danghai chu Pu Lalthalien, Spokesperson; Dr. John Pulamte; Pu David Buhril; Pu Lalthlamuana Hmar le Pu Lalrammuanpuia hai an nih.
