Hmarkhawlien, April 21, 2017 Virthli (ONP): Virthli a 20th April, 2017 nia Hmarkhawlien Village Council in Hmarkhawlien Joint Meeting Resolution an insuoa chu Khawbung Pahnam Hmarkhawlien in a hnuoia ang hin dawnletna an hung siem.
--------------------
Social Networking site ah Hmarkhawlien VC in muolpho taka Pu L. Thanmawia Pajamte lekha ansuo khumna le inzawmin Khawbung Pahnam Association, Hmarkhawlien chun dawnlet lo thei loa kan hriet leiin hril fiena kan hung siem:
Hmarkhawlien Local News Paper, “The Hmar Times Volume II dated 15th April, 2017 Issue No. 65 naa Hmarkhawlien VC thurel suklangnaa thurel pangana a in ziek. “ L. Thanmawia Pajamte in indiklo tak le hmusit taka Hmarkhawlien VC, Valupa le HDP thurel a zawmnaw el khela, Khawbung Pahnam Association changchawia ‘Siel le Salam’ a chawinaw ding thu, Khawbung Pahnam Association President le Secretary lekha a hung inziektir” ti hi Khawbung Pahnam Association Meeting vide dated 10th April, 2017 Resolution No. 1 dungzuiin Pu L. Thanmawia Pajamte in Khawbung Pahnam Association President le Secretary an ziektir an naw ti kan puong. Chu lekha chu Hmarkhawlien VC a khawm pek nghe nghe alo ni tah.
Hmarkhawlien VC Secretary in chanchinbu meu a thu belchiengna nei lova Khawbung Pahnam mi pakhat chophawk anga thu a hung insuo hi Khawbung Pahnam Association chun kan hrietthiem naw hle.
Chu el khawm chu dittawk lovin Virthli le Fox Journal hai chenah insuo khum ani nawk pei leiin mipui hriet dingin a history a tawi thei ang takin kan hung tarlang.
Case history tawi: Thla 8 liemta khan Khawbung hai Monu chu Tlangval pakhat le anlo Uire a. Uire a kan I manpa hin kan khum a sukpawrche naah thupha chawi nuom lovin thang nasatak a khaw a. Chuong ang thubuoi fe peiin Khawbung Laibung hai chun Hmarkhawlien VC ah relfel dingin Case peklut ani a. Hmarkhawlien VC chun theitawp insuo in chu case chu a bawzui a. A tawp taka “Uiretna proof kanhmu nawh”, tiin kan Mo nu le uirea kan manpa chu thiem inchangtirin Case chu anmilo dismissed pek tah.
VC thu tawpnaa hin kan lung a awi theinaw leiin a thar in Hmar Inpui Barak Valley Region-ah relfel nawk dingin lekha peklut nawk ani a. Hmar Inpui chun dil suot takin Investigation tuhin a thaw mek anih.
Hmar Inpui-ah appeal kan thawna hi VC chun ama hek angin alo ngai a. VC hek niin lang chu Inpui Court a ngir awm tak anni a; Uire-a kan manpa a ngir lem dei. VC hin Inpui-ah anni hek angin an ngai leiin Pahai aia or Laibung aia signature thawtu L. Thanmawia Pajamte chu in hrilfie dinga ako ang in an hril fie ta a. Chun, lekha ziek le thawnsuok hai popo hi Laibung hrietpuina a ziek vawng ani ti chu Khawbung Pahnam khawmin VC a lekha meu in alo pek tah. VC hai chun Inpui-ah Uire case appeal in thawna ahin kan hming insuksiet leiin ngaidam lekha a inziek ngeiin inhni ro anti a. Inhni nasan ding awm kan hriet naw leiin kan in hni nawh.
7th April, 2017 khan Pu L. Thanmawia Pajamte ‘Siel le Salam inchawitir ini na san tiin hieng hin an hung ziek, “1. Dated—a Uire case thua Witness Pahni hai, Court thu pawisa lova ilo inzamtir leiin. 2. Dated 14/01/2017 a Hmar Inpui BVR ah VC sukhmingsiet zawnga Case I ziek leiin”, tiin a mimal in lekha chu anlo pek nawk a. Lekha hi hmu ani ruol ruolin Pahnam in dawnletna VC a hieng hin a pek:
“1. Uire Case Khawbung Laibung haiin VC-ah Case anpek lutna chungchangah hin Mimal thil a um naw a. Lekha siem le ziekna po po kha Khawbung Laibung hrietpuina a ziek anih.
2. Khawbung Laibunghai chun hi Case hi afe inril ta pei leiin Khawbung Pahnam ah peklut ani a. Khawbung Pahnam Meeting vide dated 10th April, 2017 Resolution No. 1 in chip chier taka a ngaituo hnung chun; Hmar Inpui a Uire Case relfel dinga appeal kan thaw naah hin khel umin kan hriet naw a. Chun hi thu hi Hmar Inpui a um zing ani bawk leiin ‘Siel le Salam’ chawina ding san umin kan hrietnaw leiin kan chawi naw ding thu kan hung inhriettir cheu”, tiin.
Ngaidam le Siel le Salam kan chawinaw nasan:
1. Uire case hi VC in a rel laiin kan witness hai hi VC hrietpuina um lovin khawdangah anlo fe a. VC haiin court inzanaw angin an ngai leiin cheng 1000/- chawi dingin an ti a, anti ang ngei in kan chawi bawk. Court in mi fine dingin a tia, an fine ta chun thiem chang anni tah. Enfel thei popo a en fel a, Case thawtu le case neitu hai popo indik nawna ahmunaw leiin Case chu VC in a CLOSED tah. VC thuthluokna hi kan lung a awizat naw leiin thla iengza hnunga mani hi case hi a thar in Inpui-ah kan peklut nawk VC in a hriet phing leh, ama case closed ta hnung ama bawkin alo hawng nawk a. Mi an fine tir ta hnung point kha Siel le Salam chawina dingin point in a hung hmang nawk. Amak hle anih. Uire Case relfel dinga case peluttu hi Khawbung hai kan ni a. VC-ah hi case hlak hi Re-Open kan thaw si nawh. Kan hriet lovin anni in a case hi anlo hawng thar niawm tak anih.
2. Inpui-ah appeal kan thawna ahin VC kan demsietna a um chun dan ang takin VC in Inpui-ah appeal athaw thei ve. Lamkar lakah lovin keibuoi vel hi dan ani chi am? Inpui-ah appeal kan I thaw hi Uire case anih. VC in a uire case mi bawzui pek talo in Khawbung hai tawngsuolna le an thil zieksuol ngawt thiemnaw inchangtirna ding a zawng hi mak kanti hle bawk. Vawitam mimal thil annaw ti khawm Pahnam in a hril tahnung khawmin VC hai hin Pu L. Thanmawia Pajmate hi amimal in anla hung harlak zing. Pu L. Thanmawia Pajamte tading khawmin tlasiet a um hle anih.
Chunglai zing chun Social Networking Site a le Local News Paper haia hmingsi thlak takin, VC chun Pu L. Thanmawia Pajamte, amimala har inlak in Ensan alo puong khum nawk tah. Pu L. Thanmawia Pajamte in Ensan anina santak hi lekha khawm ala hmu hma in Media le Whatapp hai a VC chun thu alo the dar uor uor nawk a. Amak in a pawi hle anih. Ei rengin puitling tieng pan tum ei tiu. Ensan na dinghai point No. 7 a inziek, “Kohran ser le sanga ensan ni bawk a tih”, ti lem hi chu mak kanti zuol bek bek a. VC in Kohran Ser le Sang chenah kut rawl theina alo nei am ani aw? Kohran pawi iem a tawkna a um a? VC hai hin Ser le Sanga hnawt dawk theina an nei chun laklut theina chen dam an nei am ani? ti chu ei ngaituo sunzawm ding in kan dit hle anih. Roreltu ni ding chun mi ngaituona khel chen ngaituona nei a ngai leiin kan ngaituona khel chu ani ie.
A tawp taka dingin, Hmarkhawlien khawtlang le Khawbung Pahnam hi kan buoi hlawl naw a. Buoi naw bawk kan tih. Tulai chu hi chanchin hi Hmarkhawliena khawm hril a hlaw hle. Mipui in tum thiem an chang ti hre nuomtuhai ta ding chun Hmarkhawliena hung in zin el ro. (Fiemthaw thu tak). Khawsung chanchin, alo ngaitu ta ding khawma hlawkna bek bek ding um lo. Khawsung hmingsietna, Thuoitu ta ding khawma chanchin lawm um lo. Khawvel pumpui hriet dinga Hmarkhawlien VC in thafan taka Facebook Group a anhung insuo el hi chu keini chun pawi kanti hle. An tanna le a a tawpna ni thei nisien kan nuom hle. Net khawvel a ding hin chu Khawbung Pahnam in hun kannei tlawm leiin hi bak hi chu dawn letna kan hung siem tanaw el thei.
Hienga insuo khum hi a tam em ta leiin dawnkir lo thei loah kan ngai a,a tawi thei ang taka kan hung siem anih. Hi thu le inzawm pei hin tarik 22th April, 2017 (Saturday) hin Khawbung Pahnam Association, Hmarkhawlien chun General Meeting, RPCNEI Training Hall-ah a ko a. Pahnam mi-le-sa taphawt chu thang seng dinga inhriettir ei nih.
Aia hming ziek hi hriet thiem naw leiin hieng chen hi ei phak leiin hieng hin kan hung ziek,
Input from,
-Khawbung Pahnam Association, Hmarkhawlien.
--------------------
OFFICE OF THE
KHAWBUNG PAHNAM HMARKHAWLIEN
P. O. FULERTAL, P. S. LAKHIPUR
Dist.- Cachar, Assam-788106
21st April, 2017
PRESS RELEASE
Social Networking site ah Hmarkhawlien VC in muolpho taka Pu L. Thanmawia Pajamte lekha ansuo khumna le inzawmin Khawbung Pahnam Association, Hmarkhawlien chun dawnlet lo thei loa kan hriet leiin hril fiena kan hung siem:
Hmarkhawlien Local News Paper, “The Hmar Times Volume II dated 15th April, 2017 Issue No. 65 naa Hmarkhawlien VC thurel suklangnaa thurel pangana a in ziek. “ L. Thanmawia Pajamte in indiklo tak le hmusit taka Hmarkhawlien VC, Valupa le HDP thurel a zawmnaw el khela, Khawbung Pahnam Association changchawia ‘Siel le Salam’ a chawinaw ding thu, Khawbung Pahnam Association President le Secretary lekha a hung inziektir” ti hi Khawbung Pahnam Association Meeting vide dated 10th April, 2017 Resolution No. 1 dungzuiin Pu L. Thanmawia Pajamte in Khawbung Pahnam Association President le Secretary an ziektir an naw ti kan puong. Chu lekha chu Hmarkhawlien VC a khawm pek nghe nghe alo ni tah.
Hmarkhawlien VC Secretary in chanchinbu meu a thu belchiengna nei lova Khawbung Pahnam mi pakhat chophawk anga thu a hung insuo hi Khawbung Pahnam Association chun kan hrietthiem naw hle.
Chu el khawm chu dittawk lovin Virthli le Fox Journal hai chenah insuo khum ani nawk pei leiin mipui hriet dingin a history a tawi thei ang takin kan hung tarlang.
Case history tawi: Thla 8 liemta khan Khawbung hai Monu chu Tlangval pakhat le anlo Uire a. Uire a kan I manpa hin kan khum a sukpawrche naah thupha chawi nuom lovin thang nasatak a khaw a. Chuong ang thubuoi fe peiin Khawbung Laibung hai chun Hmarkhawlien VC ah relfel dingin Case peklut ani a. Hmarkhawlien VC chun theitawp insuo in chu case chu a bawzui a. A tawp taka “Uiretna proof kanhmu nawh”, tiin kan Mo nu le uirea kan manpa chu thiem inchangtirin Case chu anmilo dismissed pek tah.
VC thu tawpnaa hin kan lung a awi theinaw leiin a thar in Hmar Inpui Barak Valley Region-ah relfel nawk dingin lekha peklut nawk ani a. Hmar Inpui chun dil suot takin Investigation tuhin a thaw mek anih.
Hmar Inpui-ah appeal kan thawna hi VC chun ama hek angin alo ngai a. VC hek niin lang chu Inpui Court a ngir awm tak anni a; Uire-a kan manpa a ngir lem dei. VC hin Inpui-ah anni hek angin an ngai leiin Pahai aia or Laibung aia signature thawtu L. Thanmawia Pajamte chu in hrilfie dinga ako ang in an hril fie ta a. Chun, lekha ziek le thawnsuok hai popo hi Laibung hrietpuina a ziek vawng ani ti chu Khawbung Pahnam khawmin VC a lekha meu in alo pek tah. VC hai chun Inpui-ah Uire case appeal in thawna ahin kan hming insuksiet leiin ngaidam lekha a inziek ngeiin inhni ro anti a. Inhni nasan ding awm kan hriet naw leiin kan in hni nawh.
7th April, 2017 khan Pu L. Thanmawia Pajamte ‘Siel le Salam inchawitir ini na san tiin hieng hin an hung ziek, “1. Dated—a Uire case thua Witness Pahni hai, Court thu pawisa lova ilo inzamtir leiin. 2. Dated 14/01/2017 a Hmar Inpui BVR ah VC sukhmingsiet zawnga Case I ziek leiin”, tiin a mimal in lekha chu anlo pek nawk a. Lekha hi hmu ani ruol ruolin Pahnam in dawnletna VC a hieng hin a pek:
“1. Uire Case Khawbung Laibung haiin VC-ah Case anpek lutna chungchangah hin Mimal thil a um naw a. Lekha siem le ziekna po po kha Khawbung Laibung hrietpuina a ziek anih.
2. Khawbung Laibunghai chun hi Case hi afe inril ta pei leiin Khawbung Pahnam ah peklut ani a. Khawbung Pahnam Meeting vide dated 10th April, 2017 Resolution No. 1 in chip chier taka a ngaituo hnung chun; Hmar Inpui a Uire Case relfel dinga appeal kan thaw naah hin khel umin kan hriet naw a. Chun hi thu hi Hmar Inpui a um zing ani bawk leiin ‘Siel le Salam’ chawina ding san umin kan hrietnaw leiin kan chawi naw ding thu kan hung inhriettir cheu”, tiin.
Ngaidam le Siel le Salam kan chawinaw nasan:
1. Uire case hi VC in a rel laiin kan witness hai hi VC hrietpuina um lovin khawdangah anlo fe a. VC haiin court inzanaw angin an ngai leiin cheng 1000/- chawi dingin an ti a, anti ang ngei in kan chawi bawk. Court in mi fine dingin a tia, an fine ta chun thiem chang anni tah. Enfel thei popo a en fel a, Case thawtu le case neitu hai popo indik nawna ahmunaw leiin Case chu VC in a CLOSED tah. VC thuthluokna hi kan lung a awizat naw leiin thla iengza hnunga mani hi case hi a thar in Inpui-ah kan peklut nawk VC in a hriet phing leh, ama case closed ta hnung ama bawkin alo hawng nawk a. Mi an fine tir ta hnung point kha Siel le Salam chawina dingin point in a hung hmang nawk. Amak hle anih. Uire Case relfel dinga case peluttu hi Khawbung hai kan ni a. VC-ah hi case hlak hi Re-Open kan thaw si nawh. Kan hriet lovin anni in a case hi anlo hawng thar niawm tak anih.
2. Inpui-ah appeal kan thawna ahin VC kan demsietna a um chun dan ang takin VC in Inpui-ah appeal athaw thei ve. Lamkar lakah lovin keibuoi vel hi dan ani chi am? Inpui-ah appeal kan I thaw hi Uire case anih. VC in a uire case mi bawzui pek talo in Khawbung hai tawngsuolna le an thil zieksuol ngawt thiemnaw inchangtirna ding a zawng hi mak kanti hle bawk. Vawitam mimal thil annaw ti khawm Pahnam in a hril tahnung khawmin VC hai hin Pu L. Thanmawia Pajmate hi amimal in anla hung harlak zing. Pu L. Thanmawia Pajamte tading khawmin tlasiet a um hle anih.
Chunglai zing chun Social Networking Site a le Local News Paper haia hmingsi thlak takin, VC chun Pu L. Thanmawia Pajamte, amimala har inlak in Ensan alo puong khum nawk tah. Pu L. Thanmawia Pajamte in Ensan anina santak hi lekha khawm ala hmu hma in Media le Whatapp hai a VC chun thu alo the dar uor uor nawk a. Amak in a pawi hle anih. Ei rengin puitling tieng pan tum ei tiu. Ensan na dinghai point No. 7 a inziek, “Kohran ser le sanga ensan ni bawk a tih”, ti lem hi chu mak kanti zuol bek bek a. VC in Kohran Ser le Sang chenah kut rawl theina alo nei am ani aw? Kohran pawi iem a tawkna a um a? VC hai hin Ser le Sanga hnawt dawk theina an nei chun laklut theina chen dam an nei am ani? ti chu ei ngaituo sunzawm ding in kan dit hle anih. Roreltu ni ding chun mi ngaituona khel chen ngaituona nei a ngai leiin kan ngaituona khel chu ani ie.
A tawp taka dingin, Hmarkhawlien khawtlang le Khawbung Pahnam hi kan buoi hlawl naw a. Buoi naw bawk kan tih. Tulai chu hi chanchin hi Hmarkhawliena khawm hril a hlaw hle. Mipui in tum thiem an chang ti hre nuomtuhai ta ding chun Hmarkhawliena hung in zin el ro. (Fiemthaw thu tak). Khawsung chanchin, alo ngaitu ta ding khawma hlawkna bek bek ding um lo. Khawsung hmingsietna, Thuoitu ta ding khawma chanchin lawm um lo. Khawvel pumpui hriet dinga Hmarkhawlien VC in thafan taka Facebook Group a anhung insuo el hi chu keini chun pawi kanti hle. An tanna le a a tawpna ni thei nisien kan nuom hle. Net khawvel a ding hin chu Khawbung Pahnam in hun kannei tlawm leiin hi bak hi chu dawn letna kan hung siem tanaw el thei.
Hienga insuo khum hi a tam em ta leiin dawnkir lo thei loah kan ngai a,a tawi thei ang taka kan hung siem anih. Hi thu le inzawm pei hin tarik 22th April, 2017 (Saturday) hin Khawbung Pahnam Association, Hmarkhawlien chun General Meeting, RPCNEI Training Hall-ah a ko a. Pahnam mi-le-sa taphawt chu thang seng dinga inhriettir ei nih.
Aia hming ziek hi hriet thiem naw leiin hieng chen hi ei phak leiin hieng hin kan hung ziek,
Input from,
-Khawbung Pahnam Association, Hmarkhawlien.
