Responsive Ad Slot

11th Manipur Legislative Assembly Election le Hmar Inpui Press Release

Monday, March 13, 2017

/ Published by VIRTHLI
CCPUR, March 13, 2017, Virthli (ONP): Information & Media Cell, Hmar Inpui (Hmar Supreme House), General Headquarters in March 13, 2017 ni a thusuok (Press Release) a siem a chun hieng ang hin an ziek.

Mipuiin sawrkar a an palai dinga an thlang, 11th Manipur Legislative Assembly Election le inzawma hlawtlingna chang hai popo Hmar Inpui GHQ chun lungril takin a lawmpui a, ram le hnam, a vote tu le a vote nawtu hai thehran lo a, mipui ta dinga all-round development sin thaw dingin a ngen a, hmatieng pei ah ditsakna insangtak an hlan. Chu ruol chun Free & Fair Election a um thei ngeina dinga Nov. 22, 2016 a Hmar Inpui GHQ Executive Council Resolution No.3 le inzawma thusuok (ngenna le inhriettirna) siem a lo um tah inza a lo zawmtu hai chung ah lawmthu a hril a. Hmun thenkhat ah bawsiet a um chu pawi a ti hle. Ram le hnam, mipui hmakhuo ngaituo a election policy/politics leia inhrietthiemnawna um hai khawm sukbo a ni theina dinga mitin hma la tlang seng dingin Candidate le Party tum tum supporter le mipui hai a ngen a. Inrem taka um tlanga, thil thalem ngaituo ding le "Thangruol hi hratna a nih" ti theinghil ngai lo dingin a ngen bawk.


Don't Miss
© all rights reserved
made with by Simon L Infimate