CCPur, Oct. 18, 2016; Virthli (ONP): Hmar Inpui GHQ (Hmar Supreme House) hrietpui Hmar Martyrs Trophy Organising Board (HMARTOB) huoihawt The 13th Manipur State Level Hmar Martyrs’ Football Tournament Closing Ceremony -cum- Final le May 16 The 26th Hmar Martyrs' Day inserna Saikot Playground, Tuithaphai, CCPur a mi chu hungtlung ding October 29 hin tlangzar hman tum a ni thu HMARTOB a inthawk thu ei dawng. Hi huna hin Mizoram le HPC-D peace talks fe mek le ei ngirhmun hai hrilna nei ning a tih, tiin HMARTOB tienga inthawk thu ei dawng bawk.
Manipur State Level May 16 The 26th Hmar Martyrs' Day (Official Trailer)
Video Link: https://www.youtube.com/watch?v=3IRhnXgPdO8&feature=youtu.be
Tiem zawm pei rawh: Hmar Martyrs' Day hung intan dan
Tukum (2016) May 16 - Hmar Martyrs’ Day kha inser tan a ni a inthawka a tum 26-na (Sawmhni Paruk-na) a lo ni ve der tah! Hmun hran hran a cheng Hmar-nauhai chun hi Ni hin umni khamin, hnam nipui a ni ang hrimin, hlu le inza taka suklangin, hlutsak takin programme chi tum tum hai buotsai le huoihawtin an hmang a nih.
Hmarnauhaiin an phu hlie hlie, India danpui hnuoiah an i ngen, July 3, 1986 laia inthawka hma an lo lak tan tah le October 5, 1987 a inthawka vawisunni chena Mizoram-a Hmar Autonomous District an ngenna le inzawma pensuok, hnam Pasaltha chungchuong, an hringna hlu tak el in ro lo a, ram le hnam tadinga lo inhlan (Martyr lo chang pha hiel) tah hai hriet zingna, inzana le chawimawina Ni a ni ang hrimin hi Ni hi ursun tak, hlu tak le inza taka hmang le inser a ni a. Chun, hi Ni hin hnam pasaltha, fam lo chang tah hai hrietzingna, inzana le chawimawina in an ruong zalna hmun ngei le an thlan haia dam fein totawka tawngtaiin, parhai inhlanna nei a nih. Manipur a chun Saikot Playground, Tuithaphai (CCPur) hmun ah ursun le ropui takin Hmar Inpui GHQ (Hmar Supreme House) hrietpuiin Hmar Martyrs' Trophy Organising Board (HMARTOB) huoihawtna hnuoiah item chi hran hran hai buotsaiin inser a nih.
Hrietzing tlak hai:
*December 1989 khan Hmarkhawlien Khuo, Assam ah Hmar Peoples’ Convention (HPC) Inkhawmpui nei a ni tumin kumtin-in May 16 hi “Hmar Martyrs’ Day” ti a inser di’n rawtna le thutlukna siem a nih.
*1990 khan chu HPC sunga chauh hi Ni hi ursun taka inser tan a hung nih a. A kum nawk 1991 a inthawk khawvel huop, Hmar hnam pumpuia inser dingin HPC chun ngenna le thupek an insuo a. Hnam sunga Political tienga Pawl lien tak a ni lei le a hmalakna chu Hmar mipui inhniktlangna a ni bawk leiin, thlawp a hlaw thain, a hlawtling hle.
*HPC Returnee hai chun Nov. 12, 1996 khan Saikot khuo ah Hnam Santu Pawl ti hming chawiin Pawl an indin a. 1997 khan Hmar Martyrs’ Football Trophy hi an hung rawt dawk a, anni hai hmalakna zar le huoihawtna hin Football Tournament kum tin, tum 11 lai zet huoihawt a lo ni tah a, Unau hnam tum tum le Team inlar tak tak hai chu hi tournament a hin suokin, an inkhel hlak a nih. Hi tournament huoihawt hi 2015 a inthawkin Hnam Santu Pawl hin an pekdawk angin Hmar Martyrs’ Trophy Organising Board (HMARTOB) chu 2015 khan indin a hung umin, anni kut ah a hung um ta a, anni inrawina le huoihawtnain Saikot Khelmuol ah Manipur State Level a ding bikin The 12th Hmar Martyrs’ Trophy Football Tournament 2015 ti a a hming inbukin huoihawt zawm pei a hung ni tah a nih. Hmar Inpui 8th Assembly Agenda & Resolution 4 dungzuiin Hmar Inpui GHQ (Hmar Supreme House) hrietpuiin HMARTOB hi tukum (2016) hin indinthar nawk a umin Manipur State Level in The 13th Hmar Martyrs’ Trophy (Football Tournament) 2016 huoihawt zawm nawkin team 32 zet an thanga, chun item chi hran hran huoihawt belsa a ni bawk. A kum telin a ropui deu deu a nih.
An thil tum chu inpumkhatna le inthuruolna thalem a hung um theina ding, hnam tadinga fam lo chang tah hai hrietzingna ding le Thalaihai insukhlimna hmangruo pawimaw tak ni dingin Football, Badminton, Marathon, Lungdeng Inel, Fahrel Inher le Trophy hai hi an hung huoihawt ta pei a nih. A nipui ni tak May 16 ni lem chu item chi hran hran umin puithu taka huoihawt a nih.
-LRS Puruolte
Manipur State Level May 16 The 26th Hmar Martyrs' Day (Official Trailer)
Video Link: https://www.youtube.com/watch?v=3IRhnXgPdO8&feature=youtu.be
Tiem zawm pei rawh: Hmar Martyrs' Day hung intan dan
Tukum (2016) May 16 - Hmar Martyrs’ Day kha inser tan a ni a inthawka a tum 26-na (Sawmhni Paruk-na) a lo ni ve der tah! Hmun hran hran a cheng Hmar-nauhai chun hi Ni hin umni khamin, hnam nipui a ni ang hrimin, hlu le inza taka suklangin, hlutsak takin programme chi tum tum hai buotsai le huoihawtin an hmang a nih.
Hmarnauhaiin an phu hlie hlie, India danpui hnuoiah an i ngen, July 3, 1986 laia inthawka hma an lo lak tan tah le October 5, 1987 a inthawka vawisunni chena Mizoram-a Hmar Autonomous District an ngenna le inzawma pensuok, hnam Pasaltha chungchuong, an hringna hlu tak el in ro lo a, ram le hnam tadinga lo inhlan (Martyr lo chang pha hiel) tah hai hriet zingna, inzana le chawimawina Ni a ni ang hrimin hi Ni hi ursun tak, hlu tak le inza taka hmang le inser a ni a. Chun, hi Ni hin hnam pasaltha, fam lo chang tah hai hrietzingna, inzana le chawimawina in an ruong zalna hmun ngei le an thlan haia dam fein totawka tawngtaiin, parhai inhlanna nei a nih. Manipur a chun Saikot Playground, Tuithaphai (CCPur) hmun ah ursun le ropui takin Hmar Inpui GHQ (Hmar Supreme House) hrietpuiin Hmar Martyrs' Trophy Organising Board (HMARTOB) huoihawtna hnuoiah item chi hran hran hai buotsaiin inser a nih.
Hrietzing tlak hai:
*December 1989 khan Hmarkhawlien Khuo, Assam ah Hmar Peoples’ Convention (HPC) Inkhawmpui nei a ni tumin kumtin-in May 16 hi “Hmar Martyrs’ Day” ti a inser di’n rawtna le thutlukna siem a nih.
*1990 khan chu HPC sunga chauh hi Ni hi ursun taka inser tan a hung nih a. A kum nawk 1991 a inthawk khawvel huop, Hmar hnam pumpuia inser dingin HPC chun ngenna le thupek an insuo a. Hnam sunga Political tienga Pawl lien tak a ni lei le a hmalakna chu Hmar mipui inhniktlangna a ni bawk leiin, thlawp a hlaw thain, a hlawtling hle.
*HPC Returnee hai chun Nov. 12, 1996 khan Saikot khuo ah Hnam Santu Pawl ti hming chawiin Pawl an indin a. 1997 khan Hmar Martyrs’ Football Trophy hi an hung rawt dawk a, anni hai hmalakna zar le huoihawtna hin Football Tournament kum tin, tum 11 lai zet huoihawt a lo ni tah a, Unau hnam tum tum le Team inlar tak tak hai chu hi tournament a hin suokin, an inkhel hlak a nih. Hi tournament huoihawt hi 2015 a inthawkin Hnam Santu Pawl hin an pekdawk angin Hmar Martyrs’ Trophy Organising Board (HMARTOB) chu 2015 khan indin a hung umin, anni kut ah a hung um ta a, anni inrawina le huoihawtnain Saikot Khelmuol ah Manipur State Level a ding bikin The 12th Hmar Martyrs’ Trophy Football Tournament 2015 ti a a hming inbukin huoihawt zawm pei a hung ni tah a nih. Hmar Inpui 8th Assembly Agenda & Resolution 4 dungzuiin Hmar Inpui GHQ (Hmar Supreme House) hrietpuiin HMARTOB hi tukum (2016) hin indinthar nawk a umin Manipur State Level in The 13th Hmar Martyrs’ Trophy (Football Tournament) 2016 huoihawt zawm nawkin team 32 zet an thanga, chun item chi hran hran huoihawt belsa a ni bawk. A kum telin a ropui deu deu a nih.
An thil tum chu inpumkhatna le inthuruolna thalem a hung um theina ding, hnam tadinga fam lo chang tah hai hrietzingna ding le Thalaihai insukhlimna hmangruo pawimaw tak ni dingin Football, Badminton, Marathon, Lungdeng Inel, Fahrel Inher le Trophy hai hi an hung huoihawt ta pei a nih. A nipui ni tak May 16 ni lem chu item chi hran hran umin puithu taka huoihawt a nih.
-LRS Puruolte
