UGC NAAC PEER Team Fahreltawklam Inentir

Silchar, September 19, 2016, Virthli (ONP): University Grants Commission (UGC) hnuoia National Assessment & Accreditation Council (NAAC) PEER Team chun Assam University hnuoia College hlun le lientak G.C. College kanna hun an nei mêk a. Hi huna hin H.S.A. Silchar Branch chun Hmar hnam lam Fahreltawklam inentirna a nei. UGC NAAC PEER Team hai puola inkhawm buotsaia hin Hmar hnam lâm chu hnesaw le mawi taka suklang a ni a. Entu mipui lawm a hlaw hle nih. Fahreltawklam hi Hmarhaiin ei hum zo ta naw lek lek a. Neitu nina sâl ngam an um ta pei leiin hi kawnga hin har thar a pawimaw hle tah. Hiengang hunser, India rama professor ropui tam tak hmaa Hmar hnam lam pholang a ni hih thil umzie nei tak a ni a. Hnam danghai laka neitu nina changna pawimaw tak a nih.

H.S.A. Silchar Branch țhuoituhai chun Mizoram anthawka hung Hmar mi ni si, Lusei/Mizo uolau taka represent hlak an um chu an ngaipawimaw thu an hril a. Lusei/Mizo hi H.S.A. chun a khing naw a, Amiruokchu H.S.A. member hienganga inhmang hlakhai an lawm naw thu le, chíng nawk ta lo dingin an ngen tak meu. Hnam dang represent nuom lawi lawi an um chun H.S.A. Silchar Branch chun a khap naw a. Amiruokchu member an nina hlîp hmasa dingin an ngen. Hmar inti si hiengang thila inhmang hlakhai chu H.S.A. in ieng thila khawm ngaisak ta ngai naw nih, tiin an hril.