Aizawl, September 24, 2016, Virthli (ONP): Mizoram sorkar le Hmar Peoples' Convention (Democratic) hai chu thla thar October ni 4 khin inbiekna (2nd round of talks) an nei nawk ding thu Mizoram Home Minister R. Lalzirliana chun vawisun khan a hril.
HPC(D) le inbiek nawk ding chungchanga chanchinbumi hai zawhna (indawnna) dawnin Home Minister chun HPC(D) ha'n a hmaa inbiekna a an lo phut tah Autonomous District Council pek chu thil theilo a ni thu a hrila, tuta tuma inbiekna dinga khawm hin an thil phut hi ADC pek chungchang a ni chun inbiekna in umzie nei naw nih a ti bawk.
R. Lalzirliana chun ADC chu vote zawngna dinga inpek ringawt chi an naw thu a hrila, HPC(D) ha'n ADC an ngen chu awmnaw a ti thu le Hmar hai chun Mizoram chu an ramah ngaia, an ta ti lem dinga a ngai thu a hril bawk a nih.
Pic: HPC (D) le Mizoram sawrkar August 10,2016 nia inbiekna
