SSA Residential School Hostel hawng
CCPUR: Zani zingkar 8:30 khan New Lamkaah SSA Residential Hostel building bawl thar chu Mr Thangkhosuanmung Guite, EM, ADCC le Hiangtam Lamka lal in ribbon cheptanin a hawng a, Pastor Dr M. Gousuan, Local Pastor, EBCC Khominthang in tawngtainain an hlan.
Thangkhosuanmung Guite chun, M. Gouzamang, EM in student hai hmakhuo ngainaa Residential school bawlna ding ram a pekna thuah lawmum a ti thu a hril.
M. Gouzamang, EM chun, Sawrkar dan dungzui chun Class VIVIII inchukna chu room 3 le a chung ranva inkhum ding ti a ni a, sienkhawm tuhin Room9 bawl le a chung cement sung a ni a. Private school a kaizo lo hai hmakhuongaina leia ram hi a pek a ni thu; Class XII chen um theina dinga hma lak a ni ding thu; school building khawm bawl zawm pei a ni ding thu a hril a. Student hai chu pass ringawt tum lo a thiemna thlungpui indik tak nei tum seng dingin an fui.
Letzamang Haokip reception prog. hmang
CCPUR: Zani 11AM khan B. Vengnuom Community Hall, CCPurah BJP Political Conferencecum Reception prog. of Letzamang Haokip hmang a nih. Letzamang Haokip hi 57Henglep (ST) A/C a MLA ngir tum a ni a, Rev. Dr Nguljathang, Pastor CRF in tawngtaipekna a nei. Hi huna hin MDC thenkhat le MDC hlui bakah Henglep Area Chief Assn President; Komrem Union, Manipur President le mipui tam takin an uop.
ASI a promotion hai rank bel pek
CCPUR: Zani zantieng 1:00PM khan SP, CCPur Officeah Women Head Constable 3 ASIa promotion hai rank pek an nih. ASI a promotion mi pathum hai chu Ginsuanching; Chingzamawi le Lhingboi Lynda Gangte hai an ni a, S. David Piaklian, MPS, Addl. SP, CCPur in rank a bel pek tawl.
L. Mangkhogin Haokip, IPS, SP, CCPur chun, ASI a promotion mi pathum hai chu an kaisang le inruolin an mawphurna khawm a hma neka a hung insang ding thu hrilin, an mawphurna chit tha taka thaw dingin an fui a, CCPur district Police popo aiawin an kaisangna a lawmpui thu a hril.
Manipur Governor an inhmupui
IMPHAL: Outer Manipur Tribal Forum (OMTF) le Joint Action Committee Against AntiTribal Bill (JAC) thuoitu han zanikhan Raj Bhavan, Imphalah Manipur Governor Dr Najma Heptulla an inhmupui a, an thil ngen hai inziekna Memorandum an pek. Manipur Tribal hai ditdan anga tribal martyrs 9 hai thu le pendinga um AntiTribal Bills 2 chungthu hai chingfel a ni hmakhat ieng Bill le resolution thar khawm an pawm theinaw ding thu an Memorandumah an zieklang.
Sports University lungphum
IMPHAL: Yaithibi Loukon, Thoubal District ah National Sports University building bawlna ding lungphumna nei vat a ni ta ding thu Wangjing A/C MLA Paonam Brojen chun a Khongjam Block Congress Committee function a hawng huna a hril. Hi lai hmuna hin restaurants 4 le film institute hai khawm bawl ni dingin a hril.
Police le inbeituonaah students 10 an hliem
IMPHAL: ILPS ngenna le inzawmin zanikhan MB College, Royal Academy le Pioneer Academy students han Palace CompoundSanjenthong chen lampui hraw an tum a, Police han Palace compound hmuna an dang nghal a, studenthai tear gas le Smoke bombs an kap khum leiin students 10 chuongin hliemna an tuok pha. A hliemna taluo ruok chu an um nawh.
Financial Assistance hni thei
IMPHAL: Manipura Tribal mi, hriselna tha lo hai ta dingin Directorate of Tribal Affairs, Hills & SC Development, Manipurah Financial Assistance ngen thei a nih. Application form chu Sept. 1329, 2016 inkar sem ning a ta, Application form peklut theina hun nuhnung tak chu October 7, 2016 ning a tih. Hnina lekhaah Doctor recommendation Certificate, pasport size thlalak, tribe certificate, income certificate le discharge slip/vouchers etc kilde sa ding a nih.
Morehah Classical Swine Flu
IMPHAL: Moreh, Chandel District, Manipur a Vawk natna hri inleng chu “Classical Swine Flu (CSF)” or “Hog Cholera” a nih ti hrietchieng a ni tah tiin Manipur state Veterinary and Animal Husbandary Department thusuok chun a hril. Hi natna hri lei hin tulai hnai el khan Moreh ah Vawk tam tak an thi pha ahril a nih. Hi natna hri laka inveng theina umsun chu a hri dangna damdawi kap a nih tiin State Veterinary department thusuok chun a hril.
KUFO cadre 2 ralthuom leh man
IMPHAL: Sept. 6, 2016 khan Senapati Brigade of Red Shield Division hnuoia Jawalamukh Battalion han SL Veng, Ward No. 16, Kangpokpi hmuna KUFO cadre pahni Ngamkhoneh @ Hangam (28), s/o Sehlal of Old Thengjang, Tamenglong District le Shein Lhouvum (45), s/o Seikhohau of Thenjang, Tamenglong district hai chu 9mm Pistol 1, 9mm magazine 1, 9mm mu 5, KUFO Line Yards 6, US Dollar note 1 (dollar 1), Jungle Caps 2, Wallet dum 1 le Nokia Mobile Handset 2 hai leh an man niin PIB Defence Wing thusuok chun a hril.
Y. Irabot in BJP a zawm el thei
IMPHAL: Congress MLA le Politician hlun Y. Irabot chun BJP a zawm el thei nia hril a nih. Y. Irabot hi Wangkhei A/C a inthawk Congress ticket a thlangtling le hun sawt tak Cabinet minister sin lo chel ta a nih. Ama thlawptuhai chun zanikhan Congress party suoksana BJP zawm dingin an ngen tawl. Vawisun hin Y. Irabot chun Congress party a intahwka an banna lekha a pek el theia hril a nih.
Forensic Laboratory dawmsang ding
IMPHAL: Department of Forensic Medicine, JNIMS huoihawtnain zanikhan JNIMS Auditorium, Porompatah “Continuing Medical Education (CME) programme on Investigation of Rape: A multidisciplinary approach” nei a nih. Hi huna khuollien Dy. CM Gaikhangam chun Forensic Laboratory, Pangei chu advance technology le equipments hai hmanga dawmsang a ni ding thu a hril.
Sept. 13, 2016 Chawla puong
IMPHAL: IdulZuha leiin Manipur State sawrkar chun September 13, 2016 chu chawl (holiday) in a puong. A hma chun hi Holiday hi Sept. 12, 2016 a ding a nih. September 13, 2016 hin Govt. Offices, Govt. Educational Institutions, Banks le Financial Institutions hai khar ning a tih tiin General Administration Department (GAD), Govt. of Manipur chun zanikhan Order an suo. High Courts 4 Manipur a Registrar khawmin hi ni hin Court Officehai po poah chawl puong a nih tiin Order an suo.
Sept. 21 hma khawmin Special Session
IMPHAL: ILPS le inzawma Bill thuah Manipur mipuihai an lunginruol thei a ni phawt chun Sept. 21, 2016 hma khawmin Manipur Assembly Special Session ko thei a nih tiin Dy. CM Gaikhangam chun a hril. State sawrkar chun mipuihai lunginruol hun a nghak a nih tii a hril.
Lok Sabha le Assemblies Election a ruola nei ding ti thuah ngaidan peklut thei
NEW DELHI: Sawrkar thlungpui chun Lok Sabha le Assemblies Election a ruola nei ding ti thuah India mipuihai chu an ngaidan pelut dingin ngenna a siem. Hi chungchanga ngaidan pe nuomhai chun October 15, 2016 chenin peklut thei ning a tih. PM Narendra Modi chun a ruola election nei hi tha a ti thu tuta hma deu khan a lo hril ta hlak. Election Commission of India khawmin hi rawtna hi tha a ti thu a lo hril ta hlak bawk. Ngaidan neihai chun October 15, 2016 chenin sawrkar thlungpui kuomah peklut el thei a nih.
Kum 1967 chen khan hiengang inthlang dan hi India rama khawm lo hmang hlak a a ni a. Nisienlakhawm Constitution Article 356 dungzuia State thenkhatah President Rule puong a hung ni hlak leia Lok Sabha le Assembly Election hi a hran hrana nei tana hung um a nih. Lok Sabha Election nawk chu kum 2019 a nih. State 5 a Assembly Election chu kum 2017 a nei ding a ni a, States 13 haia Assembly election chu kum 2018 a nei ding le States 9 haia Assembly election chu kum 2019 a nei a ni a. State 1 ah kum 2020 le a dang hai chu kum 2021 a nei ding an nih.
Pawisa lem Rs. 11.95 lakh anghu leh mi 3 man
HYDERABAD: Policea Task Force, South Zone Team chun zanikhan Charminar Police hai thangpuinain India pawisa lema sumdawngna le inzawma hmun pakhat an dapnaah India pawisa lem Rs. 11.95 lakh anghu leh mi pathum an man. Mana um hai chu Mohd. Ghouse of Chandrayangutta le West Bengala Malda district mi ve ve Shareeful Shaikh le Jahannara Bibi hai an nih. Mohd Ghouse hi pawisa lema sumdawngna le inzawma Jaila intang, jaila inthawk a suokna khawm thla khat le a chanve vel chau a la liem nia hril a nih. Hi thila mawphurtu taka intum Babloo Shaikh ruok chu man a la ninaw a, Police han man tumin an zawng mek.
Mizoram in DA 6% in a sukpung
AIZAWL: Mizoram sawrkar chun a hnuoia thawktu hai Dearness Allowance (DA) chu 6 percent in a sukpung. Mizoram sawrkar hnuoia thawktu han DA an hmu hlak chu 119 a ni a, 6% a sukpung a ni hnungin 125 a hung nita ding a nih. DA pungna hi September 1, 2016 a inthawk tiem tanin thla 3 sunga pension ding hai le sawrkar thawktu New Pension Scheme hmangtu le GPF account nei lo hai ta dingin pawisa faia pek remti a ni baka Income Tax pe thawktu hai chu pawisa faia pek dinga ti a ni bawk. Group A, B, C le D thawktu hai ruok chu DA pung hi an GPF accountah thun pek ning an tih.
J&K le HP haiah subsidized Helicopter services
NEW DELHI: Sawrkar thlungpui chun Jammu and Kashmir le Himachal Pradesh haia sectors 10 haiah subsidiseda helicopter in service tir dingin remtina neiin a pawmpui tah. Hi dungzui hin emergency services le mipui passenger hai phurlawnna dingin priority basis le subsidised rates in Helicopter in service tir ning a tih tiin Home Ministry thusuok chun a hril. Amiruokchu, subsidized helicopter service hin VIPs, State Govt. officers official tour a fe hai, Income Tax pe thei chin le tourist hai chu huomsa naw ni a, seat umdan izirin a chuongman a full (kim) in peng an tih tiin sawrkar chun a hril. Hieng states pahni hai chun subsidised helicopter services um theina ding sectors hai thlangsuok an tih.
CBSE in UGCNED exam Jan. 22ah
NEW DELHI: Central Board of Secondary Education (CBSE) chun Research Fellowship le Assistant Professor ni theina dinga pawimaw January 22, 2017 khin UGCNET Examination a buotsai nawk ding thu CBSE thusuok chun a hril. UGCNET Exam hi India ram pumpuia khawpui hran hran haia nei ding a nih.
ICUa um suolluitua intum Doctor man
GANDHINAGAR: Gujarata Gandhinagar hmuna Apollo hospitala doctor Ramesh Chauhan (28) chu hi Hospitala Dengue a damnaw nuhmei kum 21 mi suolluia intumna le inzawmin zanikhan Police han an man. Ramesh bakah Ward boy han tuta kar bul ni 2 sung khan damnaw nu hi an suollui nia intum an nih. Suolluia umnu chun, Ramesh hin a hmasa takin Pathiennia night duty a nei huna sex thilah a sawisak niin a hril a, a suollui hma hin ieng damdawi amani a pek niin an tum bawk. Hi thila inrawl vea intum Ward boy khawm Police han an man ta a, nuhmei hi suollui a ni ngei ti finfie a ni ta bawk. An suollui hmaa damdawi an pek hi a hrat hle leiin thil tlung hi zani hmasa khan a hrilsuok thei chau niin Police chun an hril.
Odishaa Bus eksidenah mi 20 an thi
BHUBANESWAR: Odishaa Angul districta chun zanikhan Bus pakhat changsuolin leilaka inthawk a tla thla a, a sunga chuong mi 20 in thina an tuok bakah midang 30 chuong na takin an hliem. Hi thil hi Boudh le Adhamallik inkara Puruna Manitri hmuna tlung a nih. Hliem hai hi Athamallik hmuna Hospitalah admit an ni a, hliem hai laia thenkhat chu an hliem inrik hle niin Angul District Collector Anil Kumar Samal chun a hril. Chief Minister Naveen Patnaik chun hi thil tlung hi pawi a ti thu a puong a, district administration le Police official hai chu hliem hai enkawlna kawnga an thei ang anga hma la dingin an hriettir bakah hliemna tuok hai chu Hospitala an inenkawl man le an damdawi man sawrkarin a tum ding thu a hril. Bus hi a ke a puokkawi leiin Driver in a control thei naw leia tuoksiet tuok a nih.
VAWISUN THUPUI
Chirhaka inthawk hin mi sanhim la, min tlumtir lul naw rawh. A mi theidatuhaia inthawk le tui inthuktaka inthawk hi sanhimin min umtir rawh. Sam 69:14
Editorial: Election le sum
11th Manipur Legislative Assembly election chu a hnai ta leiin Manipur a political party hran hran, inthlangnaa ngir tum hai le an thlawptuhai chu election boruokah an um tawl tah. Manipur phairam le tlangram biel haiah hi election ding le inzawm hin Political ConferencecumReception programme, bu faktlangna le election meeting ti hai chu inzing utin a um tan tah. Election Commission of India (ECI) le Assembly Election nei ding state sawrkarhai chu election ding le inzawma insingsatnain an buoi tawl ta hle. ECI chun Chief Secretaryhai chu IGPs to SubInspectors, an home district sunga kum 3 posting tahai chu an postingna hmuna inthawk district dangah transfer dingin an hriettir tawl tah. Chun, Assembly election or Assembly byelection nuhnung taka lo thang tasa DEOs, ROs, AROs, Police Inspectors le SubInspectorhai khawm sawn dingin ECI chun inhriettirna a siem bawk.
Election le transfer hi an zawm tlat leiin sawrkar thawktuhai ta ding chun lawmum lo takel niin an lang. Transfer le posting hi a che thei deu le a sum neihai ta ding chun pumpel thei a nina chin ei state sunga chun a um hlak niin anlang. Amiruokchu, hiengang mihai khawm hin transfer & posting thuah hin sum sengna chu an nei hlak nia hril a nih. Tangka sum hin chu thil a thaw thei a, election leh khawm sum hin inzawmna a nei ta tlat el niin an lang. Election a ngir tum hai khawma sum hmanga vote zawng chu an tum tlangpui niin an lang bawk. Mipui tiengpang khawm sum chungchanga hin ei insumthei naw hle. Election hi sum hmuna ding niin ei ngai tawl an naw mani ti theiin a um.
Manipur chau ni lovin India ram state le UT hran hran haia khawm election le sum hin inzawmna a nei ti inla ei hril suol taluo ring a um nawh. Election hun haia hin sum thienghlim lo an leng nasa hlak a, thuneitu han election huna hin sum thienghlim lo cheng nuoitel le vaibelsie tel an man hlak ti thu ei hriet hlak. Manipur a ngei khawm cheng nuoitel election le inzawmin man a lo ni ta hlak. Sum nuoitel nei nawhai ta ding chun MP le MLA election haia hin ngir ngam a ni ta nawh. Hi lei hin ei nilaia MLA ngir tum thenkhat chun an In, building tha le ropui khawm an banda hlak a, a banda ta khawm an um ta a hril a nih.
Tu khawm hin Election boruokah ei um a. Tu party am sawrkar tha siem thei ding ti le tuhai him thlangtling inla ei ram le hnam ta dingin tangkai a ta ti tiengpang nekin volunteer tam lem chun iengtin am election lai hin sum hmu tam thei ka ta ti hin ei lungril a thuoiin a hne lem niin an lang. Hieng hi a ni leiin electio a ngirhai chun vote hi suma inchawk dingin an insingsa tlangpui hlak. Mi tha le ringum, mi fel le mi indik, lekhathiem le mi var hai nekin sum sem tam thei thei hi mipui tieng chun ei baw lem hlak. Hiengang mihai hi thlangtling an hung ni hlak ngei a, sienkhawm electionlaia an sum seng kha hmukir nawk an tum seng leiin mipui, ram le hnam ngirsuok le ngaipawimaw nekin sum an ngaipawimaw lem ta hlak. Hi kawngah hin dem le sawisel el thei an ninaw a, an dik naw le a thiemnaw hmasa chu vote hlu tak nei mipui ei nina chin a um.
Sum le pai hmanga campaign ei ti hi an dik a, a sukhluortu chu mipuihai ei nih. Candidatehai hin ei thu le hla lovin sum an mi pek ngai naw a. Voters han sum hi ei hni hlak. Sum hmel ei hmu naw chun candidatehai hi thu hril thiemin an manifesto tha sienlakhawm an thu hril hi ei awi nuom naw a ni deu tak. Hi lei hin ei rama ding chun election le sum chun inzawmna an nei el bakah thil a thaw thei em em el a nih. Mipui ‘fair’ hle inla chu candidate hai hi “fair” naw takin che ngam naw nihai.
Mipui tiengpang ei insiem tha le ei lungril put dan (mindset) ei her danglam a tul hle. Mipui lungril thuhne thei tak ding chu Kohran pawl tum tum hai an nih. Hieng a ni lei hin election huna mipui han sum le pai neka indikna le ringumna lungril an put theina dingin thang la nasa nawk zuolhai sienla nuom a um. Mipui han thil indiklo ei dawng nuom tlat chun, election huna candidate hai ta ding chun hmangruo tha takah an chang ngei ding a nih. ECI hi election huna hin sum le pai thuah a khauin a fet hle hlak. Amiruokchu, candidates le a vote nei mipuihai an inthuruol tlat hlak leiin election a sum inleng vel hi dan bakah a ni hlak. Danin a phal neka tam candidate tinin an hmang hlak.
CCPUR: Zani zingkar 8:30 khan New Lamkaah SSA Residential Hostel building bawl thar chu Mr Thangkhosuanmung Guite, EM, ADCC le Hiangtam Lamka lal in ribbon cheptanin a hawng a, Pastor Dr M. Gousuan, Local Pastor, EBCC Khominthang in tawngtainain an hlan.
Thangkhosuanmung Guite chun, M. Gouzamang, EM in student hai hmakhuo ngainaa Residential school bawlna ding ram a pekna thuah lawmum a ti thu a hril.
M. Gouzamang, EM chun, Sawrkar dan dungzui chun Class VIVIII inchukna chu room 3 le a chung ranva inkhum ding ti a ni a, sienkhawm tuhin Room9 bawl le a chung cement sung a ni a. Private school a kaizo lo hai hmakhuongaina leia ram hi a pek a ni thu; Class XII chen um theina dinga hma lak a ni ding thu; school building khawm bawl zawm pei a ni ding thu a hril a. Student hai chu pass ringawt tum lo a thiemna thlungpui indik tak nei tum seng dingin an fui.
Letzamang Haokip reception prog. hmang
CCPUR: Zani 11AM khan B. Vengnuom Community Hall, CCPurah BJP Political Conferencecum Reception prog. of Letzamang Haokip hmang a nih. Letzamang Haokip hi 57Henglep (ST) A/C a MLA ngir tum a ni a, Rev. Dr Nguljathang, Pastor CRF in tawngtaipekna a nei. Hi huna hin MDC thenkhat le MDC hlui bakah Henglep Area Chief Assn President; Komrem Union, Manipur President le mipui tam takin an uop.
ASI a promotion hai rank bel pek
CCPUR: Zani zantieng 1:00PM khan SP, CCPur Officeah Women Head Constable 3 ASIa promotion hai rank pek an nih. ASI a promotion mi pathum hai chu Ginsuanching; Chingzamawi le Lhingboi Lynda Gangte hai an ni a, S. David Piaklian, MPS, Addl. SP, CCPur in rank a bel pek tawl.
L. Mangkhogin Haokip, IPS, SP, CCPur chun, ASI a promotion mi pathum hai chu an kaisang le inruolin an mawphurna khawm a hma neka a hung insang ding thu hrilin, an mawphurna chit tha taka thaw dingin an fui a, CCPur district Police popo aiawin an kaisangna a lawmpui thu a hril.
Manipur Governor an inhmupui
IMPHAL: Outer Manipur Tribal Forum (OMTF) le Joint Action Committee Against AntiTribal Bill (JAC) thuoitu han zanikhan Raj Bhavan, Imphalah Manipur Governor Dr Najma Heptulla an inhmupui a, an thil ngen hai inziekna Memorandum an pek. Manipur Tribal hai ditdan anga tribal martyrs 9 hai thu le pendinga um AntiTribal Bills 2 chungthu hai chingfel a ni hmakhat ieng Bill le resolution thar khawm an pawm theinaw ding thu an Memorandumah an zieklang.
Sports University lungphum
IMPHAL: Yaithibi Loukon, Thoubal District ah National Sports University building bawlna ding lungphumna nei vat a ni ta ding thu Wangjing A/C MLA Paonam Brojen chun a Khongjam Block Congress Committee function a hawng huna a hril. Hi lai hmuna hin restaurants 4 le film institute hai khawm bawl ni dingin a hril.
Police le inbeituonaah students 10 an hliem
IMPHAL: ILPS ngenna le inzawmin zanikhan MB College, Royal Academy le Pioneer Academy students han Palace CompoundSanjenthong chen lampui hraw an tum a, Police han Palace compound hmuna an dang nghal a, studenthai tear gas le Smoke bombs an kap khum leiin students 10 chuongin hliemna an tuok pha. A hliemna taluo ruok chu an um nawh.
Financial Assistance hni thei
IMPHAL: Manipura Tribal mi, hriselna tha lo hai ta dingin Directorate of Tribal Affairs, Hills & SC Development, Manipurah Financial Assistance ngen thei a nih. Application form chu Sept. 1329, 2016 inkar sem ning a ta, Application form peklut theina hun nuhnung tak chu October 7, 2016 ning a tih. Hnina lekhaah Doctor recommendation Certificate, pasport size thlalak, tribe certificate, income certificate le discharge slip/vouchers etc kilde sa ding a nih.
Morehah Classical Swine Flu
IMPHAL: Moreh, Chandel District, Manipur a Vawk natna hri inleng chu “Classical Swine Flu (CSF)” or “Hog Cholera” a nih ti hrietchieng a ni tah tiin Manipur state Veterinary and Animal Husbandary Department thusuok chun a hril. Hi natna hri lei hin tulai hnai el khan Moreh ah Vawk tam tak an thi pha ahril a nih. Hi natna hri laka inveng theina umsun chu a hri dangna damdawi kap a nih tiin State Veterinary department thusuok chun a hril.
KUFO cadre 2 ralthuom leh man
IMPHAL: Sept. 6, 2016 khan Senapati Brigade of Red Shield Division hnuoia Jawalamukh Battalion han SL Veng, Ward No. 16, Kangpokpi hmuna KUFO cadre pahni Ngamkhoneh @ Hangam (28), s/o Sehlal of Old Thengjang, Tamenglong District le Shein Lhouvum (45), s/o Seikhohau of Thenjang, Tamenglong district hai chu 9mm Pistol 1, 9mm magazine 1, 9mm mu 5, KUFO Line Yards 6, US Dollar note 1 (dollar 1), Jungle Caps 2, Wallet dum 1 le Nokia Mobile Handset 2 hai leh an man niin PIB Defence Wing thusuok chun a hril.
Y. Irabot in BJP a zawm el thei
IMPHAL: Congress MLA le Politician hlun Y. Irabot chun BJP a zawm el thei nia hril a nih. Y. Irabot hi Wangkhei A/C a inthawk Congress ticket a thlangtling le hun sawt tak Cabinet minister sin lo chel ta a nih. Ama thlawptuhai chun zanikhan Congress party suoksana BJP zawm dingin an ngen tawl. Vawisun hin Y. Irabot chun Congress party a intahwka an banna lekha a pek el theia hril a nih.
Forensic Laboratory dawmsang ding
IMPHAL: Department of Forensic Medicine, JNIMS huoihawtnain zanikhan JNIMS Auditorium, Porompatah “Continuing Medical Education (CME) programme on Investigation of Rape: A multidisciplinary approach” nei a nih. Hi huna khuollien Dy. CM Gaikhangam chun Forensic Laboratory, Pangei chu advance technology le equipments hai hmanga dawmsang a ni ding thu a hril.
Sept. 13, 2016 Chawla puong
IMPHAL: IdulZuha leiin Manipur State sawrkar chun September 13, 2016 chu chawl (holiday) in a puong. A hma chun hi Holiday hi Sept. 12, 2016 a ding a nih. September 13, 2016 hin Govt. Offices, Govt. Educational Institutions, Banks le Financial Institutions hai khar ning a tih tiin General Administration Department (GAD), Govt. of Manipur chun zanikhan Order an suo. High Courts 4 Manipur a Registrar khawmin hi ni hin Court Officehai po poah chawl puong a nih tiin Order an suo.
Sept. 21 hma khawmin Special Session
IMPHAL: ILPS le inzawma Bill thuah Manipur mipuihai an lunginruol thei a ni phawt chun Sept. 21, 2016 hma khawmin Manipur Assembly Special Session ko thei a nih tiin Dy. CM Gaikhangam chun a hril. State sawrkar chun mipuihai lunginruol hun a nghak a nih tii a hril.
Lok Sabha le Assemblies Election a ruola nei ding ti thuah ngaidan peklut thei
NEW DELHI: Sawrkar thlungpui chun Lok Sabha le Assemblies Election a ruola nei ding ti thuah India mipuihai chu an ngaidan pelut dingin ngenna a siem. Hi chungchanga ngaidan pe nuomhai chun October 15, 2016 chenin peklut thei ning a tih. PM Narendra Modi chun a ruola election nei hi tha a ti thu tuta hma deu khan a lo hril ta hlak. Election Commission of India khawmin hi rawtna hi tha a ti thu a lo hril ta hlak bawk. Ngaidan neihai chun October 15, 2016 chenin sawrkar thlungpui kuomah peklut el thei a nih.
Kum 1967 chen khan hiengang inthlang dan hi India rama khawm lo hmang hlak a a ni a. Nisienlakhawm Constitution Article 356 dungzuia State thenkhatah President Rule puong a hung ni hlak leia Lok Sabha le Assembly Election hi a hran hrana nei tana hung um a nih. Lok Sabha Election nawk chu kum 2019 a nih. State 5 a Assembly Election chu kum 2017 a nei ding a ni a, States 13 haia Assembly election chu kum 2018 a nei ding le States 9 haia Assembly election chu kum 2019 a nei a ni a. State 1 ah kum 2020 le a dang hai chu kum 2021 a nei ding an nih.
Pawisa lem Rs. 11.95 lakh anghu leh mi 3 man
HYDERABAD: Policea Task Force, South Zone Team chun zanikhan Charminar Police hai thangpuinain India pawisa lema sumdawngna le inzawma hmun pakhat an dapnaah India pawisa lem Rs. 11.95 lakh anghu leh mi pathum an man. Mana um hai chu Mohd. Ghouse of Chandrayangutta le West Bengala Malda district mi ve ve Shareeful Shaikh le Jahannara Bibi hai an nih. Mohd Ghouse hi pawisa lema sumdawngna le inzawma Jaila intang, jaila inthawk a suokna khawm thla khat le a chanve vel chau a la liem nia hril a nih. Hi thila mawphurtu taka intum Babloo Shaikh ruok chu man a la ninaw a, Police han man tumin an zawng mek.
Mizoram in DA 6% in a sukpung
AIZAWL: Mizoram sawrkar chun a hnuoia thawktu hai Dearness Allowance (DA) chu 6 percent in a sukpung. Mizoram sawrkar hnuoia thawktu han DA an hmu hlak chu 119 a ni a, 6% a sukpung a ni hnungin 125 a hung nita ding a nih. DA pungna hi September 1, 2016 a inthawk tiem tanin thla 3 sunga pension ding hai le sawrkar thawktu New Pension Scheme hmangtu le GPF account nei lo hai ta dingin pawisa faia pek remti a ni baka Income Tax pe thawktu hai chu pawisa faia pek dinga ti a ni bawk. Group A, B, C le D thawktu hai ruok chu DA pung hi an GPF accountah thun pek ning an tih.
J&K le HP haiah subsidized Helicopter services
NEW DELHI: Sawrkar thlungpui chun Jammu and Kashmir le Himachal Pradesh haia sectors 10 haiah subsidiseda helicopter in service tir dingin remtina neiin a pawmpui tah. Hi dungzui hin emergency services le mipui passenger hai phurlawnna dingin priority basis le subsidised rates in Helicopter in service tir ning a tih tiin Home Ministry thusuok chun a hril. Amiruokchu, subsidized helicopter service hin VIPs, State Govt. officers official tour a fe hai, Income Tax pe thei chin le tourist hai chu huomsa naw ni a, seat umdan izirin a chuongman a full (kim) in peng an tih tiin sawrkar chun a hril. Hieng states pahni hai chun subsidised helicopter services um theina ding sectors hai thlangsuok an tih.
CBSE in UGCNED exam Jan. 22ah
NEW DELHI: Central Board of Secondary Education (CBSE) chun Research Fellowship le Assistant Professor ni theina dinga pawimaw January 22, 2017 khin UGCNET Examination a buotsai nawk ding thu CBSE thusuok chun a hril. UGCNET Exam hi India ram pumpuia khawpui hran hran haia nei ding a nih.
ICUa um suolluitua intum Doctor man
GANDHINAGAR: Gujarata Gandhinagar hmuna Apollo hospitala doctor Ramesh Chauhan (28) chu hi Hospitala Dengue a damnaw nuhmei kum 21 mi suolluia intumna le inzawmin zanikhan Police han an man. Ramesh bakah Ward boy han tuta kar bul ni 2 sung khan damnaw nu hi an suollui nia intum an nih. Suolluia umnu chun, Ramesh hin a hmasa takin Pathiennia night duty a nei huna sex thilah a sawisak niin a hril a, a suollui hma hin ieng damdawi amani a pek niin an tum bawk. Hi thila inrawl vea intum Ward boy khawm Police han an man ta a, nuhmei hi suollui a ni ngei ti finfie a ni ta bawk. An suollui hmaa damdawi an pek hi a hrat hle leiin thil tlung hi zani hmasa khan a hrilsuok thei chau niin Police chun an hril.
Odishaa Bus eksidenah mi 20 an thi
BHUBANESWAR: Odishaa Angul districta chun zanikhan Bus pakhat changsuolin leilaka inthawk a tla thla a, a sunga chuong mi 20 in thina an tuok bakah midang 30 chuong na takin an hliem. Hi thil hi Boudh le Adhamallik inkara Puruna Manitri hmuna tlung a nih. Hliem hai hi Athamallik hmuna Hospitalah admit an ni a, hliem hai laia thenkhat chu an hliem inrik hle niin Angul District Collector Anil Kumar Samal chun a hril. Chief Minister Naveen Patnaik chun hi thil tlung hi pawi a ti thu a puong a, district administration le Police official hai chu hliem hai enkawlna kawnga an thei ang anga hma la dingin an hriettir bakah hliemna tuok hai chu Hospitala an inenkawl man le an damdawi man sawrkarin a tum ding thu a hril. Bus hi a ke a puokkawi leiin Driver in a control thei naw leia tuoksiet tuok a nih.
VAWISUN THUPUI
Chirhaka inthawk hin mi sanhim la, min tlumtir lul naw rawh. A mi theidatuhaia inthawk le tui inthuktaka inthawk hi sanhimin min umtir rawh. Sam 69:14
Editorial: Election le sum
11th Manipur Legislative Assembly election chu a hnai ta leiin Manipur a political party hran hran, inthlangnaa ngir tum hai le an thlawptuhai chu election boruokah an um tawl tah. Manipur phairam le tlangram biel haiah hi election ding le inzawm hin Political ConferencecumReception programme, bu faktlangna le election meeting ti hai chu inzing utin a um tan tah. Election Commission of India (ECI) le Assembly Election nei ding state sawrkarhai chu election ding le inzawma insingsatnain an buoi tawl ta hle. ECI chun Chief Secretaryhai chu IGPs to SubInspectors, an home district sunga kum 3 posting tahai chu an postingna hmuna inthawk district dangah transfer dingin an hriettir tawl tah. Chun, Assembly election or Assembly byelection nuhnung taka lo thang tasa DEOs, ROs, AROs, Police Inspectors le SubInspectorhai khawm sawn dingin ECI chun inhriettirna a siem bawk.
Election le transfer hi an zawm tlat leiin sawrkar thawktuhai ta ding chun lawmum lo takel niin an lang. Transfer le posting hi a che thei deu le a sum neihai ta ding chun pumpel thei a nina chin ei state sunga chun a um hlak niin anlang. Amiruokchu, hiengang mihai khawm hin transfer & posting thuah hin sum sengna chu an nei hlak nia hril a nih. Tangka sum hin chu thil a thaw thei a, election leh khawm sum hin inzawmna a nei ta tlat el niin an lang. Election a ngir tum hai khawma sum hmanga vote zawng chu an tum tlangpui niin an lang bawk. Mipui tiengpang khawm sum chungchanga hin ei insumthei naw hle. Election hi sum hmuna ding niin ei ngai tawl an naw mani ti theiin a um.
Manipur chau ni lovin India ram state le UT hran hran haia khawm election le sum hin inzawmna a nei ti inla ei hril suol taluo ring a um nawh. Election hun haia hin sum thienghlim lo an leng nasa hlak a, thuneitu han election huna hin sum thienghlim lo cheng nuoitel le vaibelsie tel an man hlak ti thu ei hriet hlak. Manipur a ngei khawm cheng nuoitel election le inzawmin man a lo ni ta hlak. Sum nuoitel nei nawhai ta ding chun MP le MLA election haia hin ngir ngam a ni ta nawh. Hi lei hin ei nilaia MLA ngir tum thenkhat chun an In, building tha le ropui khawm an banda hlak a, a banda ta khawm an um ta a hril a nih.
Tu khawm hin Election boruokah ei um a. Tu party am sawrkar tha siem thei ding ti le tuhai him thlangtling inla ei ram le hnam ta dingin tangkai a ta ti tiengpang nekin volunteer tam lem chun iengtin am election lai hin sum hmu tam thei ka ta ti hin ei lungril a thuoiin a hne lem niin an lang. Hieng hi a ni leiin electio a ngirhai chun vote hi suma inchawk dingin an insingsa tlangpui hlak. Mi tha le ringum, mi fel le mi indik, lekhathiem le mi var hai nekin sum sem tam thei thei hi mipui tieng chun ei baw lem hlak. Hiengang mihai hi thlangtling an hung ni hlak ngei a, sienkhawm electionlaia an sum seng kha hmukir nawk an tum seng leiin mipui, ram le hnam ngirsuok le ngaipawimaw nekin sum an ngaipawimaw lem ta hlak. Hi kawngah hin dem le sawisel el thei an ninaw a, an dik naw le a thiemnaw hmasa chu vote hlu tak nei mipui ei nina chin a um.
Sum le pai hmanga campaign ei ti hi an dik a, a sukhluortu chu mipuihai ei nih. Candidatehai hin ei thu le hla lovin sum an mi pek ngai naw a. Voters han sum hi ei hni hlak. Sum hmel ei hmu naw chun candidatehai hi thu hril thiemin an manifesto tha sienlakhawm an thu hril hi ei awi nuom naw a ni deu tak. Hi lei hin ei rama ding chun election le sum chun inzawmna an nei el bakah thil a thaw thei em em el a nih. Mipui ‘fair’ hle inla chu candidate hai hi “fair” naw takin che ngam naw nihai.
Mipui tiengpang ei insiem tha le ei lungril put dan (mindset) ei her danglam a tul hle. Mipui lungril thuhne thei tak ding chu Kohran pawl tum tum hai an nih. Hieng a ni lei hin election huna mipui han sum le pai neka indikna le ringumna lungril an put theina dingin thang la nasa nawk zuolhai sienla nuom a um. Mipui han thil indiklo ei dawng nuom tlat chun, election huna candidate hai ta ding chun hmangruo tha takah an chang ngei ding a nih. ECI hi election huna hin sum le pai thuah a khauin a fet hle hlak. Amiruokchu, candidates le a vote nei mipuihai an inthuruol tlat hlak leiin election a sum inleng vel hi dan bakah a ni hlak. Danin a phal neka tam candidate tinin an hmang hlak.
