Responsive Ad Slot

HSA Choir Music Video Tlangzar

Monday, July 11, 2016

/ Posted by VIRTHLI HMAR
Muolhoi, July 11, 2016, Virthli (ONP): Vawizan dar 7:30 khan hun sawttak a inthawka lo riruong HSA Choir Music video chu Upa HL Sanga, President, Muolhoi Village in mipui hmu le ngai thei dingin CH Khawthlang Memorial Hall, Muolhoiah a tlangzar.

Hi huna hin Hmar hnam organisation a inthawka fielbik thuoitu hai le HSA GHQ thuoitu iemani zat hai an thanga programme hi puitling taka zo fel a nih.

Music Video tlangzar a um hi hla pahni ani a, dam tete a thaw peia album puitling hi nei vat beisei a nih. HSA Choir hi tukum kumbul laia Muolhoi a HSA Assembly Choir ti a lo indin ani a tuhin HSA Choir tiin GHQ hrietpui hung niin GHQ Socio & Culture Dept. hnuoia enkai mek an nih.


LAWMTHU HRILNA
1. HSA NC Hills Karbi Anglong JHQ thahnemngaina zarin 55th General Assembly Choir alo indin zara vawisun ngirhmun hi HSA Choir in a hmu thei ani a an chunga lawmthu ei hril a nih.

2. Pu Dr. Chaltawnlien Amo, MLA Tipaimukh, Manipur in tangkasum fai hi album puitlingna abul tantu tak a nina zar peia hi chen HSA Choir hin beiseina thar le Music Video chen a hung nei thei leiin HSA chun ama chunga lawmthu a hril mawl mawl vawk.

3. Choir member le thuoitu hai popo thahnemngaina zar lieu lieu a hi music video hi hung suk puitling thei ani leiin member hai popo chunga HSA chu a lawm takzet zet a nih.

4. Mani thil nei instruments, Camera, sound, Lights etc. tha le zung a hi music video thangpuitu hai popo hieng Pu Lalchunghnung Faihriem, Pu Rothangsang Tuolor, Pu Dawna Ralsun, Tv Elvis L Gangte, Pu Vanlallawmsang Hmar, Pu J Rokhawmlien, Headmaster Muolhoi High School, Manmasi Sounds, JEDLYNS Crew hai le mawitaka video editing thawtu Pu George Mang Neihsial le mi dang dang hai chunga HSA chu a lawm hle a nih.

5. Tlawmngai taka programme a thangtu hai popo le HSA Choir ta dinga thahnem ngai taka hmatieng beiseina neia thawlawm pe a disc intlantu hai popo chunga HSA chun lawmthu a hril mawl mawl bawk a nih.

6. Upa HL Sanga Neingaite, Chief Guest, a hun hlutak a hung pek el khelah Choir thangpuina dinga sum fai amin hlan hi HSA chu a lawm takzet zet bawk a nih.

Don't Miss
© all rights reserved
made with by Simon L Infimate