Virthli Sports, 11 July 2016; Portugal chun Euro 2016 final ah Eder goal hmangin an ram chanchina hrattak nina nopui an dawm hmasatakna ni dingin a’n tluntu France chu an lo hneban tah.
Vawizana Paris khawpui hmar tienga Stade de France hmuna inkhel ah hin European Championship a dinga chanchin inchikthlak tam tak um dinga beisei ani a, sienkhawm Michel Platini(9 goals) leh European Championship a goal thunrawntak nina hau mektu Cristiano Ronaldo chu minute 25 na ah zawnsuok a ṭul a Platini record chu a khûm thei tanaw anih.
Portugal hin France hi an lo ngamnaw hle hlak a, an inkhel nuhnung 10 hai ah khan France hai an hrat vawng khelah Portugal hin France hi competition hran hran ah vawi 24 lai lo inkhelpui tah in France vawi 18 an hrat a, Portugal vawi 5 an hrat a vawikhat an inhnetawk anih.
Portugal 1-0 France(Eder 109’)
Portugal XI: Rui Patricio, Cedric, Pepe, Fonte, Guerreiro, Carvalho, Silva, Sanches, Jaoa Mario, Nani, Ronaldo.
France XI: Lloris, Sagna, Kocielny, Umtiti, Evra, Matuidi, Pogba, Sissoko, Griezmann, Payet, Giroud.
First Half inkhelṭan ani hlim anthawk France in an nawr nasa em em a, Portugal ha’n ball an in pass fuk theinaw ani deu tak. Inkhel ṭan ani anthawka minute 17 na ah Payet chun Ronaldo a tackle tumna ah a khup a chuk fuk pek leiin Ronaldo chun inkhelzawm ṭal tum sienkhawm a thei ngang naw leiin minute 25 na ah Quaresma’n a hung thlâk a.
France ta dingin Sissoko a khel ṭha em em a, darkar chenve an khel ta maw tiin hrat taka tlana ball a hung khal chu box puo met anthawk a zuk pet pawp a, Rui Patricio chun mawi takin a lo dang hman a, a goal teu hle. Chu hnung met chun Payet a ball vawr ṭha tak chu Griezmann in a head lut ngei ta ding ni a an lang laiin Rui Patricio bawkin a lo nam dawk hman a.
Second Half inkhalṭan ani nawk a, Portugal chu an innghatna Ronaldo a suok ta leiin an ṭhang a na lem sau am ani ti dingin First Half nekin an inkhel ṭha ṭan a, Didier Deschamps chun Payet chu lasuokin Kingsley Coman chu a thun a, ball crossing ṭha tak tak siemin game a hung thlak nasa hle. Coman ball cross anthawkin Griezmann chun goal thuntheina chance ṭha tak nei sienkhawm vawngduoithlak takin goal chung zawnah a head lem hlau a.
Hun tawm tawm minute 15 la um ah Coman ball pass bawk chu Giruod in goal a inchangtir tumin a lo pet a, Rui Patricio chun a lo save nawk a. Portugal chun tlar hma a ngir ding striker pangngai an neinaw chu an thawhla tak niin an lang. Tlar hma a ngir Nani le Quaresma hlak chu striker ni lovin winger chi ve ve lem an nih a. Minute 80 na ah Nani ball cross chun goal ban a deng fuk a chun ball intîng kir Quaresma’n a lo volley a, sienkhawm Lloris chun awlsam takin a lo man hman anih.
Chu hnung sawtnawte ah Sissoko chun box puo 25 yards vel anthawka na taka a pet chu a goal ngei ta dinga an lang laiin Rui Patricio chun mawi takin a lo dang hman nawk a. Giroud thlaktu dinga hung lut Gignac chun 90+1 minute ah goal ban pet fu in a thun teu hle. Hun pangngai ah goal a lut naw leiin Extra time pet anih.
Extra Time ah Portugal chun hrat an tum ngei anih ti suklangna dingin an nawr nasa hle el a. Second Half a hung lut thar Swansea City hai striker loan a Lille a inkhel mek Eder chun goal a thun teu hle. Chu hnung sawtnawte ah Portugal ha’n freekick hmu in Left back raphael Guerreiro chun Cross bar a pet fuk a. 109 minute na ah goal umsun ni ding le Portugal hai hratna goal ni dingin Eder chun box puo anthawka na taka a pet chu goal vawitieng sir hnuoitieng Lloris ban phak lo char in a lut a. Hi hnung hin Deschamps chun Diddoko ai in Martial hung thunlutin nawr nasat tum vieu sienkhawm goal an thun thei tanaw a. Chuongchun Portugal chun goal khat a France hne in Euro 2016 champion an lo ni tha anih.
Mi tam takin vangnei leia kai mei mei tiin Portugal hai deusaw hai sienkhawm hnena an hei chang thei hi lawmpui an um hle. Euro 2016 kha an inkhelnaw teu hle el a, qualifying na ah khawm a pathumna niin play-off anthawkin an qualify ṭawka. Group Stage ah beisei an phak naw hle a. A pathumna bawk niin knockout round an kai ṭawk ṭawk a. Inkhel hun pangngai minute90 sung vawikhat char hratna an chang a. Round of 16 ah Croatia extra time ah hne in Poland chu penalty in Quarter Final ah an hne nawk a, Semi Final ah Wales hai chu 2-0 a hne in Final ah France 1-0 in an hne anih.
Fernando Santos a rawihai hi mi hai lawm hlaw naw hai sienkhawm team ṭha tak an ni zie an suklang a, an tumru in an ṭhang a na thei hle a. Final chen inpetkai theina dinga an thiemna le an theina hai chu vawizan inkhelah khan hmu thei niin Euro 2004 a anni khawtuol ngeia Greece in an hneban ang khan France hai chu an lo hneban ve anih.
Hrilhmai thei der lo ding chu an defence khau ṭha tak kha anih. Final ah Man Of The Match dawng thei hiel Rui Patricio chun keeper ṭha a ni zie a suklang a. Group stage ah Pepe le Carvalho an kawp tir kha a fuk bek naw a, kha hnunga Southampton hai captain Jose Fonte, 2010 a League One a lan khel, kum 30 a tling hnung 2014 a international match inkhel phak chau, an naupang laia Cristiano Ronaldo le Sporting Lisbon Youth team a lo khelkawp hlak, leh Pepe a hung inkawptir kha a thawfuk hle el a. An taima in an ball dang a ṭha thei hle.
Chu khelah hi hratna hi khawvela ball pet thiem tak tum ani ti a Messi le Ronaldo an khaikhin vetna pakhat– ram ta dinga major trophy lak – chu Ronaldo chun a lo suk puitling tah a. Ronaldo ta dinga mellung pawimawtak anih. A teammate hai khawmin an lawmpui hle.
Vawizana Paris khawpui hmar tienga Stade de France hmuna inkhel ah hin European Championship a dinga chanchin inchikthlak tam tak um dinga beisei ani a, sienkhawm Michel Platini(9 goals) leh European Championship a goal thunrawntak nina hau mektu Cristiano Ronaldo chu minute 25 na ah zawnsuok a ṭul a Platini record chu a khûm thei tanaw anih.
Portugal hin France hi an lo ngamnaw hle hlak a, an inkhel nuhnung 10 hai ah khan France hai an hrat vawng khelah Portugal hin France hi competition hran hran ah vawi 24 lai lo inkhelpui tah in France vawi 18 an hrat a, Portugal vawi 5 an hrat a vawikhat an inhnetawk anih.
Portugal 1-0 France(Eder 109’)
Portugal XI: Rui Patricio, Cedric, Pepe, Fonte, Guerreiro, Carvalho, Silva, Sanches, Jaoa Mario, Nani, Ronaldo.
France XI: Lloris, Sagna, Kocielny, Umtiti, Evra, Matuidi, Pogba, Sissoko, Griezmann, Payet, Giroud.
First Half inkhelṭan ani hlim anthawk France in an nawr nasa em em a, Portugal ha’n ball an in pass fuk theinaw ani deu tak. Inkhel ṭan ani anthawka minute 17 na ah Payet chun Ronaldo a tackle tumna ah a khup a chuk fuk pek leiin Ronaldo chun inkhelzawm ṭal tum sienkhawm a thei ngang naw leiin minute 25 na ah Quaresma’n a hung thlâk a.
France ta dingin Sissoko a khel ṭha em em a, darkar chenve an khel ta maw tiin hrat taka tlana ball a hung khal chu box puo met anthawk a zuk pet pawp a, Rui Patricio chun mawi takin a lo dang hman a, a goal teu hle. Chu hnung met chun Payet a ball vawr ṭha tak chu Griezmann in a head lut ngei ta ding ni a an lang laiin Rui Patricio bawkin a lo nam dawk hman a.
Second Half inkhalṭan ani nawk a, Portugal chu an innghatna Ronaldo a suok ta leiin an ṭhang a na lem sau am ani ti dingin First Half nekin an inkhel ṭha ṭan a, Didier Deschamps chun Payet chu lasuokin Kingsley Coman chu a thun a, ball crossing ṭha tak tak siemin game a hung thlak nasa hle. Coman ball cross anthawkin Griezmann chun goal thuntheina chance ṭha tak nei sienkhawm vawngduoithlak takin goal chung zawnah a head lem hlau a.
Hun tawm tawm minute 15 la um ah Coman ball pass bawk chu Giruod in goal a inchangtir tumin a lo pet a, Rui Patricio chun a lo save nawk a. Portugal chun tlar hma a ngir ding striker pangngai an neinaw chu an thawhla tak niin an lang. Tlar hma a ngir Nani le Quaresma hlak chu striker ni lovin winger chi ve ve lem an nih a. Minute 80 na ah Nani ball cross chun goal ban a deng fuk a chun ball intîng kir Quaresma’n a lo volley a, sienkhawm Lloris chun awlsam takin a lo man hman anih.
Chu hnung sawtnawte ah Sissoko chun box puo 25 yards vel anthawka na taka a pet chu a goal ngei ta dinga an lang laiin Rui Patricio chun mawi takin a lo dang hman nawk a. Giroud thlaktu dinga hung lut Gignac chun 90+1 minute ah goal ban pet fu in a thun teu hle. Hun pangngai ah goal a lut naw leiin Extra time pet anih.
Extra Time ah Portugal chun hrat an tum ngei anih ti suklangna dingin an nawr nasa hle el a. Second Half a hung lut thar Swansea City hai striker loan a Lille a inkhel mek Eder chun goal a thun teu hle. Chu hnung sawtnawte ah Portugal ha’n freekick hmu in Left back raphael Guerreiro chun Cross bar a pet fuk a. 109 minute na ah goal umsun ni ding le Portugal hai hratna goal ni dingin Eder chun box puo anthawka na taka a pet chu goal vawitieng sir hnuoitieng Lloris ban phak lo char in a lut a. Hi hnung hin Deschamps chun Diddoko ai in Martial hung thunlutin nawr nasat tum vieu sienkhawm goal an thun thei tanaw a. Chuongchun Portugal chun goal khat a France hne in Euro 2016 champion an lo ni tha anih.
Mi tam takin vangnei leia kai mei mei tiin Portugal hai deusaw hai sienkhawm hnena an hei chang thei hi lawmpui an um hle. Euro 2016 kha an inkhelnaw teu hle el a, qualifying na ah khawm a pathumna niin play-off anthawkin an qualify ṭawka. Group Stage ah beisei an phak naw hle a. A pathumna bawk niin knockout round an kai ṭawk ṭawk a. Inkhel hun pangngai minute90 sung vawikhat char hratna an chang a. Round of 16 ah Croatia extra time ah hne in Poland chu penalty in Quarter Final ah an hne nawk a, Semi Final ah Wales hai chu 2-0 a hne in Final ah France 1-0 in an hne anih.
Fernando Santos a rawihai hi mi hai lawm hlaw naw hai sienkhawm team ṭha tak an ni zie an suklang a, an tumru in an ṭhang a na thei hle a. Final chen inpetkai theina dinga an thiemna le an theina hai chu vawizan inkhelah khan hmu thei niin Euro 2004 a anni khawtuol ngeia Greece in an hneban ang khan France hai chu an lo hneban ve anih.
Hrilhmai thei der lo ding chu an defence khau ṭha tak kha anih. Final ah Man Of The Match dawng thei hiel Rui Patricio chun keeper ṭha a ni zie a suklang a. Group stage ah Pepe le Carvalho an kawp tir kha a fuk bek naw a, kha hnunga Southampton hai captain Jose Fonte, 2010 a League One a lan khel, kum 30 a tling hnung 2014 a international match inkhel phak chau, an naupang laia Cristiano Ronaldo le Sporting Lisbon Youth team a lo khelkawp hlak, leh Pepe a hung inkawptir kha a thawfuk hle el a. An taima in an ball dang a ṭha thei hle.
Chu khelah hi hratna hi khawvela ball pet thiem tak tum ani ti a Messi le Ronaldo an khaikhin vetna pakhat– ram ta dinga major trophy lak – chu Ronaldo chun a lo suk puitling tah a. Ronaldo ta dinga mellung pawimawtak anih. A teammate hai khawmin an lawmpui hle.
