Nuhmei kumtlinglo suollui tuma intum man
CCPUR: Churachandpur Policea inthawk ei thu dawngnain a hril danin July 5, 2016 zantieng 2:30PM khan Mr Pauminlun Hangluah (19) s/o H. Ginlal of New Zouveng chun K. Lhangjawl khaw mi, School tin in pana fe mek nuhmei naupang kum 14 mi chu Khawpuibung le K. Lhangjaw khaw inkarah thawluina hmangin suollui a tum bakah that tumin a bei a. Sienkhawm K. Lhangjol khawmi pahni han nuhmei naupang hi an sansuok niin a hril.
HI thil tlung thu hi July 8, 2016, 12:30PM khan Police Stationah report pek a ni a, hi le inzawm hin CCPur Police chun nuhmei suollui tuma intum Pauminlian Hangluah hi an man a, zanikhan Chief Judicial Magistrate (CJM), CCPur hmaah an inlangtir. Court chun July 11, 2016 chen Police Custodya la um phawt dingin a chungthu a rel. Hi thua hin Police chun FIR No.l 3 (7) 2016 WPSCCP U/s 307/354/511 IPC an registered.
Nuhmei naupang kum 6 mi Activa in a baw hliem; ngaisak lova tlansiet san a nih
CCPUR: July 8, 2016 khan Ms Nengmuanching (6) d/o Lalrochan Hmar of Zion Veng, Tuibuong CCPur chu Sumkong Kaimun, Tuibuong bazar, Tiddim Roadah Activa in a baw a, a hliem inrik leiin Tuibuong Area Youth Club (TAYC) le naupang sung han District Hospital Casualty Ward an panpui a. Sienkhawm a hliem inrik leiin doctor han Imphal tieng panpui dinga thurawn an pek angin zani zantieng khan Imphal panpui a nih.
Naupang baw hliemtu Activa hi a var (white color) niin Lamka tieng pana hung tlan, mi pahni inphur an ni a, an naupang baw hi ngaisak lovin an tlan thleng pei a nih. Hi thua hin TAYC chun thusuok siemin mi baw hliemtu motor hi mita hmutu an um a, darkar 24 sunga an kuta inpe dingin an inhriettir.
Naupang hi a kut changtieng le ke changtieng haiah hliemna a suok bakah a nakawrah thisen a suok a, a luah hliemna a tuok bawk a nih. Naupang hi khuo hre lovin a um a, a ngirhmun a thanaw hle niin ei thu dawngna chun a hril.
DTO in Revenue Rs.7,92,886 an hmu
CCPUR: District Transport Office (DTO), CCPur chun June, 2016 thla sung khan Revenue Rs. Rs.7,92,886/ an hmu a, AprilJune, 2016 inkar sunga Revenue an hmusuok chu Rs. 19,14,219/ a tling phak.
Chun June, 2016 khan DTO CCPur chun motor 127 an registered a, hi lai hin Truck 19, Car 13, Jeep 4, Auto Rickshaw 5, Two wheeler 86 a thang. AprilJune, 2016 inkar sunga DTO CCPur inmotor an registered chu a rengin 345 a tling phak a, hi lai hin Truck 29, Van 7, Car 36, Jeep 8, Auto Rickshaw 17, Twowheelers 247 le others 1 a thang.
Pasal pakhat ama le ama an kap hlum
CCPUR: Mr Wazir Khan (18) s/o Sikander Khan of Kwakta Ward No. 4 chu zani zingkar 9AM vel khan an chengnainah ama le ama silaiin an kap a, a sung han inrang takin District Hospital, CCPur an hung panpui a, sienkhawm Hospital tlungpui a ni hmain lamlakah a thi. A ruong hi District Hospital Morgueah sie a ni a, hi thil tlungna hmun hi Moirang Police station huom sung a ni leiin Moirang Police hai buoipui dinga sie a nih. Hi thu ei sut chena hin Wazir Khan ruong hi District Hospital, CCPur Morguea inthawk phurdawk a la ni nawh.
Mobile hai kawlthat pek
CCPUR: JACATB inrawinaa zanita Hiangtam Lamka YPA GHQ Hallah Consultative meetinga thang hai chu hun dang ang ni lovin volunteers han an mobile phone hai la peka token no. pein meeting sung po an mobile hai an kawl pek.
Thingkak an phun
CCPUR: Hiangtam Nuihchiam WhatsApp group chun G. Thangkhosuanmung, Chief of Hiangtam Lamka le EM, ADCC le thangruolin an khawsung lampui sirtuokah thingkak 300 an phun.
Essay writing Competition
CCPUR: National Legal Services Authority, New Delhi le Manipur State Legal Services Authority inhriettir angin CCPur Dist. Legal Services Authority chun July 10, 2016, 1:00 PM a inthawk 3:00PM inkar sung khin Lalpuitlhluaii Foundation School, Bungmual, CCPurah ‘Essay Writing Competition’ buotsai an tih. Competition hi Categroy I le II a the a ni a, categoryI ah Class VIIIX inkar han Fundamental Rights and Duties of Citizen ti thupui hmangin words 500 le Category II ah Class XXII inkar han “Fundamental Rights and Duties of Citizen ti thupui hmangin words 700 chen Essay ziek inelna nei an tih. 1st in lawmman Rs. 2500/, 2nd Rs. 2000/, 3rd Rs.1500/, le category pahni haia mi 10 ve ve consolation prize Rs. 500 le Rs. 700 seng pek ning an tih.
PwDs hai ta dingin aids& appliances
CCPUR: Persons with Disabilities (PwDs) hai ta ta dingin ALIMCO, Kanpur a inthawk aids & appliances hieng Wheelchair, Rotator, Walking sticks, smart white cane le hearing aids hai PASS Office, CCPur a hungtlung thar. Hiengang hmangruo mamaw PwDs hai chun passport size thlaka copy 2, Disability Certificate, le document tul dang dang hai chawia hnina peklut thei hing a tih. Thu chieng lem 708529609 le 8732846033 haiah kan thei ni bawk a tih.
Bill thar siem ding chungchangah All Political Party meeting nei a nih
IMPHAL: Zanikhan CM O.Ibobi Singh inrawinain Chief Minister’s Secretariat, Imphalah Bill thar siemna ding chungthuah All Political party meeting nei a nih. Bill buoium takel “The Protection of Manipur Peoples Bill, 2015” thlaktu ding Bill thar siemna ding thua an ngaidan le dit dan hai hi huna hin an hriltlang. Bill thar siem dinga riruonga um hming chu “The Protection of Local Peoples of Manipur Bill, 2016” a ni a, a hmaa base year 1951 dinga siem chu Bill thar dinga riruonga hin base year hi January, 1972 a ni ding thu hi meeting hin an hrillang sa.
CM le Bill Drafting Committee Chairman O.Ibobi Singh chun, Bill thar riruonga um hi Manipur Assembly Monsoon Session hung um dinga phar a ni ding thu, Assembly a phar a ni hmain siemthat tulhai siem thatu dingin Constitutional experthai ruoi le rawn anni ding thu, draft Bill hi Assembly Session a putlut a ni hmain JCILPS le Joint Action Committee Against AntiTribal Bill (JACATB) hai hriltlang, enfel le senawi dinga peksuok a ni ding thu hai a hril. Chun, hi Bill thar le inzawma hril nuomnei pawl tum tum hai le khawm hriltlang ni bawk a tih tiin O.Ibobi Singh chun a hril.
Hieng laizing hin JACATB inrawinain zanikhan YPA General Headquarters Hall, Hiangtam Lamka hmuna Public Consultation meeting nei a nih. Manipur sawrkarin Bills thar siem a tum hi tribal martyrhai suosalna a ni a, Tribalhai ram, rights le identity humhimna dinga hmalakna hi JAC hmalaknain sunzawm pei dingin hi meeting chun tha an tih.
Chun, Joint Action Committee Against AntiTibal Bills, Manipur Tribals Forum Delhi le Outer Manipur Tribals Forum hmalakna chu lawmum an ti a, thlawp pei ding le June 21, 2016 a Tribal Youth Council, Manipur le All Tribal Lawyer’s Forum, Manipur han Tribal Research Institute a meeting an nein huna resolutions an passedhai bakah June 18, 2016 a Christian Goodwill Council in “Appeal to Churches” ti an siem chu Public Consultation meeting hin tha tia thlawpin an namnghet.
Tribal Youth Council, Manipur le All Tribal Lawyers Forum, Manipur hai resolution pasihai lai June 20 chu Hill Peoples Day a hmang ding ti le tribal MLAs, antiTribal tia puonghai Assembly Election, 2017 ah tribal han vote lo ding tihai a thangsa. Chun, Christian Goodwill Council in appeal an siem chu kum 2017 a Manipur Assembly Election zalen le thienghlim taka nei a ni theina dinga Pathien kuomah tawngtaia hni ding ti a nih.
Tipaimukh biel Devpt. sin thaw thlirkirna nei
IMPHAL: July 9, 2016 khan Tipaimukh A/C MLA Pu Dr Chaltonlien Amo hai nupa fielna angin MLA workers le fielbiek mi thahnem tak MLA Quarter No.2/TypeVII (CP), Lamphel, Imphalah an fekhawm. Hi huna hin Dr Amo chun kum 4 liemta sunga Tipaimukh biela sin thawna le hmalakna hai fekhawm hai hmaa a hrila, hmatienga hmalak pei dan ding hai an hriltlang. Hi huna hin Pu Lalhossan, Vice Chairman, ADCC, MDCs, Doctors, Pastors, Chief le party leaders hai bakah Pu Clay Khongsai, IGP khawmin a uop ve. Inpawltlangna an nei zoin zantieng hlim taka ruoi kiltlang a nih tiin Alfred Lalremthang Pudaite chun ei chanchinbu palai a hril.
State hran ngennaah thangruol ding
GUWAHATI: National Federation of New States (NFNS) thlawpnain Bodos, Karbis, Kokborok le Kukis hai chun State hran an ngenna nasa nawk zuola sukhrat le thangruol dingin an remti tlang. State hran ngenna um mekhai lai Bodoland, Vidarbha, Karbi Anglong, Bundelkhand, Gorkhaland, Kukiland le Tripuraland hai a thangsa. State hran ngennain August 15, 2016 khin Guwahatiah mass rally le September 1, 2016 a inthawk hun tiemchin um lova bu ngheia nuorna nei tan an tum thu hieng state hran ngen pawlhai thusuok chun a hril.
Bravery award dawngtu dingin Capt. Radhika
NEW DELHI: Captain Radhika Menon chu Award for Exceptional Bravery at Sea for 2016 dawngtu dinga thlang a ni a, khawvela nuhmei hi award dawngtu hmasatak ding a nih. Award hi International Maritime Organisation (IMO) in an hlan ding a ni a, November 21, 2016 khin Londona IMO headquartersah inhlan a tih. Nikum June thlaa Bay of Bengala an lawng siet leia intang Ngamantu mi 7 hai hringna a sanhim leia hi award dawngtu dinga thlang a nih.
IMO in kum tina Award hi a pek hlak a nih. Captain Menon hi India sawrkarin a recommended a ni a, Panel of Judges in tha taka an enfel hnungah hi award dawng tlaka an ngai leia Award dawngtu dinga an hung thlang a nih.
Sawrkar thlungpuiin Cyber Cell indin a tum
NEW DELHI: Sawrkar thlungpui chun internet social media hai hmanga nuhmei le naupang hai vauna le inthina um rawp hlak enkaitu dingin Cyber Cell indin a tum tiin Women and Child Development minister Ms Maneka Gandhi chun zani hmasaa New Delhia Chanchinbumihai an hmupui huna a hril. Nuhmei tam taka inthawk complaint um leia a ministry chun Cyber Cell indin dinga thutlukna a hung siem a nih tiin a hril a, hi Cell chun sawiselna an hmu hai suizuiin a enkai ding a nih tiin Ms Maneka Gandhi chun a hril.
Kerala thalai 15 an inhmang, IS an zawm ringhla
THIRUVANANTHAPURAM: Keralaa Kasaragod le Palakkad district haia inthawk thalai mi 15 Middle East a inzin hai chu thlakhat liemtaa inthawk khan an umna chin hriet lovin an um a, an sunglekuo hai chun Islamic State (IS) terrorist hai an zawm ni dinga an ringhla thu an hril. Hi thua hin Kerala Chief Minister Pinarayi Vijayan chun Police hai chu inrang taka suizui dingin an hriettir niin Kasaragod MP P. Karunakaran chun a hril.
Hieng thalai mi 15 hai hi sakhuona tiengpang inchuk dinga Middle East a inzin an ni a, Eid hmang huna khan sungkuo pahni hai chun Whatsapp message an dawng a, chu taka chun ‘in kan hung kir tanaw ding” ti an ziek bakah US in Muslim hai a beina dolet dingin IS an zawm niin an ziek bawk. An chanchin hriet ta lova inhmang hai lai hin Dr Ijas le a nuhmei (dentist) hai khawm an thangsa.
Kashmira inbeituonaah mi 10 an thi; mi 200 chuong an hliem
JAMMU: Sawrkarin luman Rs. 10 lakh neia a lo puong Hizbul Mujahidin Commander Burhan Wani (21) le a rawihai mi pahni chu zani hmasa zantieng khan South Kashmira Anant Nag districtah security forces han an kap hlumna le inzawma zanita mipui le security forces hai inbeituonaah mi 10 an thi bakah Security personnel 96 thangin mi 200 chuongin hliemna an tuok a, Police 3 hai chu an raltuom hai leh an umna chin hriet lovin an inhmang mek tiin senior officer SM Sahai chun zanita Srinagar hmuna press conferenceah a hril.
Kashmir a chun boruok a sosang hle a, Srinagar thangsain Curfew zam a ni bakah Amarnath yatra fe mek khawm sukchawl a nih. Kashmir pumpuiah Mobile internet service that vawng a ni bakah south kashmir a chun mobile service khawm that hmak a nih.
Mipui pungkhawm hai chun buildings 5 le motor iemanizat an raw a, nundan pangngai nasa takin a sukbuoi. Buoina suok lei hin July 10, 2016 nia Srinagar hmuna UGCNET exam nei dinga ti chu CBSE in la thul hri a ni thu a puong. Hieng laizing hin Burhan ruong chu zanikhan a chengna khuo Tral hmuna vuiliem a nih.
Boruok sosang lei hin sawrkar thlungpui chun Law & Order ngirhmun enkawlpuitu dingin CRPF companies 6 zet Kashmirah a tirlut.
UP Minister Jaila thun
SANTKABIRNAGAR: Uttar Pradesha minister Laxmikant @ Pappu Nishad chu kum 2006a nuhmei pakhat vuokna le inzawmin zanikhan Court hmaah inlangtir a ni a. Chief Judicial Magistrate Sanjay Kumar Gaur chun Nishad in bail a ngenna a hnawlpek bakah ni 14 sung Judicial Custody (jail) a um phawt dinga a rel leiin jaila thun a nih.
AIMIM Chief in Terrorist hai a sawisel
HYDERABAD: All India MajliseIttehadul Muslim (AIMIM) Chief le Hyderabad Muslim politician Asaduddin Owaisi chun Islamic State hai chu Islam ideologies sukhmelhemtu an nih tiin an tum a, Jihad in dit tak tak a ni chun ralthuom hmang lovin, pasie hai fak ding pe inla, hmasawnna sin thaw ro, chu chu jihad indik tak a nih tiin a hril. Tulai hnaia Saudi khawpui Media hmuna Mosque bula bomb puokna le inzawma hi thu hi Asaduddin Owaisi chun a hril. Islam chu thipui ding ni lovin dampui ding a ni lem tiin a hril a, ISIS hai chu ‘hremhmun uichal’ an nih tiin Owaisi chun a hril bawk.
Facebook jokes an nupui leiin kap hliem
RANCHI: Zani hmasa zan khan pasal kum 20 vel mi Rajesh chun Pandra Out Post bul laia lampui sira bu a fak laiin Facebook a jokes (fiemthu) a dawng nasa taka an nuipui/an nui leiin a bula inthungpa chun ama an nuisan sawna lungsenin silaiin a phing takah a kap a, na taka a hliem leiin Rajendra Institute of Medical Science ah admit le enkawl a nih. Mi kap hliemtu hi Police han Arms Act hnuoia case an siem khum a, man tumin an zawng mek.
Drugsa sumdawngtu ralthuom leh man
GUWAHATI: Inruithei (drugs) a sumdawngtu Md. Ilahi Sheikh (60) chu zanikhan Police han Dibrugarha Tipam Lalpahar hmunah an man a, a kuta inthawk Brown suger grams 18, 7.65 Pistol 1 le magazine, a mu 5, night vision 1 an mansa bawk. Drugsa sumdawngnaa inrawl vea intum a nuhmei Asu Begum ruok chu man a la ninaw a, zawng mek a nih.
ZNP in BJP an thlawpna an hnukdawk
AIZAWL: Zoram Nationalist Party (ZNP) chun Lok Sabha le AMC election haia an lo thangruolpui tah BJP an thlawpna an inhnukdawk ta thu an puong. BJP chu thaw tlangpui inhawi an ti a, India ram hmasawnna dinga an hmalakna lem chu inpakum an ti thu ZNP chun an hril a, sienkhawm kum 2 chuong met rorelna an chel sung hin agenda inthup (hidden agenda) Hindutva an changchawi nasa tuol tuol bakah Bawng that khapna le Biekin suosam a hluor pei leia BJP an inthlawppuina hi an hnukkir niin an hril.
MPah ruosur leia sietna tlungah mi 11 an thi tah
BHOPAL: Madhya Pradesh a chun tulai ruo nasa taka a sur leiin hmun tam takah tui a lien a, ni 3 liemta sung khan tuilien leiin mi 11 in thina an tuok tah. Hmun inhnuoina hmuna cheng hai chu hmun himna tieng an insawndawk tawl. Maharashtra Chief Minister Mr Chouhan chun tuilien lei hin vawisuna a programme ding a kansel bakah a minister hai chu an biel chita tuilien ngirhmun tha taka enkai a, sawmdawlna sin thaw dingin an hriettir. NDRF, Police le security forces han sansuokna le sawmdawlna sin an thaw mek.
VAWISUN THUPUI
Thil thanaw thawtuhai leiin insunklungngai nuom naw la, Felnawtaka thawtuhai chu inhnar bawk naw rawh. Hlohna angin atthlukin um vak an ta, Hna hring angin an vuoi ding a ni sih a. Sam 37:12
Editorial: Ei umdan hi
Zohnathlakhai hin ei ram hi inhawi ei ti a. Sietni le thatni haiah ei inlawmpuiin ei intuorpui a. A rethei tamlem inlakhawm rethei fal taluo bik le kutdaw hiel ngai em ei um naw a. Ei Pathien biekah chiengah ei inngai a; beiseina tam tak ei nei pha a, hi hnuoia hin rinum tuor inlakhawm, vanah chatuona hlim le lawm taka leng dingin ei inring a. Ei thla a muong a nih. Bankah sum inkhawl hner hnur le asset ropui tak tak nei er ur naw inlakhawm ei sakhuo zui le ring hin thlamuongna le lungawina iemani chen chu a mi pek niin an lang. Hi ngirhmun hi a hadam thlak angreng khawp el. Hi bak hi khawvelah a um chuong naw ie, ei ti a ni chun a huntawk hrim a nih. Mi ram, mi hnam hmasawnna le changkangna khawm hril tul lem naw nih.
A khingtieng panga inthawka thlir chun hi ram kilkhawr takah hin ruol inhnarna chang khawm hre phak lo khawpin ei khawnghat a chin a. Mi nau han iem an thaw ti khawm hre lovin ei lo indu tawk ve em em a. Ei chapo em em a. Ei incheina an sang ang huin ei rethei em em a. A che thei deu han in le lo inhawi le changkang ve tak an indin a, inlirthei einei ve sup sup a. Biekinah ei inkhawm a. Inlang thei chin chauva thatna le mawina ei zawng a. Thenum khawvenghai leh ei inlengpaw a, ei um vel mei mei a nih. Ei nghei bik chuong lem nawh.
Zohnathlakhai hi thil indiklo le tha lo nia ei hriet khawm a hrilna hmun ding le a hril ding huna hril suok lova chier lungawi mei mei hlak ei nih. Damdawia ei inenkawlna kawnga mani, dawra thil ei inchawkna mani; sawrkara ei service thila mani, khuo le tui ei nina anga ei chanvo ding ei chang phak nawna chunga mani, thil suol le thil indiklo mani chungchang haia khawm umzie neia thil thaw hi ei hau naw hle. Sawisel ding hun le sawiselna ding hmun haiah sawisel ngam bar lovin ralkanga inthawk ei chier inhruoi a, a hrie ding tak han anhriet ve ngai si naw leiin kawk a nei ngai nawh. Ei chantawk chu chier lungawi a ni el hlak.
Ei indikna dam le ei chanvo dinghai ei hmu theina dingin hmalatu ding le namnul ei ni changa ei thangkona ding sawrkarin District Forum dam, State Commission dam, National Commission chenin a min din pek a. Chuong khawm chun hiengang Committee, Forum le Commission hai kuomah sawisel le report nachang hrie hi ei la tlawm khawp el. Mi han a reoprtna ding le a sawiselna ding hmun haiah an intlun ngam leiin sawmdawlna dam, thangpuina dam, zangnadawmna dam an hmu pha hlak. Ei ni ruok chu a chier zawngin thil ei thaw a, chier dawk ei nei ngai nawh. Hiengang ku hi ei um dan a nih. Ei um dan hi an dik am, a tha am ti hi ei ngaituo chet chet a tul hle. Zohnathlakhai um dan hi thlakthleng a hun ta a nih.
Mipui khawmin indiklo taka thil thaw a nih ti hrie siin thuneituhai kuoma report ei tum chuong nawh. Ei Bible in ‘i venghai hek naw’ ti thu a mi hril hi ei zawm indik hlur a, Bible a zui ding le zawm dinga tha thil tam tak hai hlak chu ei zuiin ei awi tawl bawk si nawh. Ei Pathien thu awi dan hi a chang chun an dik naw mani aw ti thei hielin a um hlak. Petrol le Diesel mipuiin Oil Pump haiah lak le inchawk ding ei hmu naw chang khawmin Oil Pump bul elah black a zawr le inchawk thei ding a um hlak. Mipui han thuneituhai kuomah ei sawisel chuong nawh. A ni ding hrimah ei ngai el.
Indiklo taka thil thawtu le zawrtuhai chu Police khawmin an man chuong naw a, sawrkar khawmin a ngaisak chuong nawh. Mipui um dan indik sienla chu sawrkarah sawiselna siem an ta, sawrkarin a ngaisak naw a ni chun nuorna le helna hai chen siem an ta, sawrkar ngaisak a hung ni ding a nih. Amiruokchu, mipuiin an ngen si naw a, an che si naw leiin thil indiklo le suol chu zalen le inlang takin a fe el a nih. Ei um dan hi an dik naw a, a tha nawh ti hrie a, ei harsuok chu a hun ta a nih.
CCPUR: Churachandpur Policea inthawk ei thu dawngnain a hril danin July 5, 2016 zantieng 2:30PM khan Mr Pauminlun Hangluah (19) s/o H. Ginlal of New Zouveng chun K. Lhangjawl khaw mi, School tin in pana fe mek nuhmei naupang kum 14 mi chu Khawpuibung le K. Lhangjaw khaw inkarah thawluina hmangin suollui a tum bakah that tumin a bei a. Sienkhawm K. Lhangjol khawmi pahni han nuhmei naupang hi an sansuok niin a hril.
HI thil tlung thu hi July 8, 2016, 12:30PM khan Police Stationah report pek a ni a, hi le inzawm hin CCPur Police chun nuhmei suollui tuma intum Pauminlian Hangluah hi an man a, zanikhan Chief Judicial Magistrate (CJM), CCPur hmaah an inlangtir. Court chun July 11, 2016 chen Police Custodya la um phawt dingin a chungthu a rel. Hi thua hin Police chun FIR No.l 3 (7) 2016 WPSCCP U/s 307/354/511 IPC an registered.
Nuhmei naupang kum 6 mi Activa in a baw hliem; ngaisak lova tlansiet san a nih
CCPUR: July 8, 2016 khan Ms Nengmuanching (6) d/o Lalrochan Hmar of Zion Veng, Tuibuong CCPur chu Sumkong Kaimun, Tuibuong bazar, Tiddim Roadah Activa in a baw a, a hliem inrik leiin Tuibuong Area Youth Club (TAYC) le naupang sung han District Hospital Casualty Ward an panpui a. Sienkhawm a hliem inrik leiin doctor han Imphal tieng panpui dinga thurawn an pek angin zani zantieng khan Imphal panpui a nih.
Naupang baw hliemtu Activa hi a var (white color) niin Lamka tieng pana hung tlan, mi pahni inphur an ni a, an naupang baw hi ngaisak lovin an tlan thleng pei a nih. Hi thua hin TAYC chun thusuok siemin mi baw hliemtu motor hi mita hmutu an um a, darkar 24 sunga an kuta inpe dingin an inhriettir.
Naupang hi a kut changtieng le ke changtieng haiah hliemna a suok bakah a nakawrah thisen a suok a, a luah hliemna a tuok bawk a nih. Naupang hi khuo hre lovin a um a, a ngirhmun a thanaw hle niin ei thu dawngna chun a hril.
DTO in Revenue Rs.7,92,886 an hmu
CCPUR: District Transport Office (DTO), CCPur chun June, 2016 thla sung khan Revenue Rs. Rs.7,92,886/ an hmu a, AprilJune, 2016 inkar sunga Revenue an hmusuok chu Rs. 19,14,219/ a tling phak.
Chun June, 2016 khan DTO CCPur chun motor 127 an registered a, hi lai hin Truck 19, Car 13, Jeep 4, Auto Rickshaw 5, Two wheeler 86 a thang. AprilJune, 2016 inkar sunga DTO CCPur inmotor an registered chu a rengin 345 a tling phak a, hi lai hin Truck 29, Van 7, Car 36, Jeep 8, Auto Rickshaw 17, Twowheelers 247 le others 1 a thang.
Pasal pakhat ama le ama an kap hlum
CCPUR: Mr Wazir Khan (18) s/o Sikander Khan of Kwakta Ward No. 4 chu zani zingkar 9AM vel khan an chengnainah ama le ama silaiin an kap a, a sung han inrang takin District Hospital, CCPur an hung panpui a, sienkhawm Hospital tlungpui a ni hmain lamlakah a thi. A ruong hi District Hospital Morgueah sie a ni a, hi thil tlungna hmun hi Moirang Police station huom sung a ni leiin Moirang Police hai buoipui dinga sie a nih. Hi thu ei sut chena hin Wazir Khan ruong hi District Hospital, CCPur Morguea inthawk phurdawk a la ni nawh.
Mobile hai kawlthat pek
CCPUR: JACATB inrawinaa zanita Hiangtam Lamka YPA GHQ Hallah Consultative meetinga thang hai chu hun dang ang ni lovin volunteers han an mobile phone hai la peka token no. pein meeting sung po an mobile hai an kawl pek.
Thingkak an phun
CCPUR: Hiangtam Nuihchiam WhatsApp group chun G. Thangkhosuanmung, Chief of Hiangtam Lamka le EM, ADCC le thangruolin an khawsung lampui sirtuokah thingkak 300 an phun.
Essay writing Competition
CCPUR: National Legal Services Authority, New Delhi le Manipur State Legal Services Authority inhriettir angin CCPur Dist. Legal Services Authority chun July 10, 2016, 1:00 PM a inthawk 3:00PM inkar sung khin Lalpuitlhluaii Foundation School, Bungmual, CCPurah ‘Essay Writing Competition’ buotsai an tih. Competition hi Categroy I le II a the a ni a, categoryI ah Class VIIIX inkar han Fundamental Rights and Duties of Citizen ti thupui hmangin words 500 le Category II ah Class XXII inkar han “Fundamental Rights and Duties of Citizen ti thupui hmangin words 700 chen Essay ziek inelna nei an tih. 1st in lawmman Rs. 2500/, 2nd Rs. 2000/, 3rd Rs.1500/, le category pahni haia mi 10 ve ve consolation prize Rs. 500 le Rs. 700 seng pek ning an tih.
PwDs hai ta dingin aids& appliances
CCPUR: Persons with Disabilities (PwDs) hai ta ta dingin ALIMCO, Kanpur a inthawk aids & appliances hieng Wheelchair, Rotator, Walking sticks, smart white cane le hearing aids hai PASS Office, CCPur a hungtlung thar. Hiengang hmangruo mamaw PwDs hai chun passport size thlaka copy 2, Disability Certificate, le document tul dang dang hai chawia hnina peklut thei hing a tih. Thu chieng lem 708529609 le 8732846033 haiah kan thei ni bawk a tih.
Bill thar siem ding chungchangah All Political Party meeting nei a nih
IMPHAL: Zanikhan CM O.Ibobi Singh inrawinain Chief Minister’s Secretariat, Imphalah Bill thar siemna ding chungthuah All Political party meeting nei a nih. Bill buoium takel “The Protection of Manipur Peoples Bill, 2015” thlaktu ding Bill thar siemna ding thua an ngaidan le dit dan hai hi huna hin an hriltlang. Bill thar siem dinga riruonga um hming chu “The Protection of Local Peoples of Manipur Bill, 2016” a ni a, a hmaa base year 1951 dinga siem chu Bill thar dinga riruonga hin base year hi January, 1972 a ni ding thu hi meeting hin an hrillang sa.
CM le Bill Drafting Committee Chairman O.Ibobi Singh chun, Bill thar riruonga um hi Manipur Assembly Monsoon Session hung um dinga phar a ni ding thu, Assembly a phar a ni hmain siemthat tulhai siem thatu dingin Constitutional experthai ruoi le rawn anni ding thu, draft Bill hi Assembly Session a putlut a ni hmain JCILPS le Joint Action Committee Against AntiTribal Bill (JACATB) hai hriltlang, enfel le senawi dinga peksuok a ni ding thu hai a hril. Chun, hi Bill thar le inzawma hril nuomnei pawl tum tum hai le khawm hriltlang ni bawk a tih tiin O.Ibobi Singh chun a hril.
Hieng laizing hin JACATB inrawinain zanikhan YPA General Headquarters Hall, Hiangtam Lamka hmuna Public Consultation meeting nei a nih. Manipur sawrkarin Bills thar siem a tum hi tribal martyrhai suosalna a ni a, Tribalhai ram, rights le identity humhimna dinga hmalakna hi JAC hmalaknain sunzawm pei dingin hi meeting chun tha an tih.
Chun, Joint Action Committee Against AntiTibal Bills, Manipur Tribals Forum Delhi le Outer Manipur Tribals Forum hmalakna chu lawmum an ti a, thlawp pei ding le June 21, 2016 a Tribal Youth Council, Manipur le All Tribal Lawyer’s Forum, Manipur han Tribal Research Institute a meeting an nein huna resolutions an passedhai bakah June 18, 2016 a Christian Goodwill Council in “Appeal to Churches” ti an siem chu Public Consultation meeting hin tha tia thlawpin an namnghet.
Tribal Youth Council, Manipur le All Tribal Lawyers Forum, Manipur hai resolution pasihai lai June 20 chu Hill Peoples Day a hmang ding ti le tribal MLAs, antiTribal tia puonghai Assembly Election, 2017 ah tribal han vote lo ding tihai a thangsa. Chun, Christian Goodwill Council in appeal an siem chu kum 2017 a Manipur Assembly Election zalen le thienghlim taka nei a ni theina dinga Pathien kuomah tawngtaia hni ding ti a nih.
Tipaimukh biel Devpt. sin thaw thlirkirna nei
IMPHAL: July 9, 2016 khan Tipaimukh A/C MLA Pu Dr Chaltonlien Amo hai nupa fielna angin MLA workers le fielbiek mi thahnem tak MLA Quarter No.2/TypeVII (CP), Lamphel, Imphalah an fekhawm. Hi huna hin Dr Amo chun kum 4 liemta sunga Tipaimukh biela sin thawna le hmalakna hai fekhawm hai hmaa a hrila, hmatienga hmalak pei dan ding hai an hriltlang. Hi huna hin Pu Lalhossan, Vice Chairman, ADCC, MDCs, Doctors, Pastors, Chief le party leaders hai bakah Pu Clay Khongsai, IGP khawmin a uop ve. Inpawltlangna an nei zoin zantieng hlim taka ruoi kiltlang a nih tiin Alfred Lalremthang Pudaite chun ei chanchinbu palai a hril.
State hran ngennaah thangruol ding
GUWAHATI: National Federation of New States (NFNS) thlawpnain Bodos, Karbis, Kokborok le Kukis hai chun State hran an ngenna nasa nawk zuola sukhrat le thangruol dingin an remti tlang. State hran ngenna um mekhai lai Bodoland, Vidarbha, Karbi Anglong, Bundelkhand, Gorkhaland, Kukiland le Tripuraland hai a thangsa. State hran ngennain August 15, 2016 khin Guwahatiah mass rally le September 1, 2016 a inthawk hun tiemchin um lova bu ngheia nuorna nei tan an tum thu hieng state hran ngen pawlhai thusuok chun a hril.
Bravery award dawngtu dingin Capt. Radhika
NEW DELHI: Captain Radhika Menon chu Award for Exceptional Bravery at Sea for 2016 dawngtu dinga thlang a ni a, khawvela nuhmei hi award dawngtu hmasatak ding a nih. Award hi International Maritime Organisation (IMO) in an hlan ding a ni a, November 21, 2016 khin Londona IMO headquartersah inhlan a tih. Nikum June thlaa Bay of Bengala an lawng siet leia intang Ngamantu mi 7 hai hringna a sanhim leia hi award dawngtu dinga thlang a nih.
IMO in kum tina Award hi a pek hlak a nih. Captain Menon hi India sawrkarin a recommended a ni a, Panel of Judges in tha taka an enfel hnungah hi award dawng tlaka an ngai leia Award dawngtu dinga an hung thlang a nih.
Sawrkar thlungpuiin Cyber Cell indin a tum
NEW DELHI: Sawrkar thlungpui chun internet social media hai hmanga nuhmei le naupang hai vauna le inthina um rawp hlak enkaitu dingin Cyber Cell indin a tum tiin Women and Child Development minister Ms Maneka Gandhi chun zani hmasaa New Delhia Chanchinbumihai an hmupui huna a hril. Nuhmei tam taka inthawk complaint um leia a ministry chun Cyber Cell indin dinga thutlukna a hung siem a nih tiin a hril a, hi Cell chun sawiselna an hmu hai suizuiin a enkai ding a nih tiin Ms Maneka Gandhi chun a hril.
Kerala thalai 15 an inhmang, IS an zawm ringhla
THIRUVANANTHAPURAM: Keralaa Kasaragod le Palakkad district haia inthawk thalai mi 15 Middle East a inzin hai chu thlakhat liemtaa inthawk khan an umna chin hriet lovin an um a, an sunglekuo hai chun Islamic State (IS) terrorist hai an zawm ni dinga an ringhla thu an hril. Hi thua hin Kerala Chief Minister Pinarayi Vijayan chun Police hai chu inrang taka suizui dingin an hriettir niin Kasaragod MP P. Karunakaran chun a hril.
Hieng thalai mi 15 hai hi sakhuona tiengpang inchuk dinga Middle East a inzin an ni a, Eid hmang huna khan sungkuo pahni hai chun Whatsapp message an dawng a, chu taka chun ‘in kan hung kir tanaw ding” ti an ziek bakah US in Muslim hai a beina dolet dingin IS an zawm niin an ziek bawk. An chanchin hriet ta lova inhmang hai lai hin Dr Ijas le a nuhmei (dentist) hai khawm an thangsa.
Kashmira inbeituonaah mi 10 an thi; mi 200 chuong an hliem
JAMMU: Sawrkarin luman Rs. 10 lakh neia a lo puong Hizbul Mujahidin Commander Burhan Wani (21) le a rawihai mi pahni chu zani hmasa zantieng khan South Kashmira Anant Nag districtah security forces han an kap hlumna le inzawma zanita mipui le security forces hai inbeituonaah mi 10 an thi bakah Security personnel 96 thangin mi 200 chuongin hliemna an tuok a, Police 3 hai chu an raltuom hai leh an umna chin hriet lovin an inhmang mek tiin senior officer SM Sahai chun zanita Srinagar hmuna press conferenceah a hril.
Kashmir a chun boruok a sosang hle a, Srinagar thangsain Curfew zam a ni bakah Amarnath yatra fe mek khawm sukchawl a nih. Kashmir pumpuiah Mobile internet service that vawng a ni bakah south kashmir a chun mobile service khawm that hmak a nih.
Mipui pungkhawm hai chun buildings 5 le motor iemanizat an raw a, nundan pangngai nasa takin a sukbuoi. Buoina suok lei hin July 10, 2016 nia Srinagar hmuna UGCNET exam nei dinga ti chu CBSE in la thul hri a ni thu a puong. Hieng laizing hin Burhan ruong chu zanikhan a chengna khuo Tral hmuna vuiliem a nih.
Boruok sosang lei hin sawrkar thlungpui chun Law & Order ngirhmun enkawlpuitu dingin CRPF companies 6 zet Kashmirah a tirlut.
UP Minister Jaila thun
SANTKABIRNAGAR: Uttar Pradesha minister Laxmikant @ Pappu Nishad chu kum 2006a nuhmei pakhat vuokna le inzawmin zanikhan Court hmaah inlangtir a ni a. Chief Judicial Magistrate Sanjay Kumar Gaur chun Nishad in bail a ngenna a hnawlpek bakah ni 14 sung Judicial Custody (jail) a um phawt dinga a rel leiin jaila thun a nih.
AIMIM Chief in Terrorist hai a sawisel
HYDERABAD: All India MajliseIttehadul Muslim (AIMIM) Chief le Hyderabad Muslim politician Asaduddin Owaisi chun Islamic State hai chu Islam ideologies sukhmelhemtu an nih tiin an tum a, Jihad in dit tak tak a ni chun ralthuom hmang lovin, pasie hai fak ding pe inla, hmasawnna sin thaw ro, chu chu jihad indik tak a nih tiin a hril. Tulai hnaia Saudi khawpui Media hmuna Mosque bula bomb puokna le inzawma hi thu hi Asaduddin Owaisi chun a hril. Islam chu thipui ding ni lovin dampui ding a ni lem tiin a hril a, ISIS hai chu ‘hremhmun uichal’ an nih tiin Owaisi chun a hril bawk.
Facebook jokes an nupui leiin kap hliem
RANCHI: Zani hmasa zan khan pasal kum 20 vel mi Rajesh chun Pandra Out Post bul laia lampui sira bu a fak laiin Facebook a jokes (fiemthu) a dawng nasa taka an nuipui/an nui leiin a bula inthungpa chun ama an nuisan sawna lungsenin silaiin a phing takah a kap a, na taka a hliem leiin Rajendra Institute of Medical Science ah admit le enkawl a nih. Mi kap hliemtu hi Police han Arms Act hnuoia case an siem khum a, man tumin an zawng mek.
Drugsa sumdawngtu ralthuom leh man
GUWAHATI: Inruithei (drugs) a sumdawngtu Md. Ilahi Sheikh (60) chu zanikhan Police han Dibrugarha Tipam Lalpahar hmunah an man a, a kuta inthawk Brown suger grams 18, 7.65 Pistol 1 le magazine, a mu 5, night vision 1 an mansa bawk. Drugsa sumdawngnaa inrawl vea intum a nuhmei Asu Begum ruok chu man a la ninaw a, zawng mek a nih.
ZNP in BJP an thlawpna an hnukdawk
AIZAWL: Zoram Nationalist Party (ZNP) chun Lok Sabha le AMC election haia an lo thangruolpui tah BJP an thlawpna an inhnukdawk ta thu an puong. BJP chu thaw tlangpui inhawi an ti a, India ram hmasawnna dinga an hmalakna lem chu inpakum an ti thu ZNP chun an hril a, sienkhawm kum 2 chuong met rorelna an chel sung hin agenda inthup (hidden agenda) Hindutva an changchawi nasa tuol tuol bakah Bawng that khapna le Biekin suosam a hluor pei leia BJP an inthlawppuina hi an hnukkir niin an hril.
MPah ruosur leia sietna tlungah mi 11 an thi tah
BHOPAL: Madhya Pradesh a chun tulai ruo nasa taka a sur leiin hmun tam takah tui a lien a, ni 3 liemta sung khan tuilien leiin mi 11 in thina an tuok tah. Hmun inhnuoina hmuna cheng hai chu hmun himna tieng an insawndawk tawl. Maharashtra Chief Minister Mr Chouhan chun tuilien lei hin vawisuna a programme ding a kansel bakah a minister hai chu an biel chita tuilien ngirhmun tha taka enkai a, sawmdawlna sin thaw dingin an hriettir. NDRF, Police le security forces han sansuokna le sawmdawlna sin an thaw mek.
VAWISUN THUPUI
Thil thanaw thawtuhai leiin insunklungngai nuom naw la, Felnawtaka thawtuhai chu inhnar bawk naw rawh. Hlohna angin atthlukin um vak an ta, Hna hring angin an vuoi ding a ni sih a. Sam 37:12
Editorial: Ei umdan hi
Zohnathlakhai hin ei ram hi inhawi ei ti a. Sietni le thatni haiah ei inlawmpuiin ei intuorpui a. A rethei tamlem inlakhawm rethei fal taluo bik le kutdaw hiel ngai em ei um naw a. Ei Pathien biekah chiengah ei inngai a; beiseina tam tak ei nei pha a, hi hnuoia hin rinum tuor inlakhawm, vanah chatuona hlim le lawm taka leng dingin ei inring a. Ei thla a muong a nih. Bankah sum inkhawl hner hnur le asset ropui tak tak nei er ur naw inlakhawm ei sakhuo zui le ring hin thlamuongna le lungawina iemani chen chu a mi pek niin an lang. Hi ngirhmun hi a hadam thlak angreng khawp el. Hi bak hi khawvelah a um chuong naw ie, ei ti a ni chun a huntawk hrim a nih. Mi ram, mi hnam hmasawnna le changkangna khawm hril tul lem naw nih.
A khingtieng panga inthawka thlir chun hi ram kilkhawr takah hin ruol inhnarna chang khawm hre phak lo khawpin ei khawnghat a chin a. Mi nau han iem an thaw ti khawm hre lovin ei lo indu tawk ve em em a. Ei chapo em em a. Ei incheina an sang ang huin ei rethei em em a. A che thei deu han in le lo inhawi le changkang ve tak an indin a, inlirthei einei ve sup sup a. Biekinah ei inkhawm a. Inlang thei chin chauva thatna le mawina ei zawng a. Thenum khawvenghai leh ei inlengpaw a, ei um vel mei mei a nih. Ei nghei bik chuong lem nawh.
Zohnathlakhai hi thil indiklo le tha lo nia ei hriet khawm a hrilna hmun ding le a hril ding huna hril suok lova chier lungawi mei mei hlak ei nih. Damdawia ei inenkawlna kawnga mani, dawra thil ei inchawkna mani; sawrkara ei service thila mani, khuo le tui ei nina anga ei chanvo ding ei chang phak nawna chunga mani, thil suol le thil indiklo mani chungchang haia khawm umzie neia thil thaw hi ei hau naw hle. Sawisel ding hun le sawiselna ding hmun haiah sawisel ngam bar lovin ralkanga inthawk ei chier inhruoi a, a hrie ding tak han anhriet ve ngai si naw leiin kawk a nei ngai nawh. Ei chantawk chu chier lungawi a ni el hlak.
Ei indikna dam le ei chanvo dinghai ei hmu theina dingin hmalatu ding le namnul ei ni changa ei thangkona ding sawrkarin District Forum dam, State Commission dam, National Commission chenin a min din pek a. Chuong khawm chun hiengang Committee, Forum le Commission hai kuomah sawisel le report nachang hrie hi ei la tlawm khawp el. Mi han a reoprtna ding le a sawiselna ding hmun haiah an intlun ngam leiin sawmdawlna dam, thangpuina dam, zangnadawmna dam an hmu pha hlak. Ei ni ruok chu a chier zawngin thil ei thaw a, chier dawk ei nei ngai nawh. Hiengang ku hi ei um dan a nih. Ei um dan hi an dik am, a tha am ti hi ei ngaituo chet chet a tul hle. Zohnathlakhai um dan hi thlakthleng a hun ta a nih.
Mipui khawmin indiklo taka thil thaw a nih ti hrie siin thuneituhai kuoma report ei tum chuong nawh. Ei Bible in ‘i venghai hek naw’ ti thu a mi hril hi ei zawm indik hlur a, Bible a zui ding le zawm dinga tha thil tam tak hai hlak chu ei zuiin ei awi tawl bawk si nawh. Ei Pathien thu awi dan hi a chang chun an dik naw mani aw ti thei hielin a um hlak. Petrol le Diesel mipuiin Oil Pump haiah lak le inchawk ding ei hmu naw chang khawmin Oil Pump bul elah black a zawr le inchawk thei ding a um hlak. Mipui han thuneituhai kuomah ei sawisel chuong nawh. A ni ding hrimah ei ngai el.
Indiklo taka thil thawtu le zawrtuhai chu Police khawmin an man chuong naw a, sawrkar khawmin a ngaisak chuong nawh. Mipui um dan indik sienla chu sawrkarah sawiselna siem an ta, sawrkarin a ngaisak naw a ni chun nuorna le helna hai chen siem an ta, sawrkar ngaisak a hung ni ding a nih. Amiruokchu, mipuiin an ngen si naw a, an che si naw leiin thil indiklo le suol chu zalen le inlang takin a fe el a nih. Ei um dan hi an dik naw a, a tha nawh ti hrie a, ei harsuok chu a hun ta a nih.
