Responsive Ad Slot

Election ding le inzawma HKI Thusuok

Monday, July 25, 2016

/ Published by VIRTHLI
PRESS RELEASE
(The 25th/July/2016)

Hmarram Kohran Inzawmkhawm (HKI) chun hung tlung ding 2017 ah Member of Legislative Assembly, Manipur a election hung um ding le inzawm hin - Khawlaidung a le ramtin ah HKI in Candidate tan bik an nei/nei an tum- ti a thu vuongva umzeu zeu hriet a ni leiin, hieng ang hin thusuok kan siem, “ HKI in tukhawm Candidate hai tan bik a nei nawh, chuh nek hman chun an reng hin thangpui a nuom vawng, a thangpui theina ding a; a ngaipawimaw tak chuh, Candidates in election hun a tangka/sum tam tak tak seng naw hai sien” ti hi a nih. Election hun a sum tamtak tak sengin thlangtling an ni phat leh, Tlangtling a umpa/nu in mipui/a thlangtuhai nuom angin an thangpui theinaw hi anni (MLA) khawmin pawi an tiin an beidawngna lien tak a ni rawp hlak, a tawp a mipui/a thlangtuhaiin sinthaw thalo tiin ei demzui nawk hlak. Chuleiin, Candidates dinghai le mipui tuelkhawmin ei ram siemna ding hin election hun a sum seng thak lo in a lo theinaw khawmin tlawm ti chau sengin ei aiawtu ding thlang ngei hi HKI thiltum hai laia pakhat a nive leiin, hi thu hi mipui le Candidates hai hriet dingin kan hung tarlang thar. Tlawmngai taka a tutukhawmin zawm le ngai pawimaw dingin kan hung ngen tak zet.a

Sd/-
Lalnunthang Songate
Secy.Inf.& Media
Hmarram Kohran Inzawmkhawm




Don't Miss
© all rights reserved
made with by Simon L Infimate