AIZAWL, 4th MARCH, 2016 (VIRTHLI NEWS): Vawisun khan Mizoram hmun hran hran-ah Mizo kut lientak ‘Chapchar
Kut’ chu ropuitaka hmang a nia, a lawmna runpui hi Assam Rifle Ground (Lammual),
Aizawl ah nei niin Mizoram Home
Minister Pu R. Lalzirliana chu ‘Kut Pa’ a nia. Mizoram Legislative Assembly Speaker
Pu Hiphei bakah MLA le sawrkar officer ṭhahnem tak hai an ṭhang el khelah
United Nations Facilitator, UN Human Rights Activist, Joshua Cooper khawmin a
hmangpui a nih.
Chapchar
Kut hi SHDC huom sunga Phuaibuang khuo a khawm ropui taka lawm a nia, hi taka
hin Hmar Inpui Vice President J. Lalchhanhima Hmar chu ‘Kut Pa’ a nia, President,
HSA, General Headquarters Pu L. Rothanglien Khawnbung chu ‘Khuollien’ (Chief Guest)
niin, Mizoram-a mi inlar laia zelsa
Phuaibuang khuo suok tho Pu Ngurthangvela chu ‘Khuolza um’ (Guest of Honour) ah
hmang a nih.
Hi huna
hin Kut Pa le Chief Guest le haia inthawkin thu ṭhatak tak ngai tlak a nia,
mipui han ‘Independent Hla’ hmangin inruolsiekna an nei bakah Pu Ngurthangvela
le tuolsung hlasakthiem ha’n an rawlmawihai hmangin mipui fekhawmhai an inawi.
Chapchar Kut lawmna AR Lammuala neia
hin Mizo hnam nun le hnam zierang suklangna thil chi hran hran mimal le pawl
hran hran han inentir a, Aizawl khawpui sunga YMA Branch 84 anthawkin mi 1581 h’an
Fahreltawk Lam (Cheraw kan) an inentir bawk a nih.
Chapchar Kut hi Mizoram district
headquarters (capital) tin a hai khawm lawm a nia, hi huna hin Miss Chapchar
Kut, 2016 thlang a ni bawk. Hi chanchin ei zieklai hin Chapchar Kut lawmna
runpui Aizawl a Chapchar Kut Miss chu ei la hriet hman naw a nih.
Lawngtlai Chapchar Kut Miss, 2016
Winner: Nk. MC Lalruatfeli, Chandmary
1st Runner up: Nk. Zaithansangpuii, Electric
2nd Runner up: Nk.VL Remruati Fanai,
Chandmary
