SADAR HILLS EAST (Virthli News): Khongsai Inpi Gen. Hqrs. 2016 - 2018 sunga thuoitu ding thlangna chu March 12, 2016 khan Saikho Village, Sadar Hills East, Manipur ah nei a nih. Chuonghai chu President Mr. Ch. Ajang Khongsai, Vice President Mr. Ngamkhopao, Gen. Secy. Mr. Hegin, Asst. Gen. Secy. Mr. Ramthanglien, Fin. Secy. Mr. Mangneihao, Treasurer Pi Nemchong, Custom & Culture Secy. Mr. Janglet, Info. Secy. Soikhoneh. Vice President, Manipur, Assam & Nagaland ding hai chu thlang thar a um Cabinet in a hung sukfel dingin hi huna hin an rel. Hi huna hin Manipur puotieng Nagaland, Assam, Tripura le hmun dang dang a inthawk palai an fekhawm a nih. Hi huna hin Dr. Lalkhawlien Pulamte President, Khongsai Inpi, CCPur chu Presiding Officer in a thang a. Miss Gladys Lalparzo Sanate chun hla'n mipui an awi bawk. Hi huna thupui chu "Ngai ta, unauhai inngei dieldiela um khawm hi a va thain, a va'n hawi de!" -Psalm (Sam) 133:1 ti kha a nih.
