HI President in Blessed Choir team a vailiem
CCPUR: Myanmar rama rawngbawlna nei ding Blessed Choir team chu zani zingkar 6:30AM khan Pastor Laltholien in tawngtaina a neipek zoin Pu Joseph Lalrothang, President, Hmar Inpui GHQ in a vailiem. Tour an nei sunga Speaker ding chu Pastor C. Lalrosanga ning a tih. Tour an nei sung harsatna nei loa tluong taka rawngbawlna an nei theina dingin Immanuel Darngawn, Secy. Blessed Choir chun tawngtainaa san dingin ngenna a siem.
Blessed Choir team hi March 30, 2016 –April 3, 2016 inkar sungin Kohran Inzawmkhawm hai huoihawtnaa Presbyterian Biekina Crusadeah rawngbawlna nei an ta, April 46, 2016 inkar sungin Zohmun Hallah Khawtlang Kohran inzawmkhawm hai huoihawt Crusadeah thang an ta, an hung kir tieng April 7, 2016 khin Moreh ICI Biekinah rawngbawlna nei an tih. (Input by: Darngawn computer)
Career Guidance prog. an hmang
CCPUR: Zani 1:30PM khan Rayburn College, NYK/CCPur le Eimi Coaching Institute hai thangruola huoihawtnain Rayburn College 6th Semester Student hai ta dingin Rayburn Collegeah Career Guidance prog. hmang a nih. Hi huna hin Chief Guest in Prof. N. Mohendro Singh, Academic Adviser, Rayburn College a thang a, program a hawng. Guest of honor in Ricky Vanlallawm, Principal, CCPur College a thang a, Eimi Coaching Institute a hawng.
Chief Guest chun, mihriem pangngai ei ni chun hringnun hi nuom chenna mei meia hmangliem ding a ninaw a, lekha inchuk le sin hmu zo hnunga enjoy chau ding a nih. Mani intodelna dinga sin nei tum ding, student hai khawm pass na ding chau ni lova tum bik neia lekha inchuk ding a nih. Hlawtlingna ding hin lekha tiem ringawt a ninaw a, discipline nei le competitive mind nei hai chau an hlawtling hlak a nih; lekha chau ni loin tulai khawvel technology le inmila ei intathriem a tul tiin a hril.
Prepaid meter box 6400 vel Activate a ni tah
CCPUR: Manipur State Power Distribution Corporation (MSPDC) Ltd., CCPur Division chun tulai hin Churachandpur khawpui sunga hmun tum tum haiah Prepaid Electric connection thawna ding Electric hrui an keizam mek a. New Lamka a inthawk CCPur Police Station inkarah Prepaid meter Box 7300 vel activate el thei dingin an inbuk zo ta a, hi laia 6400 vel chu activate a nitah.
UZO 60th Annual Assembly
CCPUR: March 31, 2016, 10:30AM a inthawk khin Zogal Memorial Hall Complex, Zovengah “Dihtatna in Nam a tawisang” ti thupui hmangin United Zou Organisation (UZO) GHQ 60th Annual AssemblycumDiamond Jubilee hmang ning a tih. Hi huna hin UZO President Chinlunthang in Diamond Jubilee lungdaw hawngna le UZO Flag keipharna nei a ta, Rev. Tualzachin, Sr. Exe. Secy. ZPCS in tawngtainain inhlan a ta, Rev Thangginmuanlian, Exe. Director, ZCBC in tawngtainain hun hawng a tih.
Mr Gouzalal Tungnung, Vice President, UZO GHQ in Assembly Speaker ngirhmun hluoin inkhawm keithuoi a ta, thuoitu hlui lo thi ta hai sunna le business session nei ning a tih.
Nuhmei suollui rawptua intum mipuiin an chil hlum
CCPUR: Nuhmei dang dang iemanizat silai leh chuktuoa an thu le hla lova suollui hlaktua intum Mr Lalkhumlien (28) s/o Songkhogin Gangte of Lailong Village, Henglep SubDivision, tuta Kamdouvenga um mek chu zanikhan Muolvaiphei mipuiin an man a, mipui lungsen insumzolo han zani zantieng dar 6 vel khan an chil hlum niin ei thu dawngna chun a hril. A ruong hi zani zan khan Police han va lain District Hospital morgueah an sie.
Ei thu dawngnain a hril danin, thla iemanichen liemtaa inthawk khan Muolvaiphei thlanmuol thar ram laia nunghak le tlangval leng thawveng, a fal deu hleka um hai silai leh chuktuoin a tlangval/pasal hai silaia tinin an tlanhmang tir hnungah an nunghak thuoi hai a suollui hlak nia a hril a nih. Hi thua hin suolluia um nunghak thenkhat chun hrildawk ngam loin an ip a, sienkhawm thenkhatin an hrilsuok leia thla iemanizat zet volunteer insiema an duty hnungin zanikhan nuhmei pakhat thawluina hmanga suollui nawk a tum a, chu huna volunteer hai hin an man niin ei thu dawngna chun a hril.
A ruong hi Morgueah sie phawt a ni a, khawtlang thuoitu han hnam thuoituhai leh Lal ina inbiekrawnna an nei a, hi thu ei sut chena hin iengangin am hma an lak pei ti le iengangin am hi chungthu hi rel a nia ti hriet theina ei la nei hri nawh.
MPCC President thar dingin T.N. Haokip ruot a nih
IMPHAL: All India Congress Committee (AICC) Presieent Sonia Gandhi chun zanikhan Saikawt Assembly Constituency a inthawk Cognress (I) ticketa thlangtling T.N. Haokip chu Manipur Pradesh Congress Committee (MPCC) President thar dingin a hung ruot niin ei thu dawngna chun a hril. MPCC President sin hi Manipur Deputy Chief Minister ni bawk Gaikhangam in hun sawt taka inthawka a lo chelsa a nih. T.N. Haokip hin Gaikhangam thlakthelng a ta, MPCC President sin a chel vat nghal ta ding niin Congress party thusuok chun a hril. T.N. Haokip hin tuta hma khan Manipur Assembly Speaker le Cabinet minister sin hai chelin chanvo (portfolio) hran hran a lo chel ta hlak a nih.
Tuta hma deu khan Manipur Congress MLA lungawilo pawl (dissident group) mi 25 hai chu New Delhiah an zun camp a, hi huna hin AICC President Sonia Gandhi le AICC Vice President Rahul Gandhi hai an zun hmupui a; an party in ‘one man one post’ tia dan an nei angin Gaikhangam chu Minister a ninaa inthawk ban annawleh MPCC President a ninaa inthawka ban ding le Manipura Congress ministry chu sawidanglam (major reshuffle) thaw dingin an zu ngen a nih. Hi ngenna dungzuia hi T.N. Haokip hi MPCC President thar dinga hung ruot nia hril a nih. Congress MLAs nuor pawl hin CM O.Ibobi Singh thlakthleng dingin an ngen naw a, ministers mani sin hne lo hai chu bana minister chanvo la chel lo hai minister chanvo pe dingin an zu ngen nia hril a nih. Hi thu le inzawm hin CM O.Ibobi Singh le Dy. CM Gaikhangam hai chu Congress HIgh Command ko angin tulai hnai el khan vawihni lai zet New Delhiah an zun zin a, Sonia Gandhi leh an zun hmu ta a nih. Ministry sawisanglam a ni ding le ding naw ruok chu hrietna ei nei hri nawh. Dissident MLAhai chun an thil ngen sukpuitling pek an ninaw chun an party suoksanin BJP an zawm el thei thu Sonia Gandhi le Rahul Gandhi kuomah an lo zun tlun nia hril a nih.
Kum 2012 a Manipur Assembly election a khan seats 60 umah Congress party in seats 42 an lak a, April 3, 2014 a Manipur State Congress Party (MSCP) MLAs 5 han Congress party an zawm leiin MLAs 47 an hung tling ta a nih. Manipur Assembly Election nawk hi February, 2017 vela nei ni dinga beisei a nih.
A unaupan a kap hlum
IMPHAL: Zani zingkar khan Laishram Chaoba alias Birjit, S/o Dr Laishram Ranbir Singh chun a unaupa Laishram Naoba (26) s/o L. Gobin of Kwakeithel Moirang Purel Laishram Leikai chu Mongsangei hmuna a kap hlum hnungin Kakwa Police Station ah an pelut. Laishram Chaoba alias Birjit hi Manipur Police Department hnuoia SubInspector sin thaw lai a nih. Iengleia a unaupa hi a kap hlum el am ti hriet a ni nawh.
Sangai umzat hriet tuma tiem tan
IMPHAL: Keibul Lamjao National Parka Sangai umzat hriet a ni theina dingin zanita inthawk khan Forest Department, People for Animal,Wild Life Institute of India le environmentalists team han tiemna sin an tan. Sangai tiemna sin hi March 31, 2016 le April 2, 2016 haia khawm nei zawm pei la ning a tih.
Sharmila Court hmaah
IMPHAL: Zani sun dar 12 khan Irom Sharmila Chanu chu Patiala House Court, New Delhiah an lang. Sharmila hi vawisun 12:30PM hin Court hmaah inlang nawk a tih. October, 2006 a Jantar Mantar, New Delhia AFSPA hlip dinga ngennaa bungheia nuorna a nei leia case nei a nih.
Indopui pahnina hun laia bomb hmu
IMPHAL: March 28, 2016 khan Imphala inthawk km. 30 vela hla Motbung, Senapati District hmuna Indopui pahnina hun laia mi M3 Lee Tank mu (bomb) le US M2 60mm bomb hmu a nih. Sapermeina Police stationah report pek a ni hnungin Police han bomb hai hi an va lak. Hieng bomb hai hi kum 1944 laia Indopui pahnina huna Allied Fores le Japanese Army hai an inbeituo huna hmang ni dinga ring a nih.
Uttarakhand HC in Harish Rawat March 31 in majority a command le command naw Assembly-a inentir dingin an hriettir
DEHRADUN: Uttarakhanda Congress MLA 9 hel leia politics thila buoina um leia President Rule puong a ni hnungin Uttarakhand High Court chun Mr Harish Rawat chu March 31, 2016 nia Assembly hmuna majority a command le commandnaw inentir dingin zanikhan an hriettir.
Congress MLA 9 hel hai hin BJP an bel leiin Speaker in a disqualify an ni a. Sienkhawm High Court chun floor testa hin suspendeda um Congress MLA hai khawm hi an thang a phal pek. Floor test hi March 31, 2016, 11 AM a nei ning a ta, hi huna hin Uttarakhand High Courta Registrar General chu Observer in thang a tih.
Sawrkar thlungpuiin Uttarakhand President Rule a puong choleta Mr Harish Rawat in High Courta petition a pek (zuolko) na le inzawma hearing zanita nei huna Mr Harish Rawat hi Assemblya majority a command le command naw inentir dinga High Court in an hriettir a nih.
Appropriation Bill le inzawma March 18, 2016 nia Congress MLA 9 hai an hel leia Uttarakhanda Mr Harish Rawat sawrkar hi hung buoi a nih.
Hieng laizing hin Advocate ML Sharma in Uttarakhanda President Rule puong a ni le inzawma Public Interest Litigation (PIL) a file le inzawmin Supreme Court bencha Chief Justice TS Thakur le Justice R. Banumathi le UU Lalit hai chun kar thara hearing nei dingin hun a ruot.
Mr Rawat hin Assemblyah majority a la command zing thu Governor KK Paul kuoma an tlun leiin March 28, 2016 nia Assemblya majority a command le commandnaw inentir dingin an hriettir a, sienkhawm an entir hman hmain March 27, 2016 khan sawrkar thlungpui chun President Rule a puong khum a nih.
Vote lak huna hin disqualifya um Congress MLA hai chu vote an thlak phalpek an ni a, sienkhawm anni po vote hi a hrana sie a ni ding a nih. Floor test thaw huna security khau taka thaw dingin High Court chun DGP an hriettir bawk.
Mr Rawat chun, State Assembly in 201617 budgeta Appropriation Bill an passed sawrkar thlungpuiin iengkhawm lova inchangtir a tum a ni chun darkar 24 sung bungheia nuorna a nei ding thu le Bill kha parliamentary dang ang thlapa Inpuiin an passed a ni thu a hril.
Mary Kom Doctorate Degree
SHILLONG: NEHU chun zanikhan 23rd Convocation an hmang a, hi huna hin tum 5 lai Wold Boxing champion lo ni ta M.C. Mary Kom le UPSC Chairman hlui Rose Millian Bathew hai chu “The degree of Doctor of Letters’; (Honoris Causa) an hlan. Hi huna hin M.C. Mary Kom a taksain a thang thei naw a, Rose ruok chu thangin degree hi a dawng. Kum 85 zeta upa a ni tah. Hi Convocation a hin Union Human Resource Development minister Ms Smriti Irani chu khuollienin a thang.
Mehbooba in April 4ah oathtaking a nei el thei
JAMMU: PDP leader Mehbooba Mufti chun Jammu and Kashmir nuhmei Chief Minister hmasatak dingin April 4, 2016 khin oathtaking a nei el thei niin PDP thusuok chun a hril. Ms Mehbooba hin March 26, 2016 khan Governor NN Vohra inhmupuiin BJP MLAs 25 hai thlawpnain sawrkar a siem thei thu a lo inhriettir ta a nih. J&K a hin members 87 an um a, PDP in MLA 27 an nei a nih. BJP chun Nirmal Singh chu an leader dingin an lo thlang ta a, Mehbooba CM nina hnuoia sawrkar tharah Dy. CM a hung chel ding a nih.
J&K a hin PDP le BJP thangruol sawrkara CM sin chel Mufti Mohammed Sayeed January 8, 2016 nia a thi leia tuchena sawrkar thar la um thei lo le Governor Rule hnuoia um mek a nih.
Rambung 3 sir dingin PM an zin suok
NEW DELHI: Prime Minister Narendra Modi chu rambung pathum Belgium, US le Saudi Arabia hai sir dingin zani zan khan New Delhi a suoksan. PM Narendra Modi hin Belgium khawpui Brussels pan phawt a ta, vawisun hin Brussels khawpui tlung a tih. Brussels khawpuia a cham sungin Belgium ram thuoituhai an hmupui ding bakah India mi Belgium a um hai hmaah thuhrilna hun hmang bawk a tih.
Belgium zoah PM Modi hin Nuclear Security Summita thang dingin March 30, 2016 khin US pan a ta, Summit hunah nuclear security le inzawma India hmalakna report peng a ta, US a cham sungin khawvel rambung tum tuma thuoituhai inhmupui bawk a tih.
Nuclear Summit a thang zoa India ram a hung pan malamin Pu Modi hin Saudi Arabia ram hung sir malam a ta, Saudi Arabia ram thuoitu hai inhmupui bawk a tih.
ISIL in Catholic thiempu Krossah an hemde a hril
NEW DELHI/BERLIN: March 4, 2016 nia Islamic Terrorist han Yemen rama Aden Missionary Home an hlukhum huna an thuoihmang Catholic Priest (thiempu) Fr Uzhunallil (56) chu March 27, 2016a Good Friday ni khan Krossah Isu Krista angin an hemde niin ei thu dangna chun a hril. Hieng laizing hin Salesian order Catholic priest ruok chun Father Uzhunallil hi Krossah hemde a ni le ninaw sukchiengna iengkhawm a la um nawh tiin a hril ve thung. Fr Uzhunallil hi India rama Kerala mi a nih.
Highwaysa thing phunna dingin Rs. 1,000 crore
NEW DELHI: Road Transport and Highways Ministry chun India ram sunga National Highways zul haia 201617 sunga thing phunna dingin Rs. 1,000 crore sie a tum. National Highways haia thingkak phunna sin hi nongovernmental le rural organisations 200 chuong hai kuta pekdawk a tum bawk niin ministry thusuok chun a hril.
Egypt vuongna thuoikawi, vuongna thuoikawitu a hnungin man
CAIRO: Zanikhan Egypt Vuongna (EgyptAir) mi 81 chuongna Flight MS 181, Alexandria a inthawk Cairo pana vuong chu thuoikawi a ni a, vuongna thuoikawitu hin Vuongna hi Cyprus hmuna an intumtir a, vuongnaa chuong hai le a sunga thawktu hai chu himin an suo vawng bakah ama khawm Police han an man. Iengleia vuongna hi a thuoikawi am ti chieng taka hriet a la ni nawh. Voungnaa hin mi 81 an chong a, hi lai hin ramdang mi 21 le vuongna sunga thawktu (crew) 15 an thang a nih.
Passenger tamlem hai an suo hnungin vuongnaa thawktu le ramdang mi passenger thenkhat a hrentang a, sienkhawm a hnungin dam le himin an suo nawk vawng a nih. State radio report chun vuongna thuoikawitu hin Cyprus hmuna assylum a ngen niin a hril. Vuongnaa hin thawktu (crew memger 7) an um a, a thuoikawitu hin bomb a pai thu hrila vuongna hi a thuoikawi nia hril a nih.
VAWISUN THUPUI
Lalpa ti chu hrietna bul a nih; Amiruokchu, invet chun varna le inchuktirna chu a hmusit a. Ka naupa, i pa inchuktirna hi ngai la, I nu inchuktirna chu nghatsan naw rawh; Thuvarhai 1:78
Editorial: Modi khawmin Congress party hniekhnung a zui ve an naw maw!
Arunachal Pradesh a Congress sawrkar suksiet le President Rule puong a nia inthawk thla hni hnungin Uttarakhanda Congress sawrkar chu suksiet le President Rule hnuoia sie a hung ni nawk ta a. Hi thil hi Politics a ding chun thil mak le thil danglam niin an lang nawh. Politics thila inbeina chi khat, India rama lo tlung rawp ta hlak a nih. Hienganga inbeituona hi a la hungtlung pei ding niin an lang. Tuhin Congress sawrkarna state iemanizat a la um a, hienghai khawm hin ieng thil am an la hung tuok pei ding ti chu India mipui han an thlir thup a nih. Manipur a Congress sawrkar khawm hi politics boruok le thli hrang hin a nawt mek a, chingfel vat a ninaw chun Manipur khawmin Arunachal Pradesh le Uttarakhand sawrkar thil tuok ang hi a la hung tuok ve el thei niin an lang. Manipur a Congress sawrkarin iem a hung tuok ve ding ti chu hunin a la hung rel ding a nih.
Kum 199293 khan P.V. Narasimha Rao Prime Minister nina le Congress party thuoina hnuoia Centre sawrkar chun BJP sawrkar ngir lai mek, Uttar Pradesh, Madhya Pradesh, Rajasthan le Himachal Pradesh a mi hai chu December 6, 1992 a Babri Masjid suksieta a umna thu le inzawmin a lo thiek ve a ni kha!. Rao sawrkar zo hnungin Vamuzo CM nina hnuoia Nagaland sawrkar khawm thiek le Nagaland chu President Rule hnuoia sie a nih. Dr Manmohan Singh Prime Minister ni lai kum 2005 khan tuta Union Defence Minister Manohar Parrikar Goa CM a ni lai khan Goaa BJP sawrkar chu thiek a ni bawk.
Hiengang hi India rama Politics lo fe dan le Politics lo inlumlet dan thenkhat a nih. India rama politics inlumlet dan enin tuta ei PM Narendra Modi khawm hin Congress hniekhnung le Congress party thaw dan a zuiin a hraw ve an naw maw? ti ngaidan a hung um ta a nih. Politics thila inbiekna a ni leiin thil thaw dan hi an dik nawh tia hang sawisel le dem el thei ruok chu niin an lang nawh. A san chu, India rama party dang dang inlal lai le mi hran hran PM an ni hun lai khawm khan hiengang thil hi a lo tlung ta hlak leiin. Ei en vang vang chun hiengang politics fe dan hi Article 356 hmang suolna chu niin an lang. Hi lei hin political News Analysis thawtuhai chun PM Modi khawm hin Constitutional sins a thaw ve an naw mani tiin an comment.
Uttarakhanda Congress sawrkar thiek le President Rule a sie a ni dana hin Congress party chu an lungril a na hle a, an lawm naw bawk leiin zani hmasa khan Congress thuoitu Abhishek Manu Singhvi le Kapil Sibal hai chu Nainital Courtah an zuolko a, iem an hung ang ding ti ruok chu Court rorel dan dan a hung ni ding a nih. Hi thubuoi chingfelna ding hin hun iemanichen a la aw ding a nih. Arunachal Pradesh case ang tho khan thil a hung um el dim ti chu mi tamlem ngaidan a nih. Hiengang case le inzawm hin chu Centrea thuneitu le sawrkar chellaiin thuneina le thil thaw theina chin an nei hlak niin an lang. Tuhin chu a tu tieng tieng khawmin a thaw suol le an diknaw lem niah an inngai naw a, an thangna chu an dik lemin an ngai ve ve a nih.
Ei hriet seng angin March 27, 2016 khan Uttarakhand state hi President Rule hnuoia puong tan a nih. Uttarakhand Assembly a hin MLAs 70 an um a, Congress chun MLA 36 an nei a, sienkhawm MLA 9 hai an hel a, Uttarakhand Assembly Speaker in Congress MLA helhai hi a disqualify leia an state sawrkar hung buoi a nih. Congress MLA 9 nuorhai hin BJP an awn le thlawp tlat leia BJP chun an ta dinga sawrkar siem theina chance a hung um nia a hriet leia Uttarakhand hi President Rule hnuoia a hung sie a nih ti inla inkhel naw tak a tih.
V.P. Singh le Chandrashekar hai PM hun lai khawm khan hiengang tho hin politics chu a fe a, V.P. Singh khan S.C. Jamir CM nina hnuoia Congress sawrkar a thiek a, Chandrasekhar khawm khan Tamil Nadu state a DMK sawrkar a thiek. Ei rama thuoituhai hin hiengang politics hi an tlansan thei naw a, an ta dinga tha lem dinga inlang chu a lo indik raknaw khawma thaw el an hniel nawh. Ieng party le iengang mi khawm hung inlal hai sienla an party le an sawrkar ta dingin an hmasiel seng ding niin an lang. Ei ram thuoituhai le political party tum tum hai hi hiengang kawnga hin chu insawisel thei ding bik an um nawh. India Constitution Article 356 hin chu inza le zawm a hlaw naw ni takin an lang. A ru inno no suoka ei la ti pei ding a ni hi!
CCPUR: Myanmar rama rawngbawlna nei ding Blessed Choir team chu zani zingkar 6:30AM khan Pastor Laltholien in tawngtaina a neipek zoin Pu Joseph Lalrothang, President, Hmar Inpui GHQ in a vailiem. Tour an nei sunga Speaker ding chu Pastor C. Lalrosanga ning a tih. Tour an nei sung harsatna nei loa tluong taka rawngbawlna an nei theina dingin Immanuel Darngawn, Secy. Blessed Choir chun tawngtainaa san dingin ngenna a siem.
Blessed Choir team hi March 30, 2016 –April 3, 2016 inkar sungin Kohran Inzawmkhawm hai huoihawtnaa Presbyterian Biekina Crusadeah rawngbawlna nei an ta, April 46, 2016 inkar sungin Zohmun Hallah Khawtlang Kohran inzawmkhawm hai huoihawt Crusadeah thang an ta, an hung kir tieng April 7, 2016 khin Moreh ICI Biekinah rawngbawlna nei an tih. (Input by: Darngawn computer)
Career Guidance prog. an hmang
CCPUR: Zani 1:30PM khan Rayburn College, NYK/CCPur le Eimi Coaching Institute hai thangruola huoihawtnain Rayburn College 6th Semester Student hai ta dingin Rayburn Collegeah Career Guidance prog. hmang a nih. Hi huna hin Chief Guest in Prof. N. Mohendro Singh, Academic Adviser, Rayburn College a thang a, program a hawng. Guest of honor in Ricky Vanlallawm, Principal, CCPur College a thang a, Eimi Coaching Institute a hawng.
Chief Guest chun, mihriem pangngai ei ni chun hringnun hi nuom chenna mei meia hmangliem ding a ninaw a, lekha inchuk le sin hmu zo hnunga enjoy chau ding a nih. Mani intodelna dinga sin nei tum ding, student hai khawm pass na ding chau ni lova tum bik neia lekha inchuk ding a nih. Hlawtlingna ding hin lekha tiem ringawt a ninaw a, discipline nei le competitive mind nei hai chau an hlawtling hlak a nih; lekha chau ni loin tulai khawvel technology le inmila ei intathriem a tul tiin a hril.
Prepaid meter box 6400 vel Activate a ni tah
CCPUR: Manipur State Power Distribution Corporation (MSPDC) Ltd., CCPur Division chun tulai hin Churachandpur khawpui sunga hmun tum tum haiah Prepaid Electric connection thawna ding Electric hrui an keizam mek a. New Lamka a inthawk CCPur Police Station inkarah Prepaid meter Box 7300 vel activate el thei dingin an inbuk zo ta a, hi laia 6400 vel chu activate a nitah.
UZO 60th Annual Assembly
CCPUR: March 31, 2016, 10:30AM a inthawk khin Zogal Memorial Hall Complex, Zovengah “Dihtatna in Nam a tawisang” ti thupui hmangin United Zou Organisation (UZO) GHQ 60th Annual AssemblycumDiamond Jubilee hmang ning a tih. Hi huna hin UZO President Chinlunthang in Diamond Jubilee lungdaw hawngna le UZO Flag keipharna nei a ta, Rev. Tualzachin, Sr. Exe. Secy. ZPCS in tawngtainain inhlan a ta, Rev Thangginmuanlian, Exe. Director, ZCBC in tawngtainain hun hawng a tih.
Mr Gouzalal Tungnung, Vice President, UZO GHQ in Assembly Speaker ngirhmun hluoin inkhawm keithuoi a ta, thuoitu hlui lo thi ta hai sunna le business session nei ning a tih.
Nuhmei suollui rawptua intum mipuiin an chil hlum
CCPUR: Nuhmei dang dang iemanizat silai leh chuktuoa an thu le hla lova suollui hlaktua intum Mr Lalkhumlien (28) s/o Songkhogin Gangte of Lailong Village, Henglep SubDivision, tuta Kamdouvenga um mek chu zanikhan Muolvaiphei mipuiin an man a, mipui lungsen insumzolo han zani zantieng dar 6 vel khan an chil hlum niin ei thu dawngna chun a hril. A ruong hi zani zan khan Police han va lain District Hospital morgueah an sie.
Ei thu dawngnain a hril danin, thla iemanichen liemtaa inthawk khan Muolvaiphei thlanmuol thar ram laia nunghak le tlangval leng thawveng, a fal deu hleka um hai silai leh chuktuoin a tlangval/pasal hai silaia tinin an tlanhmang tir hnungah an nunghak thuoi hai a suollui hlak nia a hril a nih. Hi thua hin suolluia um nunghak thenkhat chun hrildawk ngam loin an ip a, sienkhawm thenkhatin an hrilsuok leia thla iemanizat zet volunteer insiema an duty hnungin zanikhan nuhmei pakhat thawluina hmanga suollui nawk a tum a, chu huna volunteer hai hin an man niin ei thu dawngna chun a hril.
A ruong hi Morgueah sie phawt a ni a, khawtlang thuoitu han hnam thuoituhai leh Lal ina inbiekrawnna an nei a, hi thu ei sut chena hin iengangin am hma an lak pei ti le iengangin am hi chungthu hi rel a nia ti hriet theina ei la nei hri nawh.
MPCC President thar dingin T.N. Haokip ruot a nih
IMPHAL: All India Congress Committee (AICC) Presieent Sonia Gandhi chun zanikhan Saikawt Assembly Constituency a inthawk Cognress (I) ticketa thlangtling T.N. Haokip chu Manipur Pradesh Congress Committee (MPCC) President thar dingin a hung ruot niin ei thu dawngna chun a hril. MPCC President sin hi Manipur Deputy Chief Minister ni bawk Gaikhangam in hun sawt taka inthawka a lo chelsa a nih. T.N. Haokip hin Gaikhangam thlakthelng a ta, MPCC President sin a chel vat nghal ta ding niin Congress party thusuok chun a hril. T.N. Haokip hin tuta hma khan Manipur Assembly Speaker le Cabinet minister sin hai chelin chanvo (portfolio) hran hran a lo chel ta hlak a nih.
Tuta hma deu khan Manipur Congress MLA lungawilo pawl (dissident group) mi 25 hai chu New Delhiah an zun camp a, hi huna hin AICC President Sonia Gandhi le AICC Vice President Rahul Gandhi hai an zun hmupui a; an party in ‘one man one post’ tia dan an nei angin Gaikhangam chu Minister a ninaa inthawk ban annawleh MPCC President a ninaa inthawka ban ding le Manipura Congress ministry chu sawidanglam (major reshuffle) thaw dingin an zu ngen a nih. Hi ngenna dungzuia hi T.N. Haokip hi MPCC President thar dinga hung ruot nia hril a nih. Congress MLAs nuor pawl hin CM O.Ibobi Singh thlakthleng dingin an ngen naw a, ministers mani sin hne lo hai chu bana minister chanvo la chel lo hai minister chanvo pe dingin an zu ngen nia hril a nih. Hi thu le inzawm hin CM O.Ibobi Singh le Dy. CM Gaikhangam hai chu Congress HIgh Command ko angin tulai hnai el khan vawihni lai zet New Delhiah an zun zin a, Sonia Gandhi leh an zun hmu ta a nih. Ministry sawisanglam a ni ding le ding naw ruok chu hrietna ei nei hri nawh. Dissident MLAhai chun an thil ngen sukpuitling pek an ninaw chun an party suoksanin BJP an zawm el thei thu Sonia Gandhi le Rahul Gandhi kuomah an lo zun tlun nia hril a nih.
Kum 2012 a Manipur Assembly election a khan seats 60 umah Congress party in seats 42 an lak a, April 3, 2014 a Manipur State Congress Party (MSCP) MLAs 5 han Congress party an zawm leiin MLAs 47 an hung tling ta a nih. Manipur Assembly Election nawk hi February, 2017 vela nei ni dinga beisei a nih.
A unaupan a kap hlum
IMPHAL: Zani zingkar khan Laishram Chaoba alias Birjit, S/o Dr Laishram Ranbir Singh chun a unaupa Laishram Naoba (26) s/o L. Gobin of Kwakeithel Moirang Purel Laishram Leikai chu Mongsangei hmuna a kap hlum hnungin Kakwa Police Station ah an pelut. Laishram Chaoba alias Birjit hi Manipur Police Department hnuoia SubInspector sin thaw lai a nih. Iengleia a unaupa hi a kap hlum el am ti hriet a ni nawh.
Sangai umzat hriet tuma tiem tan
IMPHAL: Keibul Lamjao National Parka Sangai umzat hriet a ni theina dingin zanita inthawk khan Forest Department, People for Animal,Wild Life Institute of India le environmentalists team han tiemna sin an tan. Sangai tiemna sin hi March 31, 2016 le April 2, 2016 haia khawm nei zawm pei la ning a tih.
Sharmila Court hmaah
IMPHAL: Zani sun dar 12 khan Irom Sharmila Chanu chu Patiala House Court, New Delhiah an lang. Sharmila hi vawisun 12:30PM hin Court hmaah inlang nawk a tih. October, 2006 a Jantar Mantar, New Delhia AFSPA hlip dinga ngennaa bungheia nuorna a nei leia case nei a nih.
Indopui pahnina hun laia bomb hmu
IMPHAL: March 28, 2016 khan Imphala inthawk km. 30 vela hla Motbung, Senapati District hmuna Indopui pahnina hun laia mi M3 Lee Tank mu (bomb) le US M2 60mm bomb hmu a nih. Sapermeina Police stationah report pek a ni hnungin Police han bomb hai hi an va lak. Hieng bomb hai hi kum 1944 laia Indopui pahnina huna Allied Fores le Japanese Army hai an inbeituo huna hmang ni dinga ring a nih.
Uttarakhand HC in Harish Rawat March 31 in majority a command le command naw Assembly-a inentir dingin an hriettir
DEHRADUN: Uttarakhanda Congress MLA 9 hel leia politics thila buoina um leia President Rule puong a ni hnungin Uttarakhand High Court chun Mr Harish Rawat chu March 31, 2016 nia Assembly hmuna majority a command le commandnaw inentir dingin zanikhan an hriettir.
Congress MLA 9 hel hai hin BJP an bel leiin Speaker in a disqualify an ni a. Sienkhawm High Court chun floor testa hin suspendeda um Congress MLA hai khawm hi an thang a phal pek. Floor test hi March 31, 2016, 11 AM a nei ning a ta, hi huna hin Uttarakhand High Courta Registrar General chu Observer in thang a tih.
Sawrkar thlungpuiin Uttarakhand President Rule a puong choleta Mr Harish Rawat in High Courta petition a pek (zuolko) na le inzawma hearing zanita nei huna Mr Harish Rawat hi Assemblya majority a command le command naw inentir dinga High Court in an hriettir a nih.
Appropriation Bill le inzawma March 18, 2016 nia Congress MLA 9 hai an hel leia Uttarakhanda Mr Harish Rawat sawrkar hi hung buoi a nih.
Hieng laizing hin Advocate ML Sharma in Uttarakhanda President Rule puong a ni le inzawma Public Interest Litigation (PIL) a file le inzawmin Supreme Court bencha Chief Justice TS Thakur le Justice R. Banumathi le UU Lalit hai chun kar thara hearing nei dingin hun a ruot.
Mr Rawat hin Assemblyah majority a la command zing thu Governor KK Paul kuoma an tlun leiin March 28, 2016 nia Assemblya majority a command le commandnaw inentir dingin an hriettir a, sienkhawm an entir hman hmain March 27, 2016 khan sawrkar thlungpui chun President Rule a puong khum a nih.
Vote lak huna hin disqualifya um Congress MLA hai chu vote an thlak phalpek an ni a, sienkhawm anni po vote hi a hrana sie a ni ding a nih. Floor test thaw huna security khau taka thaw dingin High Court chun DGP an hriettir bawk.
Mr Rawat chun, State Assembly in 201617 budgeta Appropriation Bill an passed sawrkar thlungpuiin iengkhawm lova inchangtir a tum a ni chun darkar 24 sung bungheia nuorna a nei ding thu le Bill kha parliamentary dang ang thlapa Inpuiin an passed a ni thu a hril.
Mary Kom Doctorate Degree
SHILLONG: NEHU chun zanikhan 23rd Convocation an hmang a, hi huna hin tum 5 lai Wold Boxing champion lo ni ta M.C. Mary Kom le UPSC Chairman hlui Rose Millian Bathew hai chu “The degree of Doctor of Letters’; (Honoris Causa) an hlan. Hi huna hin M.C. Mary Kom a taksain a thang thei naw a, Rose ruok chu thangin degree hi a dawng. Kum 85 zeta upa a ni tah. Hi Convocation a hin Union Human Resource Development minister Ms Smriti Irani chu khuollienin a thang.
Mehbooba in April 4ah oathtaking a nei el thei
JAMMU: PDP leader Mehbooba Mufti chun Jammu and Kashmir nuhmei Chief Minister hmasatak dingin April 4, 2016 khin oathtaking a nei el thei niin PDP thusuok chun a hril. Ms Mehbooba hin March 26, 2016 khan Governor NN Vohra inhmupuiin BJP MLAs 25 hai thlawpnain sawrkar a siem thei thu a lo inhriettir ta a nih. J&K a hin members 87 an um a, PDP in MLA 27 an nei a nih. BJP chun Nirmal Singh chu an leader dingin an lo thlang ta a, Mehbooba CM nina hnuoia sawrkar tharah Dy. CM a hung chel ding a nih.
J&K a hin PDP le BJP thangruol sawrkara CM sin chel Mufti Mohammed Sayeed January 8, 2016 nia a thi leia tuchena sawrkar thar la um thei lo le Governor Rule hnuoia um mek a nih.
Rambung 3 sir dingin PM an zin suok
NEW DELHI: Prime Minister Narendra Modi chu rambung pathum Belgium, US le Saudi Arabia hai sir dingin zani zan khan New Delhi a suoksan. PM Narendra Modi hin Belgium khawpui Brussels pan phawt a ta, vawisun hin Brussels khawpui tlung a tih. Brussels khawpuia a cham sungin Belgium ram thuoituhai an hmupui ding bakah India mi Belgium a um hai hmaah thuhrilna hun hmang bawk a tih.
Belgium zoah PM Modi hin Nuclear Security Summita thang dingin March 30, 2016 khin US pan a ta, Summit hunah nuclear security le inzawma India hmalakna report peng a ta, US a cham sungin khawvel rambung tum tuma thuoituhai inhmupui bawk a tih.
Nuclear Summit a thang zoa India ram a hung pan malamin Pu Modi hin Saudi Arabia ram hung sir malam a ta, Saudi Arabia ram thuoitu hai inhmupui bawk a tih.
ISIL in Catholic thiempu Krossah an hemde a hril
NEW DELHI/BERLIN: March 4, 2016 nia Islamic Terrorist han Yemen rama Aden Missionary Home an hlukhum huna an thuoihmang Catholic Priest (thiempu) Fr Uzhunallil (56) chu March 27, 2016a Good Friday ni khan Krossah Isu Krista angin an hemde niin ei thu dangna chun a hril. Hieng laizing hin Salesian order Catholic priest ruok chun Father Uzhunallil hi Krossah hemde a ni le ninaw sukchiengna iengkhawm a la um nawh tiin a hril ve thung. Fr Uzhunallil hi India rama Kerala mi a nih.
Highwaysa thing phunna dingin Rs. 1,000 crore
NEW DELHI: Road Transport and Highways Ministry chun India ram sunga National Highways zul haia 201617 sunga thing phunna dingin Rs. 1,000 crore sie a tum. National Highways haia thingkak phunna sin hi nongovernmental le rural organisations 200 chuong hai kuta pekdawk a tum bawk niin ministry thusuok chun a hril.
Egypt vuongna thuoikawi, vuongna thuoikawitu a hnungin man
CAIRO: Zanikhan Egypt Vuongna (EgyptAir) mi 81 chuongna Flight MS 181, Alexandria a inthawk Cairo pana vuong chu thuoikawi a ni a, vuongna thuoikawitu hin Vuongna hi Cyprus hmuna an intumtir a, vuongnaa chuong hai le a sunga thawktu hai chu himin an suo vawng bakah ama khawm Police han an man. Iengleia vuongna hi a thuoikawi am ti chieng taka hriet a la ni nawh. Voungnaa hin mi 81 an chong a, hi lai hin ramdang mi 21 le vuongna sunga thawktu (crew) 15 an thang a nih.
Passenger tamlem hai an suo hnungin vuongnaa thawktu le ramdang mi passenger thenkhat a hrentang a, sienkhawm a hnungin dam le himin an suo nawk vawng a nih. State radio report chun vuongna thuoikawitu hin Cyprus hmuna assylum a ngen niin a hril. Vuongnaa hin thawktu (crew memger 7) an um a, a thuoikawitu hin bomb a pai thu hrila vuongna hi a thuoikawi nia hril a nih.
VAWISUN THUPUI
Lalpa ti chu hrietna bul a nih; Amiruokchu, invet chun varna le inchuktirna chu a hmusit a. Ka naupa, i pa inchuktirna hi ngai la, I nu inchuktirna chu nghatsan naw rawh; Thuvarhai 1:78
Editorial: Modi khawmin Congress party hniekhnung a zui ve an naw maw!
Arunachal Pradesh a Congress sawrkar suksiet le President Rule puong a nia inthawk thla hni hnungin Uttarakhanda Congress sawrkar chu suksiet le President Rule hnuoia sie a hung ni nawk ta a. Hi thil hi Politics a ding chun thil mak le thil danglam niin an lang nawh. Politics thila inbeina chi khat, India rama lo tlung rawp ta hlak a nih. Hienganga inbeituona hi a la hungtlung pei ding niin an lang. Tuhin Congress sawrkarna state iemanizat a la um a, hienghai khawm hin ieng thil am an la hung tuok pei ding ti chu India mipui han an thlir thup a nih. Manipur a Congress sawrkar khawm hi politics boruok le thli hrang hin a nawt mek a, chingfel vat a ninaw chun Manipur khawmin Arunachal Pradesh le Uttarakhand sawrkar thil tuok ang hi a la hung tuok ve el thei niin an lang. Manipur a Congress sawrkarin iem a hung tuok ve ding ti chu hunin a la hung rel ding a nih.
Kum 199293 khan P.V. Narasimha Rao Prime Minister nina le Congress party thuoina hnuoia Centre sawrkar chun BJP sawrkar ngir lai mek, Uttar Pradesh, Madhya Pradesh, Rajasthan le Himachal Pradesh a mi hai chu December 6, 1992 a Babri Masjid suksieta a umna thu le inzawmin a lo thiek ve a ni kha!. Rao sawrkar zo hnungin Vamuzo CM nina hnuoia Nagaland sawrkar khawm thiek le Nagaland chu President Rule hnuoia sie a nih. Dr Manmohan Singh Prime Minister ni lai kum 2005 khan tuta Union Defence Minister Manohar Parrikar Goa CM a ni lai khan Goaa BJP sawrkar chu thiek a ni bawk.
Hiengang hi India rama Politics lo fe dan le Politics lo inlumlet dan thenkhat a nih. India rama politics inlumlet dan enin tuta ei PM Narendra Modi khawm hin Congress hniekhnung le Congress party thaw dan a zuiin a hraw ve an naw maw? ti ngaidan a hung um ta a nih. Politics thila inbiekna a ni leiin thil thaw dan hi an dik nawh tia hang sawisel le dem el thei ruok chu niin an lang nawh. A san chu, India rama party dang dang inlal lai le mi hran hran PM an ni hun lai khawm khan hiengang thil hi a lo tlung ta hlak leiin. Ei en vang vang chun hiengang politics fe dan hi Article 356 hmang suolna chu niin an lang. Hi lei hin political News Analysis thawtuhai chun PM Modi khawm hin Constitutional sins a thaw ve an naw mani tiin an comment.
Uttarakhanda Congress sawrkar thiek le President Rule a sie a ni dana hin Congress party chu an lungril a na hle a, an lawm naw bawk leiin zani hmasa khan Congress thuoitu Abhishek Manu Singhvi le Kapil Sibal hai chu Nainital Courtah an zuolko a, iem an hung ang ding ti ruok chu Court rorel dan dan a hung ni ding a nih. Hi thubuoi chingfelna ding hin hun iemanichen a la aw ding a nih. Arunachal Pradesh case ang tho khan thil a hung um el dim ti chu mi tamlem ngaidan a nih. Hiengang case le inzawm hin chu Centrea thuneitu le sawrkar chellaiin thuneina le thil thaw theina chin an nei hlak niin an lang. Tuhin chu a tu tieng tieng khawmin a thaw suol le an diknaw lem niah an inngai naw a, an thangna chu an dik lemin an ngai ve ve a nih.
Ei hriet seng angin March 27, 2016 khan Uttarakhand state hi President Rule hnuoia puong tan a nih. Uttarakhand Assembly a hin MLAs 70 an um a, Congress chun MLA 36 an nei a, sienkhawm MLA 9 hai an hel a, Uttarakhand Assembly Speaker in Congress MLA helhai hi a disqualify leia an state sawrkar hung buoi a nih. Congress MLA 9 nuorhai hin BJP an awn le thlawp tlat leia BJP chun an ta dinga sawrkar siem theina chance a hung um nia a hriet leia Uttarakhand hi President Rule hnuoia a hung sie a nih ti inla inkhel naw tak a tih.
V.P. Singh le Chandrashekar hai PM hun lai khawm khan hiengang tho hin politics chu a fe a, V.P. Singh khan S.C. Jamir CM nina hnuoia Congress sawrkar a thiek a, Chandrasekhar khawm khan Tamil Nadu state a DMK sawrkar a thiek. Ei rama thuoituhai hin hiengang politics hi an tlansan thei naw a, an ta dinga tha lem dinga inlang chu a lo indik raknaw khawma thaw el an hniel nawh. Ieng party le iengang mi khawm hung inlal hai sienla an party le an sawrkar ta dingin an hmasiel seng ding niin an lang. Ei ram thuoituhai le political party tum tum hai hi hiengang kawnga hin chu insawisel thei ding bik an um nawh. India Constitution Article 356 hin chu inza le zawm a hlaw naw ni takin an lang. A ru inno no suoka ei la ti pei ding a ni hi!
