Responsive Ad Slot

THIEMFIN le inzawmin HSA Delhi in IHRO hai inhmupuina a nei

Wednesday, February 24, 2016

/ Published by VIRTHLI
New Delhi, 23rd February 2016 (Virthli): 26th March a hmang ding  "THIEMFIN: Art & Literary Meet" le inzawmin HSA Delhi chun International Human Rights Organisation(IHRO) hai inhmupuina a nei.Hi huna hin hnam, a bikin student hai tangkaipui ding le hlawkpui ding tam tak hril sa a ni bawk a nih.

IHRO hi NGO niin, kum 2009 laia indin a ni a, State 20 velah branch an nei bawk a nih. Aims & Objectives tam tak an nei lai zingin an focus area hai chu 1.Health 2.Education 3.Sustainability 4.Art and Culture hai hi an nih.

Hi organization hin inchuklai, student bright tak tak hai tadingin scholarship an pek thei thu an hrila. Scholarship hi abroad-a apply nuom hai khawma an kuoma proposal submit thei a ni thu an hril sa bawk. Scholarship hi Ph.D level chen a huom sa vawng a nih.

Internship an pek thei zing baka, entry level jobs khawm an pek theia, staff an mamawin an dit nghal thu an hril sa bawk. Chun secretariat tieng chau ni lovin Research tieng khawm an in hawng thu hai hrilin, an hnuoia Research thawna paper hai, article dang dang le written records hai national chau ni lovin international level chena an publish thei thu an hril.

Chu le inzawm peiin March 26 a THIEMFIN hmangna dinga hin IHRO tienga inthawk representative hungin, tawite inpawltlangna hun an hung nei ding a nia, student haiin an hlawkpuiin an tangkaipui ngei ei beisei a nih. Chuleiin, Nu le pa hai khawma ngaipawimawa mani nauhai hi ni hin tir seng dingin HSA Delhi chun a ngen mawl mawl a nih.
Don't Miss
© all rights reserved
made with by Simon L Infimate