PROCEEDING
OF 8TH HMAR INPUI ASSEMBLY HELD AT VTI, RENGKAI, CCPUR ON 12 &
13 FEBRUARY, 2016
Pu
Hmangzalien, Vice President-in, 8th Hmar Inpui Assembly hawngna (Inauguration)
prokram a keihruoi a. Assembly hawngna hunser hmang dinga ruot, Rev. (Dr) Lalhmuoklien-in
Bible chang, Deuteronomy 11: 8-11, 26-30 tiemin “Unau inngei diel diela um hi malsawmna hnar a ni leiin inngei diel
dielin hma ei lak a tul
a; Bible besanin rorel ei tiu a, ei mipuihai chengna biel po po ei ngaituona
lungril (agenda)-in ei inhuop zo tir ngei a tul a nih”, tia hun
tawite a hmang hnungin, Pathien kuoma tawngtaina
neiin, 8th Hmar Inpui Assembly hi Pathien thuoina hnuoia hlawtling taka
hmang thei a ni ngeina dingin inhlannna hun a hmang.
Conductor in
Assembly Speaker, Dr. Vanlalnghak kuomah Session inrawi dingin mawphurna an
hlan a; Speaker-in palaihai lawmlutna a nei hnungin Presidential Address pe dingin
Dr. John Pulamte a fiel zom nghala, zieka lo induong lawksa, Presidential Address
chu ngaithlak a nih. President hmathlir sawpsuoka um point pawimaw tak tak lak
suok anthawk agenda dinghai hriltlangna nei tan dinga palaihai a fiel hma’n biel dang danga inthawka
palai hunghai inhmelhrietna le lawmlutna Speaker-in a nei.
AGENDA &
RESOLUTIONS
Agenda 1:
Hmar Inpui Inawp Dan (Constitution) Article 8 (clause 4) in a hril angin “Hmar hnam pum huopa pawl, Hmar Inpui hnuoia
inkhai ding le General Assembly-a PALAI nia ‘vote’ nei thei dinghai” sukfel
ni raw se.
Resolution:
Hi thu hi hun
iemani chen ngunthluk taka ngaituo le hril tlang a ni hnungin Hmar Inpui hnuoia
inkhai (Affiliated bodies) le hrietpui dingin Assembly hmasa haia lo pawm tah,
hieng pawl (organization) 9 (pakuo) hai hi namdet a nih:
1. Hmar
Students’ Association (HSA)
2. Hmar
Youth Association (HYA)
3. Hmar
Women Association (HWA)
4. Hmar
National Union (HNU-Manipur)
5. Hmar
Literature Society (HLS-Manipur)
6. Hmar
People’s Convention –Democratic (HPC-D)
7. Hmar
Art and Cultural Society (HACS)
8. Hmar
Artistes’ Association (HAA)
9. Hmar
Christian Leaders’ Forum (HCLF)
Agenda 2: Hmar
Inpui Region inthe dà n siemthat ni raw se.
Resolution:
Hi thu hi nguktaka
ngaituo le hriltlang a ni a, tuta inthawk chu Hmar Inpui Region hi ‘State Wise’ a the ni ta sien; a tul
ang dungzuiin ‘Co-ordination Committee’ indin pei ni sien tia rem ti a nih. (vide Constitution Chapter VIII, Article 19;
Clause: i-viii)
Agenda 3: Hmar
hnam nunphung (culture) vongzingna le suk hmasawnna dingin Sikpui Ruoi hi Hmar
khuo tin annaw khawma Regional Headquarters a hai bek inser/hmang a ni theina
dingin Hmar Inpui (Headquarters le Regional Headquarters) haiin hma la raw se.
Resolution:
Lungruoltaka
rem ti a nih.
Agenda 4: Hmar
Martyrs’ Day (May 16) hi Regional Headquarters a hai bek ursuntaka inser a ni
theina dingin Hmar Inpui-in hma la raw se. (Hmar
Martyrs Day hi Hmar hnam pumpuiin inkhuongruoltaka ei hmang thei dân ding le a
huoihawtna sin Hmar Inpuiin la raw se – HYA GHQ).
Resolution:
Lungruoltaka
rem ti a nih.
Agenda 5: Hmar
Youth Association, General Headquarters in a sut, ‘Hmar Hnam Dan’ (Hmar Customary Law) hi Hmar taphawtin
inkhuongruol taka hmang le zawm a ni thei dan ding ngaituo ni raw se.
Resolution:
Hmar Hnam Dan (Hmar
Customary Law) hi Hmar hnam taphawtin inkhuongruol taka hmang le zawm a ni
theina dinga hmalak ni sien. Dan hi ‘revised
and enlarged’ thaw nisien tia rem ti a ni baka, HYA General Conference hmasataka
‘publishing/guardianship’ chungchanga hin thutlukna hung siem dinga thurawn pek
nisien tia rem ti a ni bawk.
Agenda 6: Hmar
Inpui ‘nominated’ Executive Member lai hin nuhmei pakhat bek ruot ni ta raw se.
(HWA)
Resolution:
Hmar Inpui
Executive Member dinga ruot mi 7 (pasari) lai hin nuhmei 1 (pakhat) bek
inthangtir ni ta sien tia rem ti a nih.
Speaker fielna
angin Upa (Dr) HL Liensang-in Pathien kuoma tawngtaina a nei zovin 1st
Session khar a nih.
ASSEMBLY SECOND SESSION 13th FEBRUARY
2016
Hun hmasataka Speaker,
Prof. Vanlalnghak-in Pathien kuoma tawngtaina neia hun inkawltirna nei dingin
Pastor Fimthasang a fiel a, chu zo chun Speaker in Zero Hour 15 minutes sung
hun a hawng.
ZERO HOUR
Mizoram Hmar
Welfare Committee (Inpui Region anga pawm) Palai, Upa J. Lalchhanhima -in Mizorama
Phuoibuong khuo, zaah za (100 percent) Hmar nisia Hmar tawng hmang sungkuo an
um naw tawp thu hrilin Hmar hnam nunphung (culture), tawng (language), niphung
(identity) sukhring le suk hmasawnna dinga hma lak a tul zie thu le thu le hla
(literature) sukhmasawnna dinga MHWC hmalakna hai Inpui a’n hriettir a.
Assembly hawngna hunser le rorel tan tawma Presidential Address kha tha le
lawmum a ti thu (motion of thanks) a hrila, chu thu chu ‘on record’ in um ngei
sien a nuom thu a hril bakah Inpui Assembly hi Hmar hnam roinrelna insangtak
(parliament) a ni leiin inza a uma; a nuom nuom le a’n hman hmanin thuhrilna
hun hmang naw hramhai sien a nuom thu a hril bawk.
Rev. Edwin
Darsanglur, Hmar Christian Leader’s Forum (HCLF) palaiin Hmar hnam sunga
Organisation hai inruol tlangtaka Hmar Inpui hin enkawl (deal) dan siem sien a
nuom thu hrilin ‘Inpui Attention Motion’ a put lut a. Speaker in hnam hmalakna
hi vawi le khata iengkim phursuok le sukpuitling nghal thei a ni naw thu hrilin
a zaia (gradually) siem rempui tuma hma lak a ni thu palaihai a’n hriettir.
Agenda 7: Hmar Inpui hin Hmarhai delna ram a hai ‘infrastructure
development’ thalema a um theina dingin hrat lema hma lak nisien. (HYA)
Resolution:
Thulut hi hun
iemani chen hriltlang a ni hnungin, ‘Hmar
Inpui hin sawrkara ei palai (MLA/MDC, etc) hai le theitawp suoin hma hung la
zawm pei raw se’ tia rem ti a nih.
Agenda 8: Hmar hnam sunga inpumkhatna thalem a um
theina ding lampui nasataka dapin hma lak ni raw se. (MHWC)
Resolution:
Thulut hi hun
iemani chen hril le ngaituona hun hmang a ni a, Hmar Inpui principle laia
pawimawtak pakhat a ni leiin hrat lem le effective lema Hmar hnam sunga inpumkhatna
nghet le thalem a um pei theina dingin uortaka hma lak zawm pei ni sien tia
namdet a nih.
Notes:
1.
Hmar Inpui Account (Audit Statement),
(Feb.17, 2013 – January 23, 2016) Assembly Inpui palaihai hmu theia phara a um lei
le sum ngirhmun fietaka tarlanga a um leiin Finance Secretary, Treasurer le
Auditor-hai chungah Assembly a lawm hle.
2.
Hmar Inpui Assembly floor-a
palaihai po po hmu le tiem thei dinga General Secretary, Pu David Buhril-in
Inpui hmalakna poimawzuol report felfaitaka zieka a semdawkna chunga Assembly a
lawm hle.
3.
Hmar Inpui President, Dr. John
Pulamte-in Presidential Address pea Hmar hnam hmathlir felfai le inzaumtaka a pek
lei Hmar Inpui 8th Assembly Agenda pawimaw zuolhai puitling taka a
hung thur suokna chunga Assembly a lawm hle.
Rorelna
hun suktawp hma’n Assembly Proceedings & Resolutions tiemsuokna
Secretary-in a neia; Speaker fielna angin Pathien kuoma lawmthu hrilna Rev. Ros
Infimate in a nei zovin Assembly Session khar a nih.
(LALTHALIEN) (PROF.
VANLALNGHAK)
Assembly Secretary Assembly Speaker
HMAR INPUI
ELECTION 2016
Thuvar 29:18
le Nehemia 1:3-4 hai Chief Election Commissioner dinga ruot, Rev. Ros Infimate’n
tiemlangna a nei a; “vawisuna leader ei
thlang ding hai hin ei hnam lainatna, hmangaina le invawina an nei a tul zie
hrie a, ei hnam tung dingtu ding an ni zie inhriea sinthaw dingin chona ei pek
a nih” tia a hril zovin, Rev. (Dr.) Lalhmuoklien, Election Secretary-in
Pathien kuoma tawngtaina a nei a, Pathien rawn zingin election process thienghlimtaka
nei tan a nih.
Member le
palai hming lamna nei a nia; member present po 210 (za hni le sawm) an nih.
Fiel a ni
angin Rev. Huolthangsei-in Pathien kuoma tawngtaina a nei zoin inthlangna
(election) tan a nia; a hnuoia hai hi thlangtling an nih.
1.
President - Pu
Joseph Lalrothang
2.
Vice President - Upa J. Lalchhanhima
3.
General Secretary - Pu
Francis Songate
4.
Joint Secretary - Dr.
Immanuel Zarzosang Varte
5.
Finance Secretary - Upa
Laltlanmawi
6.
Treasurer - Ms
May Rose
(REV/DR.
LALHMUOKLIEN) (REV.ROS
INFIMATE)
Election Secretary Chief Election Officer
