Hmarkhawlien, February 16, 2016: Zanikhan Hmar Students' Association, Barak Valley Joint Headquarters (HSABV) huoihawtna hnuoiah Joint Committee Meeting nei a nih. Hi huna hin HSABV Jt Hqtrs, HNU-Assam, Village Council, Surrendered HPC-D Assam le LP Teachers' Association tienga thuoitu hai an thang. Agenda pali ah resolutions passed a nia, chuonghai chu; Inchukna le inzawma Barak Valley huopa organisation popo hai work distribution siemfela, an hma thei anga inhmukhawm nisien, Joint meeting kotu dingin HSABV Jt Hqtrs chu an ruot. Inchukna le inzawma Barak Valley Hmar laia hmalakna chu organisation hai work distribution zova dingin an sie a, HSA Barak Valley Jt Hqtrs Permanent Office neina dinga hnina um chu nguktakin an ngaituo a, HSA a inthawka hnina chu Hmarkhawlien Village Council ah thelut ni lem sien tha an ti bawk. Chun HSABV thuoitu hlui le Hmarkhawlien Village Council kara office thua thubuoi hai sukfel a ni hma po HSABV thuoitu thar haiin signboard tarin tuta an office hi lo hluo thei dingin an rel bakah ST certificate le inzawma tulaia Cachar a Hmar hai harsatna HNU-Assam in a bawzui zing chu HSABV in a hrietpui thu a puong bawk.
