LM Khaute DGP Manipur lawmpuina hun an hmang
CCPUR: Vaiphei Peoples Council (VPC) GHQ hmalaknain zani sun dar 12 khan Khatkhotong Baite, President, VPC GHQ & Chief of S. Munnuam Village chengnain- ah Mr L.M. Khaute, IPS Director General of Police (DGP) Manipur a kaisang lawmpuina hun hmang a nih. VPC President Khatkhotong Baite chun L.M. Khaute, IPS, DGP a lawmpuizie inentirnain puon an siltir bakah Memento inhlanna a nei. Hi huna hin KT. Vaiphei, IPS, IGP (Intelligence); Justice T. Vaiphei, Acting Chief Justice, Guwhati High Court; P. Kamkholal, MDC le JN Baite, MDC hai khawm chawimawinain puon insiltirna a nei bawk.
Khatkhotong Baite chun, LM Khaute in DGP Manipur a hung chel thei hi Pathien le sawrkar ditsakna lei a ni a, Pu LM Khaute in ei rama inremna le muongna a um theina dinga sin tha taka a thaw theina dinga mitin tawngtainaa san dingin a fiel.
Justice T. Vaiphei chun, State tinin DGP pakhat pei an nei a, IPS po povin DGP promotion an hmu vawngnaw lai hiengang ngirhmun Pu Khaute in a hung chang phak chu lawmum a ti thu hrilin DGP a inthawk a pension hnunga khawm Governor chen a hung ni theina dinga mipui hai tawngtaipui dingin a ngen.
Pu L.M. Khaute chun, Thangthuam, IPS kha eini tlangmi Manipur-Tripura Cadre hmasa tak a ni thu hrilin, ama’n IPS a hmu kum 6 hnunga IPS a lut ve chau a ni thu; IPS vawi 3 zet a hmu hnungah Pathienin Uniform service-a lut dinga a mi ruot ning a tih ti ringa IPS pawm a ni thu a hril. IPS dang hai ang lo takin promotion a hmu hlak thu le tukhawm hin ama neka senior lem pakhat um sienkhawm State sawrkar, CM, le minister hai ditsakna leiin DGP ngirhmuna Pathienin a mi sie a nih tia hrilin ‘Nampi thumkhawmna’ huna Pathien kuoma ngaidam inhnina rasuok ni ngei dinga a ring thu a hril.
Road Construction Committee vailiem
CCPUR: JAC Against Anti¬Tribal Bill hnuoia Manipur Tribal Movement Road Construction Committee (MTMRCC) member hai chu Sinzawl¬Tuivai inkar preliminary survey thaw dingin an suok a, zani zingkar 7:30AM khan Hebron EBC Biekin tuolah Thangjang Haokip, President, Kuki Inpi/CCPur in a vailiem a, Rev. Khamlianmang, Coordinator, Mission, PCI( R) in tawngtainain an thla.
Thangjang Haokip chun Guite Road fethlenga nitin mamaw hai phurlut a ni theina dinga Committee chu hma hung la ding le dam taka hung tlungkir nawk dinga a ditsak thu a hril. Survey thawtu ding hai hi MTMRCC Chairman G.Nengdouthang inrawinaa mi 3 an ni a, Works Secy Thathang Langel chu zani hmasa khan Sinzawl khuo a lo tlung tah. Survey team hai fena ding hin Thanthang Langel le SSPP GHQ in Bolero motor 1 an tuok a, mi inphal 7 han a pawimaw le tulnaa hmang dingin Rs. 26,000/- an pek bawk a nih.
EMI Director in a thil hmu dan le thil umzie a hrilfie
CCPUR: For One Life hmalakna le inzawma Manipur a hung Mr. Andy Kizzee P.E., Director/Structural Engineer, Engineer Ministries International(EMI), India chun Jan. 22, 2016 khan Mission Organisations In Jan. 4, 2016 ni a Manipur a lirhning (earthquake) i sawisiet hai enfelna a neina le inzawmin tuolsung chanchinthar lakhawmtuhai inhmupuiin a thil hmu le hriethai hrilna a nei.
EMI hi For One Life fielna anga Manipur a lirhning tlung le inzawma hung an ni thu a hril a. Sum tienga thangpuina EMI hin an pek thei naw a, sienkhawm EMI chun In bawl dan ding,l irhning laka him le tuta lirhning sawisiet hai khawm ienganga thaw ding am, thaw dan ding thalem thurawn an pek thei zing thu a hril.
Hi huna hin Imphal, Leimakhong le Churachandpur Town sunga Mission Organisation In Biekin, Hostel, School le Hospital hai a hmuna ngei fein a enfel a nih. Ama hi Jan. 19, 2016 a kha Manipur hung vuong lut le Jan. 23, 2016 a EMI, South Asia/India, Main Office New Delhi pan nawk ding a nih.
Manipur a a cham sunga a enfel hai hi ienganga thaw ding am hrilhrietna a nei nghal pei a nih. EMI hi tuhin USA, Canada, United Kingdom, India,Uganda, Middle East, North Africa a hai umin rawng an bawl mek a nih.
(LRS Puruolte)
Ngurte khuoah Orientation Prog. hmang
CCPUR: Zani 9:00AM khan Ngurte khuoah Base Level Orientation program on Ngurte Men & Women Farmers Club nei a ni a, Thangchinkhup Guite, DDM/NABARD chun khuolliena thangin hi hun hi a hawng a, functional President in Upa Zarzolien, Secy, Ngurte V/A; Special Guest in St. Paulienvung, EO (Agriculture) le Guest of Honour in Miss Bimola, Specialist Pathology, KVK (ICAR)/CCPur le Miss Manngaihkim, KVK (ICAR)/CCPur hai an thang.
Base level Orientation prog. hunah Thangchinkhup Guite in Farmers Club pawimawna le thu pawimaw tum tum a hril a, Miss Bimola chun Lo nei dan, Miss Manngaihkim in Farmers Club le KVK inzawmna le sin thaw dan ding hai a hril.
Union Cabinet sawidanglam el thei
Arun Jaitley Defence le Piyush Goyal Finance pek ni el theia hril a nih
NEW DELHI: PrimeMinister Narendra Modi chun tuta inthawk sawtnawte hnunga Union Council of Ministers hai sin chel a sawidanglam el theia hril a nih. NDA in Centre-a sawrkarna an siem hnungin ram economy in hmasawn sienkhawm Tax and land reforms tiengpangah inthlakthlengna iengkhawm a um theinaw leiin minister hai sin chel sawidanglam nuomna hi a hung um a ni a, February thla tawp tienga Mr Arun Jaitley in Annual Budget a phar zo huna cabinet sawidanglamna hi um dinga ring a nih.
Cabinet sawidanglam a hung ni chun Finance Minister ni lai mek Arun Jaitley chu Defence portfolio pek le Power and Coal Minister Piyush Goyal chu Finance portfolio pek ni el theia hril a nih. Centre-a BJP inrawinaa NDA in sawrkarna an chel hlim khan Arun Jaitley hin Defence iemanichen a lo chel tasa a nih. Thu dawngna thenkhat ruok chun Finance, Defence, Home, External Affairs le ministries pawimaw hai chu reshuffle hin a tawkbuoi naw ding niin a hril thung.
Cabinet sawidanglam ding le dingnaw thua hin BJP tienga inthawk official taka sukchiengna la um naw sienkhawm PM Narendra Modi in BJP National President election nei hma January 24, 2016 a BJP President Amit Shah le a team (OB) hai 7 - Race Course Road- a a chengnainah bu fakpui ding a fiel hi Union Cabinet sawidanglam tumna leh inzawmna nei dinga ring a nih. Amith Shah hi a term hnina dinga BJP National President dinga thlangtling nawk ni ngei dinga ring a nih. Hi baka hin PM chun Republic Day zo January 27, 2016 khin Council of Ministers meeting a ko a, hi huna hin Economic Affairs (CCEA) in NDA sawrkarin kum 1 le a chanve sunga decisions an lo lak hai ennawnna an nei ding bakah cabinet reshuffle chungthu khawm an ngaituo le minister hai sinthaw dan ennawn le duthusama sin thaw tha lo hai chu Cabinet-a inthawk pei an ni el theia hril a nih.
Assam term 2 MP dinga thlangtling tah Ramen Deka chu Union cabinet- a laklut thar ni el thei a hril a ni bakah Bihar Dy. CM hlui Shushil Kumar Modi khawm Union cabinet a laklut ni el theia hril a ni bawk.
MCP le KCP in Republic Day boycott-nain Strike
IMPHAL: Maoist Communist Party, Manipur (MCP-M) Armed group chun Republic Day boycott-nain January 26, 2016, 5AM-5PM inkar sung khin Manipur-ah darkar 12 sung aw General Strike an thaw ding thu Comrade Nonglen Meitei, Secy. Publicity and propaganda MCP-M in thusuok a siema chun an zieklang.
Kangleipak Communist Party, Poirei Meitei Lup khawmin January 26, 2016 khin Republic Day boycott-nain India hmarsakbiel-ah General Stike an thaw ding thu an puong bawk.
PREPAK(PRO) cadre 1 ralthuom leh man
IMPHAL: January 21, 2016 khan 2-Assam Rifles le Thoubal Police Commando han Khongjam, Thoubal District-a motor inlawn hai an dapnaah PREPAK (PRO) cadre SS. Major Keisham Prabin @ Sagar @ Mangang (39) s/o Keisham Achou Meitei of Patsoi Part-I chu West Germany siem 9mm Pistol 1, magazine 1 le a mu 9 leh an man. Mana um pa hin PREPAK (PRO)-a Assistant Home Secretary chel lai a ni thu le Mizoram le Myanmar inrina bul Torbung, Churachandpur district-a training zo a ni thu an puong. Thoubal Police kutah an peklut niin zanita PRO Assam Rifles thusuok chun a hril.
Motor eksiden-ah mi 10 an hliem
IMPHAL: Zani zantieng 1:00PM vel khan Maruti 800 le Diesel Auto MN01F3844 chu Taothang Lamkhai hmunah an inbaw a, nuhmei naupang 2 thangin mi 10 an hliem. Hliem hai hi RIMS casualty ward-ah admit an nih. Auto driver K. Rojit Kumar (28) s/o K. Tomba of Phumlou chun, passenger phura Imphal a inthawk Phumlo pana a tlan lai mek Maruti hin a hung baw niin a hril a, Maruti Car khaltu hi Zu an rui niin a hril bawk. Car khaltu hi a tlanhmang leiin man a la ni nawh a, Lamsang Police Station-ah case registered a nih.
Gaan -Ngai Festival hmang a nih
IMPHAL: Manipur-a chun zanikhan district tum tum haiah Zeliangrong hnam hai Kut pawimaw ‘Gaan Ngai” festival hmang a nih. State Level in Changangei Kabui Village, Imphal West-ah hmang a nih.
hmang a nih. Hi huna hin Dy. CM Gaikhangam, Minister of social welfare A.K. Mirabai; TN. Haokip; Hill Areas Committee Vice Chairman Kikonbou Newmai hai khawmin an uop bakah UCM, AMUCO le Civil Society tum tuma organisation leaders hai thang bawk.
Jt. Security meet an huoihawt
IMPHAL: Republic Day hmangna ding le inzawmin 9 Sector Assam Rifles hnuoia 12-Bihar Regiment chun zanikhan “Security Meet and Interaction” an buotsai a, hi huna hin Mayang Imphal le Wangoi Police station Offier in-charge; Village headmand, society leaders, local club secretary, gram pradhans, youth club presidents, ex-servicement le Meira
Paibi hai an thang tawl.
Migratory birds tiemna sin tan
IMPHAL: Clubs, Organisations le NGOs tum tum hai chun Manipur Forest Department le thangruolin Loktak Lake a um Migratory Birds tiemna sin an tan. Range Forest Officer Kh. Hitler Singh chun, nikum nekin Migratory birds hi an tlawm lem niin a hril.
UNC in Jan. 24 -ah darkar 48 Gen. Strike
IMPHAL: United Naga Council (UNC) chun Jan.24, 2016 zanril-a inthawk khin Manipur-a tlangmi hai chengna biel huop sungah darkar 48 General Strike thaw an tum. General Strike hin sakhuona thil, earthquake related activities, inchuknain, medical, electricity, water supply le media hai chu huopsa naw nih. Anti-Tribal Bills 3 a passed chungthu sawrkar thlungui hung inrawl ding bakah “Re-Organising of Police District Boundaries” Notification/Order insuoa um chu kansel ding; SoO le Ceasefire neina huom sung haia Manipur Police Commandos le IRBs hai lakdawk vawng dinga an ngennaa General Strike hi thaw an tum a nih.
Pandam Evening Daily reporter a thisaa hmu
IMPHAL: Pandam evening daily a staff reporter Sougaijam Malabi (34) s/o (L) S. Abhimanhu of Kalanga Jiribam chu zani zingkar khan Wahengbam Leikai-a a chengna room sungah a thisaa hmu a nih. A ruong hi RIMS Morgue-ah sie a ni a, a thi nasan chieng taka hriet la ninaw sienkhawm lungphu chawla thi ni dinga ring a nih.
Prashant Kishor Bihar CM Advisor a ruot
NEW DELHI: Election strategist Prashant Kishor chu Bihar Chief Minister Nitish Kumar Advisor a ruot a nih. A sin hi Cabinet minister rank a nih. Kum 2015-a Bihar Assembly Election-a khan Mr Prashant Kishor hin JD(U), RJD le Congress hai thangna ‘Grand Alliance’ annawleh Mahagathbandhan strategy tha taka induongin BJP an lo hneban ta a nih.
Mr Kishor hin nikum Bihar Assembly Electiona-a Nitish Kumar a thangpui hmain kum 2014 Lok Sabha election campaign a khan tuta PM ni lai mek Narendra Modi chu hnena a lo changpui ta bawk a nih. Kum 2014 Lok Sabha election huna Pu Modi in a hmang rim em em ‘Chai pe charcha’ ( chat over tea) le 3D hologram rallies hai kha Mr Kishor rawt an nih.
B. Sairengpuii service sukseina lakkir
AIZAWL: Mizoram sawrkarin B. Sairengpuii a service keiseia People with Disabilities (PwD) Commissioner-a a ruotna chu student han nawrna nasa tak an nei le inzawmin a service suksei a nina Order lakkir a nih. B. Sairengpuii service keiseia, PwD Commissioner-a ruot a ni dodalnain Mizo Students Union (MSU) inrawinain zani hmasa khan Aizawl City College Joint Students Union (ACCJSU) le Mizoram Blind Society han rally neiin B. Sairengpuii hi a office-ah va lutchil an tum a, Police hai le an inbeituonaah mi iemanizat zetin hliemna an lo tuok ta nghe nghe a nih. B. Sairengpuii hi Mizoram CM Lalthanhawla nuhmei Lal Riliani sangnu a nih. Student ruol hi zanikhan Vanapa Hall bul lai an fekhawm nawk a, Social Welfare Minister P C Lalthanliana in a service keiseina sut a ni thu a puong hnungin resolution 3 siemin an tindar nawk. Resolution an siem hai chu–qualified PwD Commissioner an rang thei anga ruot ding; PwD Commissioner ruotna thuah recruitment rules siem ding le zani hmasaa Police le inbeituonaa hliem hai compensation pek ding ti hai an nih.
Nagaland-ah political organisation thar
DIMAPUR: “Eastern Naga National Government -ENNG” ti hming chawiin Eastern Nagaland-a chun Political organisation thar indin a ni a, ENNG president chu R. Stephen Naga a ni a, hotu dang hai chu Khongwong Mossang (minister of home affairs); M. Saimon (minister of defence) le Kim Juv NG (minister of foreign affairs) hai an nih. ENNG hin armed wing ‘Eastern Naga Independent Army (ENIA) an nei bawk niin R. Stephen chun a hril.
SC in BSP leader thina CBI sui dingin
NEW DELHI: January 25, 2005-a Uttar Pradesh-a Bahujan Samaj Party (BSP) leader Raju Pal thina chungthu chu Supreme Court in CBI suizui dingin a pek dawk. (L) Raju Pal nuhmei Pooja Pal in CBI insuitir dinga ngenna a pek leia SC in CBI suizui dinga a pekdawk a ni a, thla 6 sunga suizuina zo fel dingin an hriettir bawk a nih. Raju Pal thina thua hin Police chun Samajwadi Party MP Atiq Ahmed le a unaupa Ashraf Ahmed hai an man ta a nih.
CBDT Chief thar dingin Atulesh Jindal ruot
NEW DELHI: Senior revenue service officer Atulesh Jindal chu income tax department-a apex policy making body Central Board of Direct Taxes (CBDT) Chairman thar dinga ruot a nih. Mr Jindal hin tuta thla tawpa pension ding A.K. Jain a thlakthleng ding a nih. Mr Atulesh Jindal hi 1978 batch Indian Revenue Service (IRS) officer niin, member (revenue), CBDT sin chel lai mek a nih. A sin hi a pension hma chen thla 6 sung (July, 2016) chen chel a tih tiin senior finance ministry official thusuok chun a hril. CBDT a hin Chairman tiemsa lovin members dang 6 an um a nih.
UoH in Rs. 8 lakh compensation pek dingin
HYDERABAD: Dalit mi Hyderabad University-a Ph.D inchuklai, a ruoldang mi 4 hai le hostel-a inthawk hnawtdawk a ni leia Hostel room sunga inkhaihlum Rohith Vemula Chakravarti sung hai kuomah University of Hyderabad chun zangnadawmna Rs. 8 lakh pek dingin zanikhan a puong. Zangnadawmna hi a nu Radhika kuta inhlan ning a tih tiin University thusuok chun a hril.
VAWISUN THUPUI
A suong taphawt chun hi hi suong lem raw se, kei hi Lalpa lunginsietna neia, rorela, hnuoi chunga hin felna thil thaw hlak chu ka nih ti hre a hrietthiemna chu suong lem raw se; hieng thilhaia hin ka lawm sih a, Lalpa chun a tih. - Jeremia 9:24
Editorial
Ram thuoitu han an thu hril bawzui hai sienla
Ei ram thuoituhai hin thudik le thu tha tak tak, zawm le zui dinga tha tak tak an hril rawn hle a, an hril ang zaah sawm bek sukpuitling hlak hai sienla chu tuta ang em em hin chu hnufuol bik ta nawng ei tih. An thu hril hai hi sukpuitling ni hlak sienla chu bandh, general strike, economic blockade le nuorna chi tum tum um hlak hai khawm hi tuta nek hin a hung tlawm pha ngei ring a um. Chun, an thu hril hai hi sukpuitling pei haisienla mipuihai khawmin an thu hril hai hi zuiin ei zawm ngei ring a um. An thu hril anga an um ngai naw lei tak hin an thu hril hi ei ringzo ta naw a, innghatna tlakin ei ngai ta naw niin an lang.
Sawrkar office-ah ei fe a, ‘file delay’ a tam em em. Ei ram thuoitu, CM le Miisters han mipui hmaah file delay a um tanaw ding thu an hril rawp hlak. Amiruokchu, tuchen hin a zie a la um chuong nawh. File delay fee annawleh sukchangna ding chun sum seng annawleh thil iemani tak pek a tul hlak. Office dawrtu mipuihai lai file a thang sawt leia chierna a la tam dana inthawk hin file delay chungchanga chun hma ei la sawn chuong naw niin an lang. Hi thil hi thawktuhai inthlada lei a ni vawng naw a, ei thil thaw dan system fel naw lei a ni el thei.
File delay lo dinga ei dit chun file deay san ei ram thuoitu han an zawng suok a, an siem that a tul a nih. Mawphurtu pakhat a chawl leia file tawkzui thei lova an khawl vum thur hlak a ni chun, chu system chu a tha nawh tina a ni a, chu chu sukdanglam a ngai ding tina a nih. Chuongang bawkin file fe dan chi hran hran hrat lem, inrang lem le fel lema thaw dan a um a, chuongang chun thaw veng ei tiu tia ei ram thuoituhai hin an rel ngam a tul. A hotu tak le lukhaitu tak han thaw dinga an hril chun file delay na ding san hi a um naw a, a fe zung zung el ding a nih.
Ram thuoituhai hin an thu hril hi hril liem mei mei lovin, an thu hrilin a ngaithlatuhaiah umzie a nei zui am ti khawm enthla zui pei hai sienla nuom a um. A thuhrimin Computer Age ah ei um ta a, Computer khawm office tinah hmang a ni ta a, hienghai hi a nina ding angin Department tam lem hin ei la hmang tangkai tawk naw hle niin an lang. Khawvelin Computer hmanga iengkim an thaw ta laia Computerization ei la fepui chau taluo hi chu an dik nawh, hi thil tiengpanga hin thang lakna ding a la tam hle. Thil iemani thawna dinga Computer- a sielut chawp ngai a la tam taluo hi inzak a um a, sawrkarin hi thila hin thang a lak a, ‘Change’ a siem a hun ta a nih.
Sawrkar thuneituhai hin thutlukna an siem ding hin ngunthluk takin, kil tum tum hrut kuolin, ti takzetin ngaituona seng hlak hai sien, Order chu order a ni anga zawm ngei dinga fetlangpui thei dingin Order insuo hmain ngaituo ngun sienla nuom a um hle. Khapna thupek hran hran suksuok zut zuta a nina ding anga lekkaw nawk a ni sinaw leia mipuiin dan inzana chang ei hriet ta mang naw laia hienganga order inza um lo an insuo pei hi chu thuneitu han ngaituona an seng tawknaw ning a tih ti theiin a um.
Ei ram thuoitu han thu hril chau ni lovin an order annawleh an Notification insuo tasa hai hi an ngaipawimaw tawk naw a, an namnul hlak leiin mipui han iengma lova ei ngai a, thina dam, hliemna dam hi ei ramah a tlung inzing ut el ta niin an lang. Ei ram thuoituhai hin an thu hril ang, an order le notification insuo tasa hai indik le huoisen takin thaw pei hlak hai sienla chu tuta ei ngirhmun anga hin chu um ta nawng ei tih. Ei ram thuoitu han an thu hril hung bawzuiin hung sukpuitling ngei ta hai sienla nuom a um.
CCPUR: Vaiphei Peoples Council (VPC) GHQ hmalaknain zani sun dar 12 khan Khatkhotong Baite, President, VPC GHQ & Chief of S. Munnuam Village chengnain- ah Mr L.M. Khaute, IPS Director General of Police (DGP) Manipur a kaisang lawmpuina hun hmang a nih. VPC President Khatkhotong Baite chun L.M. Khaute, IPS, DGP a lawmpuizie inentirnain puon an siltir bakah Memento inhlanna a nei. Hi huna hin KT. Vaiphei, IPS, IGP (Intelligence); Justice T. Vaiphei, Acting Chief Justice, Guwhati High Court; P. Kamkholal, MDC le JN Baite, MDC hai khawm chawimawinain puon insiltirna a nei bawk.
Khatkhotong Baite chun, LM Khaute in DGP Manipur a hung chel thei hi Pathien le sawrkar ditsakna lei a ni a, Pu LM Khaute in ei rama inremna le muongna a um theina dinga sin tha taka a thaw theina dinga mitin tawngtainaa san dingin a fiel.
Justice T. Vaiphei chun, State tinin DGP pakhat pei an nei a, IPS po povin DGP promotion an hmu vawngnaw lai hiengang ngirhmun Pu Khaute in a hung chang phak chu lawmum a ti thu hrilin DGP a inthawk a pension hnunga khawm Governor chen a hung ni theina dinga mipui hai tawngtaipui dingin a ngen.
Pu L.M. Khaute chun, Thangthuam, IPS kha eini tlangmi Manipur-Tripura Cadre hmasa tak a ni thu hrilin, ama’n IPS a hmu kum 6 hnunga IPS a lut ve chau a ni thu; IPS vawi 3 zet a hmu hnungah Pathienin Uniform service-a lut dinga a mi ruot ning a tih ti ringa IPS pawm a ni thu a hril. IPS dang hai ang lo takin promotion a hmu hlak thu le tukhawm hin ama neka senior lem pakhat um sienkhawm State sawrkar, CM, le minister hai ditsakna leiin DGP ngirhmuna Pathienin a mi sie a nih tia hrilin ‘Nampi thumkhawmna’ huna Pathien kuoma ngaidam inhnina rasuok ni ngei dinga a ring thu a hril.
Road Construction Committee vailiem
CCPUR: JAC Against Anti¬Tribal Bill hnuoia Manipur Tribal Movement Road Construction Committee (MTMRCC) member hai chu Sinzawl¬Tuivai inkar preliminary survey thaw dingin an suok a, zani zingkar 7:30AM khan Hebron EBC Biekin tuolah Thangjang Haokip, President, Kuki Inpi/CCPur in a vailiem a, Rev. Khamlianmang, Coordinator, Mission, PCI( R) in tawngtainain an thla.
Thangjang Haokip chun Guite Road fethlenga nitin mamaw hai phurlut a ni theina dinga Committee chu hma hung la ding le dam taka hung tlungkir nawk dinga a ditsak thu a hril. Survey thawtu ding hai hi MTMRCC Chairman G.Nengdouthang inrawinaa mi 3 an ni a, Works Secy Thathang Langel chu zani hmasa khan Sinzawl khuo a lo tlung tah. Survey team hai fena ding hin Thanthang Langel le SSPP GHQ in Bolero motor 1 an tuok a, mi inphal 7 han a pawimaw le tulnaa hmang dingin Rs. 26,000/- an pek bawk a nih.
EMI Director in a thil hmu dan le thil umzie a hrilfie
CCPUR: For One Life hmalakna le inzawma Manipur a hung Mr. Andy Kizzee P.E., Director/Structural Engineer, Engineer Ministries International(EMI), India chun Jan. 22, 2016 khan Mission Organisations In Jan. 4, 2016 ni a Manipur a lirhning (earthquake) i sawisiet hai enfelna a neina le inzawmin tuolsung chanchinthar lakhawmtuhai inhmupuiin a thil hmu le hriethai hrilna a nei.
EMI hi For One Life fielna anga Manipur a lirhning tlung le inzawma hung an ni thu a hril a. Sum tienga thangpuina EMI hin an pek thei naw a, sienkhawm EMI chun In bawl dan ding,l irhning laka him le tuta lirhning sawisiet hai khawm ienganga thaw ding am, thaw dan ding thalem thurawn an pek thei zing thu a hril.
Hi huna hin Imphal, Leimakhong le Churachandpur Town sunga Mission Organisation In Biekin, Hostel, School le Hospital hai a hmuna ngei fein a enfel a nih. Ama hi Jan. 19, 2016 a kha Manipur hung vuong lut le Jan. 23, 2016 a EMI, South Asia/India, Main Office New Delhi pan nawk ding a nih.
Manipur a a cham sunga a enfel hai hi ienganga thaw ding am hrilhrietna a nei nghal pei a nih. EMI hi tuhin USA, Canada, United Kingdom, India,Uganda, Middle East, North Africa a hai umin rawng an bawl mek a nih.
(LRS Puruolte)
Ngurte khuoah Orientation Prog. hmang
CCPUR: Zani 9:00AM khan Ngurte khuoah Base Level Orientation program on Ngurte Men & Women Farmers Club nei a ni a, Thangchinkhup Guite, DDM/NABARD chun khuolliena thangin hi hun hi a hawng a, functional President in Upa Zarzolien, Secy, Ngurte V/A; Special Guest in St. Paulienvung, EO (Agriculture) le Guest of Honour in Miss Bimola, Specialist Pathology, KVK (ICAR)/CCPur le Miss Manngaihkim, KVK (ICAR)/CCPur hai an thang.
Base level Orientation prog. hunah Thangchinkhup Guite in Farmers Club pawimawna le thu pawimaw tum tum a hril a, Miss Bimola chun Lo nei dan, Miss Manngaihkim in Farmers Club le KVK inzawmna le sin thaw dan ding hai a hril.
Union Cabinet sawidanglam el thei
Arun Jaitley Defence le Piyush Goyal Finance pek ni el theia hril a nih
NEW DELHI: PrimeMinister Narendra Modi chun tuta inthawk sawtnawte hnunga Union Council of Ministers hai sin chel a sawidanglam el theia hril a nih. NDA in Centre-a sawrkarna an siem hnungin ram economy in hmasawn sienkhawm Tax and land reforms tiengpangah inthlakthlengna iengkhawm a um theinaw leiin minister hai sin chel sawidanglam nuomna hi a hung um a ni a, February thla tawp tienga Mr Arun Jaitley in Annual Budget a phar zo huna cabinet sawidanglamna hi um dinga ring a nih.
Cabinet sawidanglam a hung ni chun Finance Minister ni lai mek Arun Jaitley chu Defence portfolio pek le Power and Coal Minister Piyush Goyal chu Finance portfolio pek ni el theia hril a nih. Centre-a BJP inrawinaa NDA in sawrkarna an chel hlim khan Arun Jaitley hin Defence iemanichen a lo chel tasa a nih. Thu dawngna thenkhat ruok chun Finance, Defence, Home, External Affairs le ministries pawimaw hai chu reshuffle hin a tawkbuoi naw ding niin a hril thung.
Cabinet sawidanglam ding le dingnaw thua hin BJP tienga inthawk official taka sukchiengna la um naw sienkhawm PM Narendra Modi in BJP National President election nei hma January 24, 2016 a BJP President Amit Shah le a team (OB) hai 7 - Race Course Road- a a chengnainah bu fakpui ding a fiel hi Union Cabinet sawidanglam tumna leh inzawmna nei dinga ring a nih. Amith Shah hi a term hnina dinga BJP National President dinga thlangtling nawk ni ngei dinga ring a nih. Hi baka hin PM chun Republic Day zo January 27, 2016 khin Council of Ministers meeting a ko a, hi huna hin Economic Affairs (CCEA) in NDA sawrkarin kum 1 le a chanve sunga decisions an lo lak hai ennawnna an nei ding bakah cabinet reshuffle chungthu khawm an ngaituo le minister hai sinthaw dan ennawn le duthusama sin thaw tha lo hai chu Cabinet-a inthawk pei an ni el theia hril a nih.
Assam term 2 MP dinga thlangtling tah Ramen Deka chu Union cabinet- a laklut thar ni el thei a hril a ni bakah Bihar Dy. CM hlui Shushil Kumar Modi khawm Union cabinet a laklut ni el theia hril a ni bawk.
MCP le KCP in Republic Day boycott-nain Strike
IMPHAL: Maoist Communist Party, Manipur (MCP-M) Armed group chun Republic Day boycott-nain January 26, 2016, 5AM-5PM inkar sung khin Manipur-ah darkar 12 sung aw General Strike an thaw ding thu Comrade Nonglen Meitei, Secy. Publicity and propaganda MCP-M in thusuok a siema chun an zieklang.
Kangleipak Communist Party, Poirei Meitei Lup khawmin January 26, 2016 khin Republic Day boycott-nain India hmarsakbiel-ah General Stike an thaw ding thu an puong bawk.
PREPAK(PRO) cadre 1 ralthuom leh man
IMPHAL: January 21, 2016 khan 2-Assam Rifles le Thoubal Police Commando han Khongjam, Thoubal District-a motor inlawn hai an dapnaah PREPAK (PRO) cadre SS. Major Keisham Prabin @ Sagar @ Mangang (39) s/o Keisham Achou Meitei of Patsoi Part-I chu West Germany siem 9mm Pistol 1, magazine 1 le a mu 9 leh an man. Mana um pa hin PREPAK (PRO)-a Assistant Home Secretary chel lai a ni thu le Mizoram le Myanmar inrina bul Torbung, Churachandpur district-a training zo a ni thu an puong. Thoubal Police kutah an peklut niin zanita PRO Assam Rifles thusuok chun a hril.
Motor eksiden-ah mi 10 an hliem
IMPHAL: Zani zantieng 1:00PM vel khan Maruti 800 le Diesel Auto MN01F3844 chu Taothang Lamkhai hmunah an inbaw a, nuhmei naupang 2 thangin mi 10 an hliem. Hliem hai hi RIMS casualty ward-ah admit an nih. Auto driver K. Rojit Kumar (28) s/o K. Tomba of Phumlou chun, passenger phura Imphal a inthawk Phumlo pana a tlan lai mek Maruti hin a hung baw niin a hril a, Maruti Car khaltu hi Zu an rui niin a hril bawk. Car khaltu hi a tlanhmang leiin man a la ni nawh a, Lamsang Police Station-ah case registered a nih.
Gaan -Ngai Festival hmang a nih
IMPHAL: Manipur-a chun zanikhan district tum tum haiah Zeliangrong hnam hai Kut pawimaw ‘Gaan Ngai” festival hmang a nih. State Level in Changangei Kabui Village, Imphal West-ah hmang a nih.
hmang a nih. Hi huna hin Dy. CM Gaikhangam, Minister of social welfare A.K. Mirabai; TN. Haokip; Hill Areas Committee Vice Chairman Kikonbou Newmai hai khawmin an uop bakah UCM, AMUCO le Civil Society tum tuma organisation leaders hai thang bawk.
Jt. Security meet an huoihawt
IMPHAL: Republic Day hmangna ding le inzawmin 9 Sector Assam Rifles hnuoia 12-Bihar Regiment chun zanikhan “Security Meet and Interaction” an buotsai a, hi huna hin Mayang Imphal le Wangoi Police station Offier in-charge; Village headmand, society leaders, local club secretary, gram pradhans, youth club presidents, ex-servicement le Meira
Paibi hai an thang tawl.
Migratory birds tiemna sin tan
IMPHAL: Clubs, Organisations le NGOs tum tum hai chun Manipur Forest Department le thangruolin Loktak Lake a um Migratory Birds tiemna sin an tan. Range Forest Officer Kh. Hitler Singh chun, nikum nekin Migratory birds hi an tlawm lem niin a hril.
UNC in Jan. 24 -ah darkar 48 Gen. Strike
IMPHAL: United Naga Council (UNC) chun Jan.24, 2016 zanril-a inthawk khin Manipur-a tlangmi hai chengna biel huop sungah darkar 48 General Strike thaw an tum. General Strike hin sakhuona thil, earthquake related activities, inchuknain, medical, electricity, water supply le media hai chu huopsa naw nih. Anti-Tribal Bills 3 a passed chungthu sawrkar thlungui hung inrawl ding bakah “Re-Organising of Police District Boundaries” Notification/Order insuoa um chu kansel ding; SoO le Ceasefire neina huom sung haia Manipur Police Commandos le IRBs hai lakdawk vawng dinga an ngennaa General Strike hi thaw an tum a nih.
Pandam Evening Daily reporter a thisaa hmu
IMPHAL: Pandam evening daily a staff reporter Sougaijam Malabi (34) s/o (L) S. Abhimanhu of Kalanga Jiribam chu zani zingkar khan Wahengbam Leikai-a a chengna room sungah a thisaa hmu a nih. A ruong hi RIMS Morgue-ah sie a ni a, a thi nasan chieng taka hriet la ninaw sienkhawm lungphu chawla thi ni dinga ring a nih.
Prashant Kishor Bihar CM Advisor a ruot
NEW DELHI: Election strategist Prashant Kishor chu Bihar Chief Minister Nitish Kumar Advisor a ruot a nih. A sin hi Cabinet minister rank a nih. Kum 2015-a Bihar Assembly Election-a khan Mr Prashant Kishor hin JD(U), RJD le Congress hai thangna ‘Grand Alliance’ annawleh Mahagathbandhan strategy tha taka induongin BJP an lo hneban ta a nih.
Mr Kishor hin nikum Bihar Assembly Electiona-a Nitish Kumar a thangpui hmain kum 2014 Lok Sabha election campaign a khan tuta PM ni lai mek Narendra Modi chu hnena a lo changpui ta bawk a nih. Kum 2014 Lok Sabha election huna Pu Modi in a hmang rim em em ‘Chai pe charcha’ ( chat over tea) le 3D hologram rallies hai kha Mr Kishor rawt an nih.
B. Sairengpuii service sukseina lakkir
AIZAWL: Mizoram sawrkarin B. Sairengpuii a service keiseia People with Disabilities (PwD) Commissioner-a a ruotna chu student han nawrna nasa tak an nei le inzawmin a service suksei a nina Order lakkir a nih. B. Sairengpuii service keiseia, PwD Commissioner-a ruot a ni dodalnain Mizo Students Union (MSU) inrawinain zani hmasa khan Aizawl City College Joint Students Union (ACCJSU) le Mizoram Blind Society han rally neiin B. Sairengpuii hi a office-ah va lutchil an tum a, Police hai le an inbeituonaah mi iemanizat zetin hliemna an lo tuok ta nghe nghe a nih. B. Sairengpuii hi Mizoram CM Lalthanhawla nuhmei Lal Riliani sangnu a nih. Student ruol hi zanikhan Vanapa Hall bul lai an fekhawm nawk a, Social Welfare Minister P C Lalthanliana in a service keiseina sut a ni thu a puong hnungin resolution 3 siemin an tindar nawk. Resolution an siem hai chu–qualified PwD Commissioner an rang thei anga ruot ding; PwD Commissioner ruotna thuah recruitment rules siem ding le zani hmasaa Police le inbeituonaa hliem hai compensation pek ding ti hai an nih.
Nagaland-ah political organisation thar
DIMAPUR: “Eastern Naga National Government -ENNG” ti hming chawiin Eastern Nagaland-a chun Political organisation thar indin a ni a, ENNG president chu R. Stephen Naga a ni a, hotu dang hai chu Khongwong Mossang (minister of home affairs); M. Saimon (minister of defence) le Kim Juv NG (minister of foreign affairs) hai an nih. ENNG hin armed wing ‘Eastern Naga Independent Army (ENIA) an nei bawk niin R. Stephen chun a hril.
SC in BSP leader thina CBI sui dingin
NEW DELHI: January 25, 2005-a Uttar Pradesh-a Bahujan Samaj Party (BSP) leader Raju Pal thina chungthu chu Supreme Court in CBI suizui dingin a pek dawk. (L) Raju Pal nuhmei Pooja Pal in CBI insuitir dinga ngenna a pek leia SC in CBI suizui dinga a pekdawk a ni a, thla 6 sunga suizuina zo fel dingin an hriettir bawk a nih. Raju Pal thina thua hin Police chun Samajwadi Party MP Atiq Ahmed le a unaupa Ashraf Ahmed hai an man ta a nih.
CBDT Chief thar dingin Atulesh Jindal ruot
NEW DELHI: Senior revenue service officer Atulesh Jindal chu income tax department-a apex policy making body Central Board of Direct Taxes (CBDT) Chairman thar dinga ruot a nih. Mr Jindal hin tuta thla tawpa pension ding A.K. Jain a thlakthleng ding a nih. Mr Atulesh Jindal hi 1978 batch Indian Revenue Service (IRS) officer niin, member (revenue), CBDT sin chel lai mek a nih. A sin hi a pension hma chen thla 6 sung (July, 2016) chen chel a tih tiin senior finance ministry official thusuok chun a hril. CBDT a hin Chairman tiemsa lovin members dang 6 an um a nih.
UoH in Rs. 8 lakh compensation pek dingin
HYDERABAD: Dalit mi Hyderabad University-a Ph.D inchuklai, a ruoldang mi 4 hai le hostel-a inthawk hnawtdawk a ni leia Hostel room sunga inkhaihlum Rohith Vemula Chakravarti sung hai kuomah University of Hyderabad chun zangnadawmna Rs. 8 lakh pek dingin zanikhan a puong. Zangnadawmna hi a nu Radhika kuta inhlan ning a tih tiin University thusuok chun a hril.
VAWISUN THUPUI
A suong taphawt chun hi hi suong lem raw se, kei hi Lalpa lunginsietna neia, rorela, hnuoi chunga hin felna thil thaw hlak chu ka nih ti hre a hrietthiemna chu suong lem raw se; hieng thilhaia hin ka lawm sih a, Lalpa chun a tih. - Jeremia 9:24
Editorial
Ram thuoitu han an thu hril bawzui hai sienla
Ei ram thuoituhai hin thudik le thu tha tak tak, zawm le zui dinga tha tak tak an hril rawn hle a, an hril ang zaah sawm bek sukpuitling hlak hai sienla chu tuta ang em em hin chu hnufuol bik ta nawng ei tih. An thu hril hai hi sukpuitling ni hlak sienla chu bandh, general strike, economic blockade le nuorna chi tum tum um hlak hai khawm hi tuta nek hin a hung tlawm pha ngei ring a um. Chun, an thu hril hai hi sukpuitling pei haisienla mipuihai khawmin an thu hril hai hi zuiin ei zawm ngei ring a um. An thu hril anga an um ngai naw lei tak hin an thu hril hi ei ringzo ta naw a, innghatna tlakin ei ngai ta naw niin an lang.
Sawrkar office-ah ei fe a, ‘file delay’ a tam em em. Ei ram thuoitu, CM le Miisters han mipui hmaah file delay a um tanaw ding thu an hril rawp hlak. Amiruokchu, tuchen hin a zie a la um chuong nawh. File delay fee annawleh sukchangna ding chun sum seng annawleh thil iemani tak pek a tul hlak. Office dawrtu mipuihai lai file a thang sawt leia chierna a la tam dana inthawk hin file delay chungchanga chun hma ei la sawn chuong naw niin an lang. Hi thil hi thawktuhai inthlada lei a ni vawng naw a, ei thil thaw dan system fel naw lei a ni el thei.
File delay lo dinga ei dit chun file deay san ei ram thuoitu han an zawng suok a, an siem that a tul a nih. Mawphurtu pakhat a chawl leia file tawkzui thei lova an khawl vum thur hlak a ni chun, chu system chu a tha nawh tina a ni a, chu chu sukdanglam a ngai ding tina a nih. Chuongang bawkin file fe dan chi hran hran hrat lem, inrang lem le fel lema thaw dan a um a, chuongang chun thaw veng ei tiu tia ei ram thuoituhai hin an rel ngam a tul. A hotu tak le lukhaitu tak han thaw dinga an hril chun file delay na ding san hi a um naw a, a fe zung zung el ding a nih.
Ram thuoituhai hin an thu hril hi hril liem mei mei lovin, an thu hrilin a ngaithlatuhaiah umzie a nei zui am ti khawm enthla zui pei hai sienla nuom a um. A thuhrimin Computer Age ah ei um ta a, Computer khawm office tinah hmang a ni ta a, hienghai hi a nina ding angin Department tam lem hin ei la hmang tangkai tawk naw hle niin an lang. Khawvelin Computer hmanga iengkim an thaw ta laia Computerization ei la fepui chau taluo hi chu an dik nawh, hi thil tiengpanga hin thang lakna ding a la tam hle. Thil iemani thawna dinga Computer- a sielut chawp ngai a la tam taluo hi inzak a um a, sawrkarin hi thila hin thang a lak a, ‘Change’ a siem a hun ta a nih.
Sawrkar thuneituhai hin thutlukna an siem ding hin ngunthluk takin, kil tum tum hrut kuolin, ti takzetin ngaituona seng hlak hai sien, Order chu order a ni anga zawm ngei dinga fetlangpui thei dingin Order insuo hmain ngaituo ngun sienla nuom a um hle. Khapna thupek hran hran suksuok zut zuta a nina ding anga lekkaw nawk a ni sinaw leia mipuiin dan inzana chang ei hriet ta mang naw laia hienganga order inza um lo an insuo pei hi chu thuneitu han ngaituona an seng tawknaw ning a tih ti theiin a um.
Ei ram thuoitu han thu hril chau ni lovin an order annawleh an Notification insuo tasa hai hi an ngaipawimaw tawk naw a, an namnul hlak leiin mipui han iengma lova ei ngai a, thina dam, hliemna dam hi ei ramah a tlung inzing ut el ta niin an lang. Ei ram thuoituhai hin an thu hril ang, an order le notification insuo tasa hai indik le huoisen takin thaw pei hlak hai sienla chu tuta ei ngirhmun anga hin chu um ta nawng ei tih. Ei ram thuoitu han an thu hril hung bawzuiin hung sukpuitling ngei ta hai sienla nuom a um.
