Responsive Ad Slot

Unity Carol Service Aizawl ah, World Record siem tum, EFCI Choir in hlapawl rem ve ding

Friday, December 4, 2015

/ Published by VIRTHLI
Aizawl, 4th Dec, 2015 (Virthli News): Mizo Theological Association (MTA) hmalakna in hung tlung ding December ni 22 hin Aizawl ah kohran popo huopin Unity Carol Service buotsai ning a ta, hi huna hin “Halleluia Chorus” sakin mi singkhat hlapawl (Ten thousand voices) rem tum niin world record siem tum a nih.

Lelte Award lo la tah Aizawl EFCI Choir chu hi hunpui a hin hlapawl rem dinga fiel an ni a, EFCI kohran a inthawkin female voice- Rosy Vanlalhlanin, Caroline Biakthansangi le Laremkimi haiin nei bawk an tih.


MTA á¹­huoituhai chun vawisun khan Aizawl Press Club ah chanchinbumi hai pawlin Unity Carol Service chu December ni 22, zan dar 7 ah AR ground (Lammual) ah nei an tum thu an hril a, kohran thlierbik um lova Mizoram sunga kohran popo hai chu inlungruol tak le hlimtaka hi hun hi hmang tlang dingin a ngen a nih. Mizorama kohran tina á¹­halai popo bakah nu le pa haiin lungril inhawng le hlimtaka Lal piengni champha lo urlawkna dinga Unity Carol Service hi buotsai tum anni thu an hril bawk

Hi huna hin hlawpawl le malzai bakah, duet (pahni inkawpa hlaksak) um a ta, Mizoram hlaksakthiem hieng Pensy B. Lalthangliani (TKP), Vanlalpari (KTP), Lalduhsaki (KTP), Rebecca Zorintluangi (SAY), Esther Lalrinhlui (KTP), Andrew Laltlankima (KTP), Margaret Malsawmtluangi (Maggi)(KTP), Rosie K. Remsangpuii le mi dang dang ha’n hlasakna an nei ding bakah, Aizawl EFCI Choir, Aizawl Area Baptist Choir, Mizoram Synod Choir & Territorial Staff Songster hai in hlawpawl rem bawk an tih. Hi baka hin á¹­awngá¹­ai ruolna (mass prayer) nei ni bawk a tih.
Don't Miss
© all rights reserved
made with by Simon L Infimate