Tuolsung
Dec. 1 in World AIDS Day hmang ding
CCPUR: Zani 11:30AM khan Dr Phirthanglien Buhril, District AIDS Control Officer inrawinain a office chamberah staffs, NGOs, MSF le World Vision han meeting an nei a, December 1, 2015 nia World AIDS Day (WAD), 2015 hmang dan ding an hriltlang.
World AIDS Day chu December 1, 2015 in CMO Conference Hall, CMO Campusah hmang ning a ta, Special Guest in line department hai po hmang ding; kumdanga hmang naw dan deuin tukum World AIDS Day chu People Living With HIV (PLHIV) context a hmang tum a ni a. Hi le inzawm hin Press/Media hai khawm PLHIV hai ta dinga thil inhawi lo chen chena thla an lak phal lo ding, District Legal Service Authority han Legal Rights thuah PLHIV hai training an pek ding tiin meeting chun an rel. Chun, “Safe Baby Show” buotsai ding le World AIDS Day niin DAPCU inrawinain Single Window Model lekhabu siem thar thlangzar ding tiin an rel bawk.
Loans Rs.15,493.47 lakh vel sem
CCPUR: Zani 11:30AM khan DC Officea BRGF Resource Centreah Banks le inzawmin Mr Lunminthang Haokip, IAS, DC/CCPur inrawinain District Consultative Committee (DCC)/District Level Review Committee (DLRC) meeting nei a nih. Hi huna hin Chief Manager, Lead Bank bakah CCPura Bank tum tuma official hai thangin September 30, 2015 chena Bank sum ngirhmun hai ennawnna an nei.
Hi dungzui hin September 20, 2015 chen khan CCPur District sunga Banks haiah sum Rs. 35,333.13 lakh deposit(sielut) a ni a, hienghai lai hin Rs. 15,493.47 lakh loan/advance semdawk a ni a, CD ratio 44% a tling. Priority sectorah loan Rs.10,337.12 lakh semdawk a ni a, hi hi 67% a tling. Agri fethlengin direct loan Rs. 2,970.86 lakh sem a ni a, hi hi 19% a nih. Weaker Section ah loan Rs. 4,000.10 semdawk a ni a, hi hi 26% a nih.
Fak siemna hmangruo sem
CCPUR: T. Goukhomang, ZEO/CCPur inrawinain Kaikhanlian Guite, DI of School, CCPur le H. Kapneithang, DI of Singngat han zani 12:00Noon khan ZEO/CCPur le ADC, CCPur hnuoia Mid Day Meal dawngtu dinga thlang School hai kuomah Mid Day Meal siemna hmangruo sem a nih. ZEO hnuoia Schools 79 le District Council hnuoia Schools 158, an rengin Schools 237 hai kuomah fak siemna hmangruo (kitchen device/utensils) semdawk a nih. School pakhat pei kuomah Dekchi bel 1, thleng 15 le water filter 1 pei pek an nih.
Demand Generation Prog. hmang
CCPUR: Zani 10:30AM a inthawk khan PTC GHQ Hall, Hiangtam Lamka hmunah SAATHII support SVAVRITTI Project, MNP+ buotsainain Demand Generation Programme hmang a nih. Hi huna hin N.Pramo Devi, Executive Board member in keynote address hrilin Randhoni Lairikyengbam, Sr. Prog. Manager & PO, SVAVRITTI Project, SAATHII chun overview of project concept of social protection central and state schemes chungthu a hril. Technical session a chun Seiboi Mate, Dist. Program Manager, NHM le department representative han hi schemes hnuoia mipuiin hamthatna an hmu thei ding hai hrilhrietna neiin hriltlangna hun hmang a ni bawk.
Punjab Congress Prez. dingin Amarinder
NEW DELHI: Punjab Congress President Pratap Singh Bajwa le State Congress Legislative Party leader Sunil Jakhtar hai chun zanikhan an ninaa inthawka inbanna an peklut. An inbanna hi AICC President Sonia Gandhi kuoma an pek niin AICC General Secretary Shakeel Ahmed chun a hril a, an inbanna hi Sonia Gandhi chun a pawmpek ta niin a hril bawk.
Pratap Singh Bajwa inbanna pawmpek a ni le inzawmin Punjab Chief Minister hlui Amarinder Singh chu zanikhan Punjab Congress President dinga ruot a ni bakah senior Congress leader le Union Minister hlui Ambika Soni chu 2017 Punjab Assembly Electiona Campaign Committee a Chairperson dinga ruot a nih tiin AICC general Secretary Janardan Dwivedi chun a hril. Chun, minister hlui Lal Singh chu senior vice President ding ruot a ni a, Dalit leader Sadhu Singh Dharamsot chu Campaign Committeea ViceChairman dinga ruot a ni a, Ludhiana MP le Punjab CM hlui Beant Singh naupa Ravneet Singh Bittu chu Campaign Committee Convener dinga ruot a ni bawk.
GST thuah PM in Sonia Gandhi le Dr Manmohan Singh an hmupui
NEW DELHI: Prime Minister Narendra Modi chun zani zantieng khan PM hlui Dr Manmohan Singh le Congress President Sonia Gandhi hai a chengnainah thingpui dawnpuina neiin Parliament Winter Session fe mek sunga tax reform lien takel Goods and Services Tax (GST) Bill pass a ni theina dinga sawrkar thlawp dingin Congress a ngen. PM in Dr Manmohan Singh le Sonia Gandhi hai an hmupui huna hin Union Minister Arun Jaitley le Venkaiah Naitu hai khawm an thang. Tuta tum hi BJP in nikum General Election a hratna an chang hnunga PM Modi le Sonia Gandhi hai hmaisana an inhmu vawikhatna a nih. Hi huna hin Congress hotu pahni hai chun GST billa hin pawm theilo point 3 an nei hai hi huna hin an hrillang a, chu le inzawma sawrkar in a dawnna chu Congress leaders han la hung hriltlang nawk an ta, main opposition party hai leh GST thuah meeting la nei nawk ning a tih tiin Finance Minister Arun Jaitley chun a hril.
GST Bill hi kum 2011a kha phar ta a ni a sienkhawm consensus a um theinaw leia pass lova la um a ni a. BJP inrawina hnuoia NDA sawrkar chun India Economy siemthatna dinga thil pawimaw tak nia a hriet leiin April, 2016 chena hmang hman tumin hma a lak a, Parliament Session nuhnung taka khan Lok Sabhaa chun passed a ni ta a, sienkhawm Rajya Sabhaah BJP chu minority anni leia pendinga um a nih. Hi Bill Rajya Sabha a pass a ni theina dingin Congress thlawpna a mamaw a, Congress thlawpna a hmunaw chun ti huna sawrkarin hi Bill hi a hmang hman naw ding a nih.
Zanikhan Parliament Winter Session fe meka a ni hnina zani khan India Constitution induongtu Dr BR Ambedkar piengchampha vawi 125na le inzawmin Constitution chungthu hriltlang nawk a nih. Parliamentary Affairs Minister Venkaiah Naidu chun hriltlangna tanin sawrkar chun Opposition han issue an nei hai sawrkarin hriltlang an pei zing thu; pendinga um Women Reservation bill pass a ni theina dinga hriltlang a ni ding thu, Narendra Modi sawrkarin mi hnuoihnung hai dawmsangna dinga scheme tam tak a thaw chungthu, constitution a derthawng naw thu hrilin Opposition hai chu sawrkar thlawp dingin a ngen.
Congress leader Jyotiraditya Scindia ruok chun intolerance chungthuah sawrkar khakin, Intolerance thuah sawrkarin iengkhawm a thaw nawh tia intumin, SCs/STs hai chunga nunrawngna sukbo a ni theina dinga Bill siem dingin a ngen. Lok Sabha a Opposition leader Ghulam Nabi Azad chun Social Welfare Ministry in November 26 Constitution Day a hmang dinga an suo chu dan kal a nih tia hrilin Home Ministry insuo ding a ni thu a a hril.
PM Narendra Modi chun hriltlangna zawm vein, Constitution chu India ram chi tam tak um hai mi khuopkhawmtu a nih tia hrilin India ram hmasawnna dinga sawrkar hmasa hai hmalakna inhmai ruol a ninaw thu, India constitution chu India mi hai ropuina le pumkhata mi siemtu; Constitution lo induongtu Dr BR Ambedkar an pak thu hrilin Democracy vawnghim peina dinga Constitution pawimawna le thienghlimna hi mipui laia tu pei ding a nih tiin a hril.
Joykishan le Bishwajit han MLA dinga intiemkamna an nei
IMPHAL: Thangmeiban le Thongju biel haia November 21, 2015 nia Assembly byelection neia uma thlangtling BJP ticketa thlangtlinga um ve ve Khumukcham Joykishan (Thangmeiband A/C) le Thongam Bishwajit (Thongju A/C) han zanikhan Manipur Legislative Assemblyah Assembly Speaker Th. Lokeshwar hmaah MLA dinga intiemkamna an nei. MLA dinga intiemkamna an nei huna hin Ministers le MLAs han an uop tawl.
Kh.Joykishan le Th. Bishwajit hai hi 10th Manipur Legislative Assembly Election huna kha Trinamool Congress ticketa MLA dinga thlangtling; sienkhawm BJP an zawm leia 10th Schedule of Indian Constitution dungzuia Anti Defection law hnuoia Manipur Assembly Speaker in a lo disqualified, hi leia an seat ruok haia November 21, 2015 a kha byelection neia hung um, chu huna thlangtlinga um nawk ve ve an nih.
Th. Bishwajit chun a constituencya economic ngirhmun dawmsangna dinga hma a lak ding thu a hril a, Kh. Joykishan chun State Assemblyah Opposition ngirhmun umzie nei taka a hmang ding thu a hril.
Siroy Lily chungthuah KSA in hrilfiena siem dingin sawrkar an ngen
IMPHAL: Kangleipak Students Association (KSA) chun, Nagaland Board hnuoia Class IX le X textbooka Ukhrul hmuna um Siroy Lily chungthu hi that “Shiroy Lily” ( Lilium Shirohi) is found on “Shiroy mountain” in Nagaland’ tia inchuon a ni a, hi chungthuah Manipur sawrkar hrilfiena siem dingin an. KSA President, Moirangthem Laxman chun, hi chungthuah Nagaland sawrkar le inbiea hrilfiena sawrkarin a siemnaw chun nuorna le helna an thaw tan ding thu zanita Leimayol Art Centre, Singjamei Chingamakha hmuna 10th foundation day an hmangna huna a hril. Nagaland textbooka Shiroy lily Nagland ram sunga um a nih tia inchuon a ni chungthu hi Manipur Assembly a khawm hriltlang a lo ni ta a nih.
KSA foundation day hmangnaa hin Prof. N. Mohilal, Dean of Students Welfare, MU khuollienin a thang a, M. Lakshman le Dr Chingangbam Sarat hai chu functional president le guest of honour in an thang.
N. Mohilal chun, kum 2016 sessiona inthawk Manipur University ah Fine Arts ah Master degree inchuk thei a ni ta ding thu a hril.
DoNER Secretary in CM an hmupui
IMPHAL: DoNER Secretary Naveen Verma chun zanikhan Manipur CM O.Ibobi Singh chu a official chamberah an hmupui a, hi huna hin state planning Department officials hai khawmin an tawiawm. Ieng thu am an hril ti ruok chu hi thu ei sut chena hin hrietna ei nei nawh.
Hieng laizing hin Manipur Sangai Tourism Festival sim ve ding hung Chinese Ambassador to India Le Yucheng chun a Manipur a suoksan hmain vawisun 10:30AM hin Hotel Classic grande ah Media hai inpawlpuina nei a tih.
AMC Electionah MNF an hrat; LADC Electionah votes 85.22% a tla
AIZAWL: Mizorama Aizawl Municipal Corporation (AMC) seats 19 uma Councillor electiona chun Mizo National Front (MNF) in seats 11 lain party mala tling rawn tak an nih. Sawrkarna siemtu Congress chun seat 8 an lak a, BJP le Zoram Nationalist Party (ZNP) hnuoia National Democratic Alliance (NDA) chun seat lak an nei nawh.
Hieng laizing hin Mizorama seat 25 umna Lai Autonomous District Council (LADC) Election November 26, 2015 nia neia chun votes 85.22% a tla niin State Election Commissioner chun a hril. LADC Electiona khan candidates 74 an um a, sawrkarna siemtu Congress le MNF chun seat tinah candidate an nei a, vote tla hai tiemna November 28, 2015 hin nei ning a tih.
Nuhmei tawkbuoi tum AR personnel man
AIZAWL: Mizorama Serchhip districta um Assam Rifles personnel Sarvjit Singh chu November 25, 2015 zantieng 4PM vel khan Serchhipa AOC vengah nuhmei tleirawl pakhat tawkbuoi tumin a hnawt tia intumna le inzawmin Police han an man. Nuhmei tleirawl hi lampuia a fe laiin Sarvjit Singh hin kuobet a tum a, sienkhawm nuhmeinu hi a tlan leiin a hnawt pei a, nuhmeinu hi dawr pakhata tlanlutin dawra lo um han an sanhim a nih. Hi thil tlung le inzawma lungsen mi thenkhat chun Sarvjit Singh hi an vuok hliem hman met a, sienkhawm Police hai an va fe hman leiin an vuok na hman naw a, Aizawl tieng an thuoi.
PoK chu Pakistan kutah um zing a tih: Farooq
NEW DELHI: Jammu and Kashmir Chief Minister hlui le National Conference Chief Farooq Abdullah chun, Pakistan Occupied Kashmir (PoK) chu Pakistan kuta umzing a ta, Jammu and Kashmir ruok chu India ramah um a tih tiin zanikhan reporter hai kuoma a hril a, hi thil hi ei hrietthiem a tul tiin a hril bawk. Indona hi ei buoina sukvengna ding a ni naw a, mihriem hringna channa mei mei a nih; inbieka chingfel chu a lampui umsun a nih tiin a hril bawk.
Jammu and Kashmir Dy. Chief Minister Nirmal Singh chun Farooq thuhril hi kalin, 1994 Parliament resolution dungzuiin Pakistan Occupied Kashmir (PoK) hi constitutionaly in India ram a nih tiin a hril.
British awpbetna hnuoia inthawk kum 1947a India le Pakistan ram thendar a nia inthawk khan India le Pakistan hai chu vawithum lai zet an lo indo ta a, chu hai laia indo vawihni hai chu Kashmir chungthua indona a nih. Jammu and Kashmir hi India le Pakistan ram thedar huna khan India rama zieklut nisienkhawm Pakistan chun lak tumin thang a khaw zing leiin tuchen khawm hin Pakistan le India inrina J&K a chun ralmuong ti a um tak tak thei naw zing a nih.
Pak. Terrorist han India bei an tum:IA
NEW DELHI: Pakistan’s ISI chun tulai hnai el khan meeting an nei a, meeting huna hin Pakistan thangsana um LashkareTaiba (LeT), Hizbul Mujahideen le JaisheMuhammed (JeM) thuoitu hai an thang a, hieng terrorist group pathum hai chu Pakistan ISI han India bei dingin an inhriettir niin intelligence agencies hai chun report an dawng. Pakistan ISI hai hin hieng terrorist hai hi logistical tiengpangah an thangpui niin report chun a hril a, ISI inrawitu hi Showkat Khan niin an hril bawk. Terrorist hai chu vur in lampui hai a dang hma ngeia India rama lut dingin ISI hai chun an inhriettir niin report chun a hril.
Hienganga intelligence report dawng a ni lei hin Pakistan le inrina Jammu and Kashmir a chun sawrkar in venghimna a sukkhau zuol.
An classmate suolluia WhatsAppa thawndartu mi 4 man
MUMBAI: Maharashtraa Class IX le Class X inchuklai pasal 4 hai chun an classmate nuhmei kum 15 mi chu November 8, 2015 khan an suolhrawn a, mobile phone hmanga an suollui lai thla an lak video WhatsApp hmanga an thawndar leiin Police han an man. Hi thil tlung hi suolhrawna um nu Nî (Aunt) in a video a dawnga inthawk hrietsuoka hung um chau a nih. An classmate suolhrawntu mana um hai hi kum tlinglo vawng an ni leiin Juvenile homea sie an nih.
A suolluitu hai hin a hril dawk chun internetah a video thedar dinga an vau leia nuhmei tleirawlnu hin iengkhawm hril loa a lo ip nia hril a nih.
Rs. 22 crore le tlan hmang Van Driver man
NEW DELHI: Zani hmasaa a pawisa phur Rs. 22 crore le tlan hmang Van driver Pradeep Shukla chu zani zingkar khan Delhi Police han Okhla industrial area lai an man. Pawisa hai khawm kim taka hmukir a nih tiin Police chun an hril. Pawisa phurtu Van vengtu han a driver hi Govindpuri Metro station lai chawlhadam dinga a motor an sukchawlpui huna a pawisa phur hai le tlan hmang nia hril a nih.
ED in Himachal Pradesh CM an ko
NEW DELHI: Himachal Pradesh Chief Minister Virbhadra Singh chu sawrkar sum chawkchawrawina le inzawmin an hmaa inlang dingin Enforcement Directorate (ED) in an ko. Virbhadra Singh hi Prevention of Money Laundering Act (PMLA) hnuoia September, 2015a kha case file khum tasa a nih. Singh hi Union Minister of Steel a ni laiin ama le a sung hai chun kum 200911 sung khan sum Crore 6 chuong an sukchavaia intum a nih.
VAWISUN THUPUI
Ei Pathien le Pa mithmua sakhaw biek dan inthieng le, suol thangnaw chu hi hi a nih, fahra le hmeithaihai an rimsik laia kan le khawvel inthiengnawna kai loa insiem hi. Jakob 1:27
Editorial
Sumdawng lungril put Doctor
Tulai khawvelah Doctor (medical) ni nuom, inchuk nuom ei pung nuom sawt hle. Nu le pa tam tak khawmin an thiemna in a tlin a, ei neizo a ni phawt chun doctor inchuktir ei tum ta khawm niin an lang. A nina taka chun medical doctor hi missionary hai ang thoa rawngbawlna (service) chikhat a ni ve a, Nurses khawm niraw seh, medical profession hai hi rawngbawlna vawng an ni a, sumdawngna a ni nawh. Hieng laizing hin nu le pa amani, annawleh Doctor inchuk nuom hai hin iengleia doctor (medical) ni nuom am ei ni ti zawna (?) hang indawn chawt inla, a tamlem hai dawnna chu, a tawi zawngin ‘sin hmunaw ti a umnaw el khelah a hlawk’ ti ni ngei a tih. Khawvel a changkang peia, mamaw a pung pei bawk leiin kawngkhata chun inthiemnaw thei ei ni nawh.
Amiruokchu, hiengang lungril puta doctor inchuk nuom annawleh Doctor ni ta dam ei lo ni chun ei profession thil tum ei thel chieng hle a nih ti ei hriet nuom a um. A san chu “the prime object of the medical profession is to render service to humanity; reward or financial gain is a subordinate consideration’ ti a nih. Hi lei hin a nina taka chun Doctor sin hi mi duam le mani tanghma siel hai thaw ding a ni naw a, mani profession dan kalna le Pathien hming sukpawina a nih. Mitinin fak le dawn, sil le bil le khawsak relna dingin sum le pai ei mamaw in ei dit seng. Hlawk taka fakzawng ei nuom a ni chun sumdawng el ding a nih.
Mihriem hai hi na thei, damnaw thei le eksiden annawleh tuoksuol tuoka hliemna tuok thei vawng ei ni leiin khawvel mihriem doctor mamaw lo tukhawm ei um nawh. Doctor hai hi Pathienin khawvela a mihriem siem hai hringna santu dinga mihriem hai kuoma lungvar le thiemna hmanga an duong an ni a, Pathien angin hringna siemin mithi sukdam theinaw hai sienkhawm damnaw le bawrsawm hai hmangai taka enkawltu dinga an duong an nih. Hi lei hin inza a um em em a, “noble profession” ti a ni bawk a nih. Hieng laizing hin tulaia ei Doctor a tam lem hai hin an profession hi rawngbawlna nekin sumdawng lungril ei put tlangpui ti inla ei hril suol taluo ring a um nawh.
Doctor nisi rawngbawlna lungril put loa, sumdawng lungril puttu hai hi mi tium tak, hlawk hnawta sumdawngtu hai neka tium an nih. A san chu, sumdawngtu hai chun sum hlawk tam tak an hmu theina dingin inngaitlawm takin mi an biek hlak a, anni dawrtu hai suklawm hram hram an tum hlak. Sumdawng lungril put doctor hai ruok chun ei nat le damnaw huna ei pan ngei ngei ding an nih ti an inhriet leiin a pantu tam tak hai lungril an sukhliem a, sum tam tak la siin mi lungril na takin an siem rawp hlak. Ei lungril lo na de sien khawm ei pan an tul nawk hlak si!
Ei damnaw a, ei mamaw hlak chun pan naw thei an ni si nawh! Tulai thangthar hai lai dan pangngaia nau nei ei tlawm ta em em khawm hi ngaituo tham tak a tling. Sawrkarin hlaw neia a ruoi ni si, Clinic hawng doctor ei pung nuom sawt hle. Clinic an hawng chu a tha, sienkhawm a bik takin nau nei ding (in at ding) tam tak hai hi an thawkna sawrkar Hospital ni lovin a seng tamna Private Hospital/clinic haia admit dingin an refer rawp hlak. Hi hi thil dam hi ngaituo tham tak a tling ta a nih. Nau nei a tamlem hai hlak hi atdawk (ceaserian) an ni ta a, nau atdawk man hlak a kum telin a pung a, atdawka nau nei ding hai chun beifet a ngai pei ding chu ni awm tak an tah! A physician shall uphold the dignity and honour of his profession’ ti a ni lai zingin Doctor then tam tak lem chun duamna leiin an nina hmangsuolin an damnaw enkawl hai taksa bung chen inruin an zawr ruk hlak ti Chanchinbu le TV haia ei hmu hlak a, hiengang mi hai hin an Medical profession inzaum tak kha nasa takin an sukhmelhem hlak a nih.
Doctor thenkhat lem hi chu an indutawk thei hle, ei pan naw thei si nawh! sum tam tak pe bawkin lungril hliem tuora ei pan hun a tlung rawp hlak. Doctors chau ni lovin Nurses hai chen khawm indutawk tak tak, “Florence Nightingale’ hming sukpawitu, damnaw hai vin tak taka biek ching an um hlak. Hi lei hin medical professiona nei sia, damna le hadamna beiseia pantu hai ta dinga pangnatum khawpa che an um rawp hlak.
Ei mamawin, anni thang lovin ei um thei si nawh, chu tak chu remchangin an lo hmang nawk si; chu chau ti tak lova damna beiseia pan tum damnaw inrik tak takin an nghak thup laiin Doctor thenkhat chun an damnaw en sukbahla khawpin MR (medical representatives) hai hun an pek rawp hlak. Hi thil hi ei doctor hai hin sim hmak hai sien damnaw inen dinga nghaktuhai ta dinga thil lawmum tak ni ngei a tih. Doctor la hung ni tum han “I want to be a doctor so that I can heal people and serve humanity’ (THE GOOD DOCTOR) ti hi ei thupui tak nisienla, Doctor ni lai mek han 1948 a ziek The Declaration of Geneva, kum 1983a World Medical Association in an siemthat kha lungrilah pai zing bawk inla nuom a um.
Dec. 1 in World AIDS Day hmang ding
CCPUR: Zani 11:30AM khan Dr Phirthanglien Buhril, District AIDS Control Officer inrawinain a office chamberah staffs, NGOs, MSF le World Vision han meeting an nei a, December 1, 2015 nia World AIDS Day (WAD), 2015 hmang dan ding an hriltlang.
World AIDS Day chu December 1, 2015 in CMO Conference Hall, CMO Campusah hmang ning a ta, Special Guest in line department hai po hmang ding; kumdanga hmang naw dan deuin tukum World AIDS Day chu People Living With HIV (PLHIV) context a hmang tum a ni a. Hi le inzawm hin Press/Media hai khawm PLHIV hai ta dinga thil inhawi lo chen chena thla an lak phal lo ding, District Legal Service Authority han Legal Rights thuah PLHIV hai training an pek ding tiin meeting chun an rel. Chun, “Safe Baby Show” buotsai ding le World AIDS Day niin DAPCU inrawinain Single Window Model lekhabu siem thar thlangzar ding tiin an rel bawk.
Loans Rs.15,493.47 lakh vel sem
CCPUR: Zani 11:30AM khan DC Officea BRGF Resource Centreah Banks le inzawmin Mr Lunminthang Haokip, IAS, DC/CCPur inrawinain District Consultative Committee (DCC)/District Level Review Committee (DLRC) meeting nei a nih. Hi huna hin Chief Manager, Lead Bank bakah CCPura Bank tum tuma official hai thangin September 30, 2015 chena Bank sum ngirhmun hai ennawnna an nei.
Hi dungzui hin September 20, 2015 chen khan CCPur District sunga Banks haiah sum Rs. 35,333.13 lakh deposit(sielut) a ni a, hienghai lai hin Rs. 15,493.47 lakh loan/advance semdawk a ni a, CD ratio 44% a tling. Priority sectorah loan Rs.10,337.12 lakh semdawk a ni a, hi hi 67% a tling. Agri fethlengin direct loan Rs. 2,970.86 lakh sem a ni a, hi hi 19% a nih. Weaker Section ah loan Rs. 4,000.10 semdawk a ni a, hi hi 26% a nih.
Fak siemna hmangruo sem
CCPUR: T. Goukhomang, ZEO/CCPur inrawinain Kaikhanlian Guite, DI of School, CCPur le H. Kapneithang, DI of Singngat han zani 12:00Noon khan ZEO/CCPur le ADC, CCPur hnuoia Mid Day Meal dawngtu dinga thlang School hai kuomah Mid Day Meal siemna hmangruo sem a nih. ZEO hnuoia Schools 79 le District Council hnuoia Schools 158, an rengin Schools 237 hai kuomah fak siemna hmangruo (kitchen device/utensils) semdawk a nih. School pakhat pei kuomah Dekchi bel 1, thleng 15 le water filter 1 pei pek an nih.
Demand Generation Prog. hmang
CCPUR: Zani 10:30AM a inthawk khan PTC GHQ Hall, Hiangtam Lamka hmunah SAATHII support SVAVRITTI Project, MNP+ buotsainain Demand Generation Programme hmang a nih. Hi huna hin N.Pramo Devi, Executive Board member in keynote address hrilin Randhoni Lairikyengbam, Sr. Prog. Manager & PO, SVAVRITTI Project, SAATHII chun overview of project concept of social protection central and state schemes chungthu a hril. Technical session a chun Seiboi Mate, Dist. Program Manager, NHM le department representative han hi schemes hnuoia mipuiin hamthatna an hmu thei ding hai hrilhrietna neiin hriltlangna hun hmang a ni bawk.
Punjab Congress Prez. dingin Amarinder
NEW DELHI: Punjab Congress President Pratap Singh Bajwa le State Congress Legislative Party leader Sunil Jakhtar hai chun zanikhan an ninaa inthawka inbanna an peklut. An inbanna hi AICC President Sonia Gandhi kuoma an pek niin AICC General Secretary Shakeel Ahmed chun a hril a, an inbanna hi Sonia Gandhi chun a pawmpek ta niin a hril bawk.
Pratap Singh Bajwa inbanna pawmpek a ni le inzawmin Punjab Chief Minister hlui Amarinder Singh chu zanikhan Punjab Congress President dinga ruot a ni bakah senior Congress leader le Union Minister hlui Ambika Soni chu 2017 Punjab Assembly Electiona Campaign Committee a Chairperson dinga ruot a nih tiin AICC general Secretary Janardan Dwivedi chun a hril. Chun, minister hlui Lal Singh chu senior vice President ding ruot a ni a, Dalit leader Sadhu Singh Dharamsot chu Campaign Committeea ViceChairman dinga ruot a ni a, Ludhiana MP le Punjab CM hlui Beant Singh naupa Ravneet Singh Bittu chu Campaign Committee Convener dinga ruot a ni bawk.
GST thuah PM in Sonia Gandhi le Dr Manmohan Singh an hmupui
NEW DELHI: Prime Minister Narendra Modi chun zani zantieng khan PM hlui Dr Manmohan Singh le Congress President Sonia Gandhi hai a chengnainah thingpui dawnpuina neiin Parliament Winter Session fe mek sunga tax reform lien takel Goods and Services Tax (GST) Bill pass a ni theina dinga sawrkar thlawp dingin Congress a ngen. PM in Dr Manmohan Singh le Sonia Gandhi hai an hmupui huna hin Union Minister Arun Jaitley le Venkaiah Naitu hai khawm an thang. Tuta tum hi BJP in nikum General Election a hratna an chang hnunga PM Modi le Sonia Gandhi hai hmaisana an inhmu vawikhatna a nih. Hi huna hin Congress hotu pahni hai chun GST billa hin pawm theilo point 3 an nei hai hi huna hin an hrillang a, chu le inzawma sawrkar in a dawnna chu Congress leaders han la hung hriltlang nawk an ta, main opposition party hai leh GST thuah meeting la nei nawk ning a tih tiin Finance Minister Arun Jaitley chun a hril.
GST Bill hi kum 2011a kha phar ta a ni a sienkhawm consensus a um theinaw leia pass lova la um a ni a. BJP inrawina hnuoia NDA sawrkar chun India Economy siemthatna dinga thil pawimaw tak nia a hriet leiin April, 2016 chena hmang hman tumin hma a lak a, Parliament Session nuhnung taka khan Lok Sabhaa chun passed a ni ta a, sienkhawm Rajya Sabhaah BJP chu minority anni leia pendinga um a nih. Hi Bill Rajya Sabha a pass a ni theina dingin Congress thlawpna a mamaw a, Congress thlawpna a hmunaw chun ti huna sawrkarin hi Bill hi a hmang hman naw ding a nih.
Zanikhan Parliament Winter Session fe meka a ni hnina zani khan India Constitution induongtu Dr BR Ambedkar piengchampha vawi 125na le inzawmin Constitution chungthu hriltlang nawk a nih. Parliamentary Affairs Minister Venkaiah Naidu chun hriltlangna tanin sawrkar chun Opposition han issue an nei hai sawrkarin hriltlang an pei zing thu; pendinga um Women Reservation bill pass a ni theina dinga hriltlang a ni ding thu, Narendra Modi sawrkarin mi hnuoihnung hai dawmsangna dinga scheme tam tak a thaw chungthu, constitution a derthawng naw thu hrilin Opposition hai chu sawrkar thlawp dingin a ngen.
Congress leader Jyotiraditya Scindia ruok chun intolerance chungthuah sawrkar khakin, Intolerance thuah sawrkarin iengkhawm a thaw nawh tia intumin, SCs/STs hai chunga nunrawngna sukbo a ni theina dinga Bill siem dingin a ngen. Lok Sabha a Opposition leader Ghulam Nabi Azad chun Social Welfare Ministry in November 26 Constitution Day a hmang dinga an suo chu dan kal a nih tia hrilin Home Ministry insuo ding a ni thu a a hril.
PM Narendra Modi chun hriltlangna zawm vein, Constitution chu India ram chi tam tak um hai mi khuopkhawmtu a nih tia hrilin India ram hmasawnna dinga sawrkar hmasa hai hmalakna inhmai ruol a ninaw thu, India constitution chu India mi hai ropuina le pumkhata mi siemtu; Constitution lo induongtu Dr BR Ambedkar an pak thu hrilin Democracy vawnghim peina dinga Constitution pawimawna le thienghlimna hi mipui laia tu pei ding a nih tiin a hril.
Joykishan le Bishwajit han MLA dinga intiemkamna an nei
IMPHAL: Thangmeiban le Thongju biel haia November 21, 2015 nia Assembly byelection neia uma thlangtling BJP ticketa thlangtlinga um ve ve Khumukcham Joykishan (Thangmeiband A/C) le Thongam Bishwajit (Thongju A/C) han zanikhan Manipur Legislative Assemblyah Assembly Speaker Th. Lokeshwar hmaah MLA dinga intiemkamna an nei. MLA dinga intiemkamna an nei huna hin Ministers le MLAs han an uop tawl.
Kh.Joykishan le Th. Bishwajit hai hi 10th Manipur Legislative Assembly Election huna kha Trinamool Congress ticketa MLA dinga thlangtling; sienkhawm BJP an zawm leia 10th Schedule of Indian Constitution dungzuia Anti Defection law hnuoia Manipur Assembly Speaker in a lo disqualified, hi leia an seat ruok haia November 21, 2015 a kha byelection neia hung um, chu huna thlangtlinga um nawk ve ve an nih.
Th. Bishwajit chun a constituencya economic ngirhmun dawmsangna dinga hma a lak ding thu a hril a, Kh. Joykishan chun State Assemblyah Opposition ngirhmun umzie nei taka a hmang ding thu a hril.
Siroy Lily chungthuah KSA in hrilfiena siem dingin sawrkar an ngen
IMPHAL: Kangleipak Students Association (KSA) chun, Nagaland Board hnuoia Class IX le X textbooka Ukhrul hmuna um Siroy Lily chungthu hi that “Shiroy Lily” ( Lilium Shirohi) is found on “Shiroy mountain” in Nagaland’ tia inchuon a ni a, hi chungthuah Manipur sawrkar hrilfiena siem dingin an. KSA President, Moirangthem Laxman chun, hi chungthuah Nagaland sawrkar le inbiea hrilfiena sawrkarin a siemnaw chun nuorna le helna an thaw tan ding thu zanita Leimayol Art Centre, Singjamei Chingamakha hmuna 10th foundation day an hmangna huna a hril. Nagaland textbooka Shiroy lily Nagland ram sunga um a nih tia inchuon a ni chungthu hi Manipur Assembly a khawm hriltlang a lo ni ta a nih.
KSA foundation day hmangnaa hin Prof. N. Mohilal, Dean of Students Welfare, MU khuollienin a thang a, M. Lakshman le Dr Chingangbam Sarat hai chu functional president le guest of honour in an thang.
N. Mohilal chun, kum 2016 sessiona inthawk Manipur University ah Fine Arts ah Master degree inchuk thei a ni ta ding thu a hril.
DoNER Secretary in CM an hmupui
IMPHAL: DoNER Secretary Naveen Verma chun zanikhan Manipur CM O.Ibobi Singh chu a official chamberah an hmupui a, hi huna hin state planning Department officials hai khawmin an tawiawm. Ieng thu am an hril ti ruok chu hi thu ei sut chena hin hrietna ei nei nawh.
Hieng laizing hin Manipur Sangai Tourism Festival sim ve ding hung Chinese Ambassador to India Le Yucheng chun a Manipur a suoksan hmain vawisun 10:30AM hin Hotel Classic grande ah Media hai inpawlpuina nei a tih.
AMC Electionah MNF an hrat; LADC Electionah votes 85.22% a tla
AIZAWL: Mizorama Aizawl Municipal Corporation (AMC) seats 19 uma Councillor electiona chun Mizo National Front (MNF) in seats 11 lain party mala tling rawn tak an nih. Sawrkarna siemtu Congress chun seat 8 an lak a, BJP le Zoram Nationalist Party (ZNP) hnuoia National Democratic Alliance (NDA) chun seat lak an nei nawh.
Hieng laizing hin Mizorama seat 25 umna Lai Autonomous District Council (LADC) Election November 26, 2015 nia neia chun votes 85.22% a tla niin State Election Commissioner chun a hril. LADC Electiona khan candidates 74 an um a, sawrkarna siemtu Congress le MNF chun seat tinah candidate an nei a, vote tla hai tiemna November 28, 2015 hin nei ning a tih.
Nuhmei tawkbuoi tum AR personnel man
AIZAWL: Mizorama Serchhip districta um Assam Rifles personnel Sarvjit Singh chu November 25, 2015 zantieng 4PM vel khan Serchhipa AOC vengah nuhmei tleirawl pakhat tawkbuoi tumin a hnawt tia intumna le inzawmin Police han an man. Nuhmei tleirawl hi lampuia a fe laiin Sarvjit Singh hin kuobet a tum a, sienkhawm nuhmeinu hi a tlan leiin a hnawt pei a, nuhmeinu hi dawr pakhata tlanlutin dawra lo um han an sanhim a nih. Hi thil tlung le inzawma lungsen mi thenkhat chun Sarvjit Singh hi an vuok hliem hman met a, sienkhawm Police hai an va fe hman leiin an vuok na hman naw a, Aizawl tieng an thuoi.
PoK chu Pakistan kutah um zing a tih: Farooq
NEW DELHI: Jammu and Kashmir Chief Minister hlui le National Conference Chief Farooq Abdullah chun, Pakistan Occupied Kashmir (PoK) chu Pakistan kuta umzing a ta, Jammu and Kashmir ruok chu India ramah um a tih tiin zanikhan reporter hai kuoma a hril a, hi thil hi ei hrietthiem a tul tiin a hril bawk. Indona hi ei buoina sukvengna ding a ni naw a, mihriem hringna channa mei mei a nih; inbieka chingfel chu a lampui umsun a nih tiin a hril bawk.
Jammu and Kashmir Dy. Chief Minister Nirmal Singh chun Farooq thuhril hi kalin, 1994 Parliament resolution dungzuiin Pakistan Occupied Kashmir (PoK) hi constitutionaly in India ram a nih tiin a hril.
British awpbetna hnuoia inthawk kum 1947a India le Pakistan ram thendar a nia inthawk khan India le Pakistan hai chu vawithum lai zet an lo indo ta a, chu hai laia indo vawihni hai chu Kashmir chungthua indona a nih. Jammu and Kashmir hi India le Pakistan ram thedar huna khan India rama zieklut nisienkhawm Pakistan chun lak tumin thang a khaw zing leiin tuchen khawm hin Pakistan le India inrina J&K a chun ralmuong ti a um tak tak thei naw zing a nih.
Pak. Terrorist han India bei an tum:IA
NEW DELHI: Pakistan’s ISI chun tulai hnai el khan meeting an nei a, meeting huna hin Pakistan thangsana um LashkareTaiba (LeT), Hizbul Mujahideen le JaisheMuhammed (JeM) thuoitu hai an thang a, hieng terrorist group pathum hai chu Pakistan ISI han India bei dingin an inhriettir niin intelligence agencies hai chun report an dawng. Pakistan ISI hai hin hieng terrorist hai hi logistical tiengpangah an thangpui niin report chun a hril a, ISI inrawitu hi Showkat Khan niin an hril bawk. Terrorist hai chu vur in lampui hai a dang hma ngeia India rama lut dingin ISI hai chun an inhriettir niin report chun a hril.
Hienganga intelligence report dawng a ni lei hin Pakistan le inrina Jammu and Kashmir a chun sawrkar in venghimna a sukkhau zuol.
An classmate suolluia WhatsAppa thawndartu mi 4 man
MUMBAI: Maharashtraa Class IX le Class X inchuklai pasal 4 hai chun an classmate nuhmei kum 15 mi chu November 8, 2015 khan an suolhrawn a, mobile phone hmanga an suollui lai thla an lak video WhatsApp hmanga an thawndar leiin Police han an man. Hi thil tlung hi suolhrawna um nu Nî (Aunt) in a video a dawnga inthawk hrietsuoka hung um chau a nih. An classmate suolhrawntu mana um hai hi kum tlinglo vawng an ni leiin Juvenile homea sie an nih.
A suolluitu hai hin a hril dawk chun internetah a video thedar dinga an vau leia nuhmei tleirawlnu hin iengkhawm hril loa a lo ip nia hril a nih.
Rs. 22 crore le tlan hmang Van Driver man
NEW DELHI: Zani hmasaa a pawisa phur Rs. 22 crore le tlan hmang Van driver Pradeep Shukla chu zani zingkar khan Delhi Police han Okhla industrial area lai an man. Pawisa hai khawm kim taka hmukir a nih tiin Police chun an hril. Pawisa phurtu Van vengtu han a driver hi Govindpuri Metro station lai chawlhadam dinga a motor an sukchawlpui huna a pawisa phur hai le tlan hmang nia hril a nih.
ED in Himachal Pradesh CM an ko
NEW DELHI: Himachal Pradesh Chief Minister Virbhadra Singh chu sawrkar sum chawkchawrawina le inzawmin an hmaa inlang dingin Enforcement Directorate (ED) in an ko. Virbhadra Singh hi Prevention of Money Laundering Act (PMLA) hnuoia September, 2015a kha case file khum tasa a nih. Singh hi Union Minister of Steel a ni laiin ama le a sung hai chun kum 200911 sung khan sum Crore 6 chuong an sukchavaia intum a nih.
VAWISUN THUPUI
Ei Pathien le Pa mithmua sakhaw biek dan inthieng le, suol thangnaw chu hi hi a nih, fahra le hmeithaihai an rimsik laia kan le khawvel inthiengnawna kai loa insiem hi. Jakob 1:27
Editorial
Sumdawng lungril put Doctor
Tulai khawvelah Doctor (medical) ni nuom, inchuk nuom ei pung nuom sawt hle. Nu le pa tam tak khawmin an thiemna in a tlin a, ei neizo a ni phawt chun doctor inchuktir ei tum ta khawm niin an lang. A nina taka chun medical doctor hi missionary hai ang thoa rawngbawlna (service) chikhat a ni ve a, Nurses khawm niraw seh, medical profession hai hi rawngbawlna vawng an ni a, sumdawngna a ni nawh. Hieng laizing hin nu le pa amani, annawleh Doctor inchuk nuom hai hin iengleia doctor (medical) ni nuom am ei ni ti zawna (?) hang indawn chawt inla, a tamlem hai dawnna chu, a tawi zawngin ‘sin hmunaw ti a umnaw el khelah a hlawk’ ti ni ngei a tih. Khawvel a changkang peia, mamaw a pung pei bawk leiin kawngkhata chun inthiemnaw thei ei ni nawh.
Amiruokchu, hiengang lungril puta doctor inchuk nuom annawleh Doctor ni ta dam ei lo ni chun ei profession thil tum ei thel chieng hle a nih ti ei hriet nuom a um. A san chu “the prime object of the medical profession is to render service to humanity; reward or financial gain is a subordinate consideration’ ti a nih. Hi lei hin a nina taka chun Doctor sin hi mi duam le mani tanghma siel hai thaw ding a ni naw a, mani profession dan kalna le Pathien hming sukpawina a nih. Mitinin fak le dawn, sil le bil le khawsak relna dingin sum le pai ei mamaw in ei dit seng. Hlawk taka fakzawng ei nuom a ni chun sumdawng el ding a nih.
Mihriem hai hi na thei, damnaw thei le eksiden annawleh tuoksuol tuoka hliemna tuok thei vawng ei ni leiin khawvel mihriem doctor mamaw lo tukhawm ei um nawh. Doctor hai hi Pathienin khawvela a mihriem siem hai hringna santu dinga mihriem hai kuoma lungvar le thiemna hmanga an duong an ni a, Pathien angin hringna siemin mithi sukdam theinaw hai sienkhawm damnaw le bawrsawm hai hmangai taka enkawltu dinga an duong an nih. Hi lei hin inza a um em em a, “noble profession” ti a ni bawk a nih. Hieng laizing hin tulaia ei Doctor a tam lem hai hin an profession hi rawngbawlna nekin sumdawng lungril ei put tlangpui ti inla ei hril suol taluo ring a um nawh.
Doctor nisi rawngbawlna lungril put loa, sumdawng lungril puttu hai hi mi tium tak, hlawk hnawta sumdawngtu hai neka tium an nih. A san chu, sumdawngtu hai chun sum hlawk tam tak an hmu theina dingin inngaitlawm takin mi an biek hlak a, anni dawrtu hai suklawm hram hram an tum hlak. Sumdawng lungril put doctor hai ruok chun ei nat le damnaw huna ei pan ngei ngei ding an nih ti an inhriet leiin a pantu tam tak hai lungril an sukhliem a, sum tam tak la siin mi lungril na takin an siem rawp hlak. Ei lungril lo na de sien khawm ei pan an tul nawk hlak si!
Ei damnaw a, ei mamaw hlak chun pan naw thei an ni si nawh! Tulai thangthar hai lai dan pangngaia nau nei ei tlawm ta em em khawm hi ngaituo tham tak a tling. Sawrkarin hlaw neia a ruoi ni si, Clinic hawng doctor ei pung nuom sawt hle. Clinic an hawng chu a tha, sienkhawm a bik takin nau nei ding (in at ding) tam tak hai hi an thawkna sawrkar Hospital ni lovin a seng tamna Private Hospital/clinic haia admit dingin an refer rawp hlak. Hi hi thil dam hi ngaituo tham tak a tling ta a nih. Nau nei a tamlem hai hlak hi atdawk (ceaserian) an ni ta a, nau atdawk man hlak a kum telin a pung a, atdawka nau nei ding hai chun beifet a ngai pei ding chu ni awm tak an tah! A physician shall uphold the dignity and honour of his profession’ ti a ni lai zingin Doctor then tam tak lem chun duamna leiin an nina hmangsuolin an damnaw enkawl hai taksa bung chen inruin an zawr ruk hlak ti Chanchinbu le TV haia ei hmu hlak a, hiengang mi hai hin an Medical profession inzaum tak kha nasa takin an sukhmelhem hlak a nih.
Doctor thenkhat lem hi chu an indutawk thei hle, ei pan naw thei si nawh! sum tam tak pe bawkin lungril hliem tuora ei pan hun a tlung rawp hlak. Doctors chau ni lovin Nurses hai chen khawm indutawk tak tak, “Florence Nightingale’ hming sukpawitu, damnaw hai vin tak taka biek ching an um hlak. Hi lei hin medical professiona nei sia, damna le hadamna beiseia pantu hai ta dinga pangnatum khawpa che an um rawp hlak.
Ei mamawin, anni thang lovin ei um thei si nawh, chu tak chu remchangin an lo hmang nawk si; chu chau ti tak lova damna beiseia pan tum damnaw inrik tak takin an nghak thup laiin Doctor thenkhat chun an damnaw en sukbahla khawpin MR (medical representatives) hai hun an pek rawp hlak. Hi thil hi ei doctor hai hin sim hmak hai sien damnaw inen dinga nghaktuhai ta dinga thil lawmum tak ni ngei a tih. Doctor la hung ni tum han “I want to be a doctor so that I can heal people and serve humanity’ (THE GOOD DOCTOR) ti hi ei thupui tak nisienla, Doctor ni lai mek han 1948 a ziek The Declaration of Geneva, kum 1983a World Medical Association in an siemthat kha lungrilah pai zing bawk inla nuom a um.
