CCPUR: Oct. 15, 2015 ni a Hmar hlamihai (Artistes’) po po aiawa Pu Lalsuong Famhoite, Gen. Secy., Hmar Artistes’ Association (HAA), General Headquarter, Churachandpur, Manipur in thusuok a siema chun Famtah Rev. Dr. Rochunga Pudaite (88) chu an inpam zie thu le an sûn hle thuhai hrilin, a thina chu hi khawvela ding chun channa nasatak a ni zie thuhai a hril a, Hmar bungpui, Hmar Arasi lien, Hmar Thu-le-hla khawvela vawrdartu ropui tak, Ziektu ropui, Fahra le rimsihai dawmsangtu, 1950 - 60 lai bawr vel dai tah a kha Hmar hlahai Gramaphone hmanga sukdartu, 4th Oct. 2003 ni a Rev. Chawnga Memorial Hall (aka Chapel) a Hmar hlahai hlutzie phosuokna dinga ṭhahnem ngai em em tu, a theinahai inro lova ram le hnam tadinga inhlan hlaktu le Hlaphuok rawn,Hlaphuok thiem, Hlasak thiemhai “Chawimawina” hun ropui tak el a buotsai pek chu lawmum le ropui an ti el bakah HAA in an theinghil thei ta ngailo ding a ni thu, a thilthaw ropuitak tak inzawt senglo hiel hai chawlsana muol a liemsnna chu hun an la ti naw thuhai hrilin, hi khawvela a maksan a nuhmei, nauhai, a tu-le-te le lainahai po po lusûnna an tuorpui tak zet a nih, tiin a hril.
