NC Hills Autonomous Council CEM in inbanna thelut

Haflong, 17th Oct. 2015(Virthli News): NC Hills Autonomous Council a CEM ni lai zing Pu Debojeet Thaosen chun Chief Executive Member (CEM) a nina anthawk inbanna (resignation ) chu Pu Ngamrothang Hmar, Chairman NCHAC kuomah a lo peklut tah. An banna lekha hi Chairman in Assam Governor kuomah aprroval thaw dingin thawn sawng a tih. Pu Debojeet Thaosen hi Langting MAC constituency 2013 khan thlangtling niin, 17th July 2013 anthawk zani chen khan NCHAC CEM sin hi a thaw a nih.

Tulai hnai khan NCHAC a ama keihruoina sawrkar 'congress party' a Executive Member (EM) mi 7 zetin Congress maksan a BJP an zawmna leiin a sawrkarna chu a hung thiek dar ta a nih. CEM thar ding chu anhmatieng in Pu Ngamrothang Hmar, Chairman, NCHAC inrawina hnuoi ah inthlang tharna nei ning a ta, chu zova EM ding hai le an portfolio ding chu CEM thar pa in siem pek a tih.