Responsive Ad Slot

HSA Silchar Branch in 23rd Freshers' Meet an hmang

Saturday, August 22, 2015

/ Published by VIRTHLI
Silchar, 22 Aug, 2015: Hmar Students' Association, Silchar Branch Social Freshers' meet a vawi 23 na chu District Library & Auditorium, Silchar hmuna mi 250 vel fekhawmin ropui takin hmang a nih, Programme hi Session hni a țhe a ni a, Session khat na hin Freshers hai Introduction le Lawmlutna hun nei a ni a, pasal 24 le nuhmei 16 an rengin mi 40 in introduction an nei a, Upa Laltlanglien Khawbung in Freshers hai țawngțai pekna a nei.


Hi huna hin Guest haia inthawkin thu ngaitlakna hai nei a ni a, Functional President Tv. David Keivawm President,NC Hills Indigenous Students Forum chun thuoitu ni chun ei thuoitu nina hnawksak ding thilhai bansana, mihai entawntlaka um ding le beiseina a tawp hnunga khawma beiseina siemthartu ding ei nih tiin a hril a HSA Silchar Branch ta dingin printer a present bawk a nih.

Hunkhatna suktawp a ni hnugin refreshment neiin Second Session țan nghal a ni a, Kum 2015-16 Sunga HSA țhuoitu ding haiin Oath - Taking na an nei a, HSA Silchar Branch sunga hlawltingna chang hai kuomah Lawmpuina/Chawimawina Certificate semsuokna nei a nih. Kumtina thaw hlak angin 2015-16 sunga HSA Mister le Miss thlangna nei a nia, Mr. dingin Tv. Lalsiemthar Hmar le Miss dingin Nk. Jessy Lallungawi Khawbung hai chu thlangtling an nih. Tv. Isak Lalmalsawm in tawngțaina neiin Ruoi țhena neiin 23rd Social Freshers' Meet chu hun ditkhawp lo takin hmangzo a nih. (Gospel Songate & Noel Thiek, Virthli, Silchar)









Don't Miss
© all rights reserved
made with by Simon L Infimate