Responsive Ad Slot

Bu ngheia tawngtaina nei

Monday, August 10, 2015

/ by VIRTHLI HMAR
By Lalnunthang Songate

Parbung, August 10, 2015: Kar liemtah tarik August 6 khan Hmarbiel Pastor Organization (HPO) chun ram le hnam ta dingin Parbung Nehemiah Prayer Mountain-ah sunnithlakin bu ngheia ṭawngṭaina an nei.

Zantieng hunah hmatieng peia hmalak dan ding ngaituoin resolution 7 passed a nih. Hi huna hin HPO thilthawna le inzawma Dev. Dept. RPCNEI in a theitawp suo a, a ṭul ang anga hmalapuituhai kuomah lawmthu hrilna’n Rev. Edwin Darsanglur, Director Dev. Dept. RPCNEI (RPCNEI aiawin) hmingin thuziek (Citation) inhlanna nei a nih. Hmatieng peia khawm an thiltum an ang hle leiin theitawpa inṭhangpuituo dingin remna an siem.

HPO resolution hai laia bawzui hmasatak dinga rel chu “Hmarbiel sunga sawrkar office le institution hai hi neka hma a sawn thei dan dingin Higher Authority tieng intlun ding” ti a nih.

HPO in fund hran a neinaw a, an rawngbawlna a ṭhang nuom hai chun iengtiklai khawm ṭhangpuina thaw/pek thei zing a nih. A thiltum tak chu Hmarbiel ngirhmun enin taksa le thlarau tieng hma a sawnna ding lampui siem/sat a nih. Ṭhangpui theidan ding chu sum/thurawn/seminar huoihawtpui le a dang dang a nih. Ṭhangpui nuom hai chun Pu LalnunthangSongate, Information Secy. & Media kuomah email lntsongate@rediffmail.com annawleh rpc.parb@gmail.com amani mobile no. 7308510533 / 9856139708 a intlun thei zing a nih.
Don't Miss
© all rights reserved
made with by Simon L Infimate