Responsive Ad Slot

Inbiek dinga rawtna hnawl leiin HPC (D) an che nawk tah.

Friday, July 24, 2015

/ Posted by VIRTHLI HMAR
Aizawl, July 24, 2015 (Virthli News): Mizoram sawrkar in HPC (D) haiin conditional tripartite talks (ruongam siemlawk sa a inbiekna) nei dinga an rawtna a hnawl leiin HPC (D) hai chun underground operation an nei tan nawk ta thu dawng a nih.

Mizoram police haia inthawka chanchin dawngdan chun Mizoram hmar tlangdunga village chairman pali (4) lai le PWD official hai chu demand letter an pek thu an hril.

HPC (D) Commander L Hmar inti chun Ratu a PWD SDO kuoma donation Rs.1 lakh pe ding le VCP hai kuoma job card a inthawkin 5% seng cut a tuta thla sung ngei Sipuikawn, Tipaimukh hmuna hung pe dingin an inhriettir a nih.

Mizoram DGP Dharmendra Kumar chun SP le Commandants hai meeting a neipui huna chun Mizoram Police chun theitawp suo in helpawl hai hi nawr zing an ngai thu a hril. DGP chun HPC (D) in hienga hma an hung lak thar nawk hi an hung intuoithar nawk met tah tina a nih tiin a hrila, Mizoram police an thlada lei ani naw thu le ngaitha mei mei lo dingin a hril. DGP chun SP le Commandant hai chu border outpost hai chu ngun taka kan dingin an cha bawk a nih.

DGP chun Mizoram police in hrat nawk zuola hma a lak ta leiin HPC (D) hai chun inbiekna rawt in an invir kuol mek a nih tiin a hrila, a hun taka beilet an ni leiin HPC (D) chun Mizoram police chu an ti ta hlea, an hotulien hai chen man peka um in tuhin an hotuhai chu jail ah an um mek a nih tiin a hril.
Don't Miss
© all rights reserved
made with by Simon L Infimate