Tuolsung
Chairman
Election July 31-a nei ding: Presiding Officer dingin Pu Lalhmangpui
CCPUR: Joint Secretary, Tribal Affairs and Hills,
Govt. of Manipur in July 27, 2015 nia thusuok a siem dungzuiin ADC/CCPur; ADC/
Senapati; ADC/Ukhrul le ADC/Sadar Hills haia
Chairman ding thlangna (election) chu July 31, 2015 khin nei ning a tih.
ADC Chairman election ding le inzawm hin CCPur, Senapat, Ukhrul ADC le
Kangpokpi (Sadar Hills) haia DC hai chu Election Presiding Officer ding senior
MDC recommended/ruot dingin Joint Secretary, TA & Hills chun an hriettir
nghal bawk.
Hi dungzui hin DC,CCPur chun ADC/CCPur a Chairman
Eleection-a Presiding officer dingin ADC/CCPur-a
MDC hai laia a senior tak Pu Lalhmangpui Fimate, MDC/Parbung DCC a recommended.
DLCC
Meeting nei; Dr Kalam sunna nei
CCPUR: July 28, 2015, 11AM khan BRGF Resource
Centre, DC Office-ah DLCC Meeting nei a nih. Hi huna hin August 15-a India
Independence Day hmang dan ding hriltlang a ni a, I - Day hmang huna hin
Department tum tumin Stall an hawng ding, hmun 5-ah Welcome Gate siem ding; I-
Day Blood Donation Camp buotsai ding bakah MDCs v/s DLOs team in football
friendly match an inkhel ding tiin an rel. Chun, DLCC Meeting huna hin zani
hmasaa Shillong hmuna thi India President hlui Dr APJ Abdul Kalam sunna neiin
minute 1 sung to tawka hun hmang a ni bakah DC Office-a chun India Flag a ngul
chanve-a khai a nih.
Inspection
thaw a khap
CCPUR: Mini-Secretariat Complex bawl lai mek sin
hrat lema a fe theina dingin tuta inthawk chun PWD officer kuoma inthawk
phalna(permission) la hmasa lovin tu khawma complex bawlna inspection an thaw
phal ni tanaw nih tiin CE, PWD/CCPur division chun order an suo.
HIV/AIDS
Awareness Campaign hawng
CCPUR: July 28, 2015, 10AM khan District AIDS Prevention
& Control Unit sponsored-na le LRRC
huoihawtnain YMA Hall, Hmuia Veng-ah Dist. HIV/AIDS Awareness Campaign 2015 nei
a ni a, Mr Lunminthang Haokip, IAS, DC CCPur in campaign hi a hawng a, Chief
Guest in C.T. Lian Guite, MDC a thang.
C.T. Lian chun, insung harsa taka inthawka seilien a
ni leia Ahmedabad-a Engineer inchuk, sum harsatna leia zantieng huna Vaimim le
fakthei tum tum zawra, sun huna college kai hlak a ni thu, MBA inchuk dinga
London-a a fena dinga khawm second hand dawr siema intodel a ni thu hrilin
student hai ta dinga hlawtlingna dingin tumru le hun hmang thiem a pawimaw thu
a hril. Awareness huna T. Benjamin,
Dist. Superviser, DAPCU in HIV/AIDS laka inveng dan ding a hril.
Health
Minister in PHSC a hawng ding
CCPUR: July 29, 2015, 10:30AM hin Health Minister
Phungzathang Tonsing chun khuolliena thangin Pearsonmun-a PHSC building thar
hawng a tih. Hi huna hin Mr Lunminthang Haokip, DC, CCPur functional president
le Guest of honours in Dr. O Ibomcha Singh, Director Health Services le Dr
K.Rajo Singh, Director, Family Welfare Servces hai thang an tih. Chun, vawisun
12:00Noon hin Mata khuoah PHSC building Health Minister hin hawng bawk a tih.
HSA in
School visit an zo
CCPUR: HSA GHQ le HSA CCPur Jt. Hqrts in
inchuklaihai hmakhuo ngaina leia Tuithaphai suna School tum tum hai kanna an
nei chu zanikhan an zo tah. Zanikhan Rengkai Govt. H/S; North Eastern
Children’s Academy; Mount Carmel, Stephen High School hai an kan. Chun, zani
zantieng khan HSA GHQ le CCPur Jt. Hq. thuoitu han Saikawt MDC Pu Lalhrillien
MDC tling lawmpuina Fat James (Multi-Cuisine Restaurant)-ah ruoi an kilpui.
Inbiekremna
an nei ta a hril
CCPUR: Blue Star Academy-a inchuklai nuhmei sawisak
hliem a nina le inzawma school khar a nina le inzawmin zani zingkar inkar khan
pi le pu dana inbiekna neiin inbiekremna nei a ni tah. Inbiekrem a ni ta lei
hin vawisun July 29, 2015 a inthawk hin Blue Star Academy chu hawng le ni dang
ang bawkin kai nawk tang an ti tiin ei thu dawngna chun a hril.
-----------------
Curfew
darkar 15 inthlazal nawk
IMPHAL: Zanikhan Imphal East le West district
Magistrate hai chun an district pahni haia July 29, 2015 hin zing dar 5 a
inthawk zan dar 8 chen, darkar 15 sung Curfew inthlazal nawk a ni thu zanikhan
an puong.
Diarrhoea
control fortnight hawng
IMPHAL: State Health Society, NHM/Manipur hmalaknain
zanikhan Jubilee Hall, Regional Institute of Medical Sciences, Imphal-ah
Intensified Diarrhoea Control (IDC) Fortnight hawngna hun hmang a ni a, hi huna
hin Minister, Health & Family Welfare Phungzathang Tonsing; Health and
Mission Director Dr Okram Ibomcha, Joint Director Family Welfare Services,
Director AYUSH Dr K. Lokendro le RIMS-a Medical Superintendent in-charge Dr K.
Lekhachandra Sharma hai chu chief Guest, functional president le guest of
honour in an thang tawl.
Activa
motor pahhat raw
IMPHAL: Zani zantieng dar 4 v el khan Khurai
Telapati, Imphal East District ah bandh thlawptu han Activa motor an raw bakah
bandh bawsehai in an suksiet pek leiin Police han mipui hnawtdarna dingin tear
gas shell an kap khum.
Manipur
student vuok
IMPHAL: July 26, 2015, 5:30PM vel khan Byrathi
Cross, Kothanur, Bangalore ah Manipur student Thangkholim Haokip of Bijang,
Manipur chu pasal 4 han an vuok hliem a, Hospital panpui a nih tiin KSO,
Bangalore thusuok chun a hril.
Bandh
in nundan pangngai a sukbuoi
IMPHAL: JAC Against the Brutal Killing of Sapam
Robinhood pawlin darkar 38 Manipur Bandh an thaw chun nundan pangngai a sukbuoi
hle. Bandh hin phairam bielah thlawp a hlaw hle. Imphal khawpui sunga khawm
dawr, bazar, inchuknainhai khar an nia, Banks le sawrkar offices haia khawm
thawktu kai an thlawm pha hle. Manipur le state dang inkara tlan motor le
Imphal le District Headquarters inkara motor service hai khawm an an service
tawl nawh. Bandh hin July 29, 2015 zan
dar 7 chen a aw ding a nih.
-----------
Parliament
Session ni 2 sung sukchawl
NEW DELHI: President hlui Dr APJ Abdul Kalam thi
sunnain Lok Sabha le Rajya Sabha
session hai chu ni 2 sung (July 28 & 29, 2015) khar a nih. Dr Kalam
ruong hi July 29, 2015 in a piengna khuo Rameshwaram, Tamil Nadu a vui ning a
tih. Hi hunsera hin ministers le MP tam tak an thang beisei a nih.
Chun, Zani zingkar khan PM Narendra Modi inrawinain
Special Cabinet meeting nei a ni a, President hlui Dr APJ Abdul Kalam thi sunna
an nei. Cabinet meeting chun Dr Kalam chu Vision Scientist, Nationalist indik
tak le India naupa ropui, Peoples President a nih tiin resolution an passed.
Suma
thangpuina Rs. 10 lakh seng le sin
CHANDIGARH: Zani hmasaa Dinanagar, Gurdaspur,
Punjab-a Terrorist-hai chetna leia inkaptuonaa thi Police sunghai chu suma
thangpina Rs. 10 lakh seng, Civil mi thi sunghai zangnadawmna Rs. 5 lakh seng,
thina tuok sunghai sawrkar sin pek seng ding, hliemhai enkawlna sum seng
sawrkarin a tum ding; Police thi sunghai chun kap hluma um Police hai pension
hun chena an hlaw la thei zing an tih tiin Punjab Chief Minister Parkash Singh
Badal chun zanikhan a puong. Chun, Bus driver, mi 70 vel hringna sansuoktu chu
Independence Day huna chawimawina le Civilian gallantary award pek ning a tih
tiin a hril bawk.
SP
ruong a sung han an lak nuom nawh
KAPURTHALA: Zani hmasaa Dinanagar, Gurdaspur, Punjab
a helpawlhai chetna leia thina tuok Baljit Singh, SP (Detective) ruong chu a
sung han an lak nuom nawh. Baljit Singh nuhmei Kulwant Kaur chun an naupa
Maninder Singh (24) le an naunu Parminder Kaur (22) hai chu SP rank sin le
Tehsildar sin pekna Appointment Order insuo a ni hmakhat an lak naw ding niin a
hril. Baljit pa hi Police ve tho, 1984 a kha helpawlhai kuta thi le Baljit hi a
pa aiawa 1985 a ASI a lut tan a nih.
India
rama Hep. B invawi maktaduoi 40
MUMBAI: Zanikhan “Prevent Hepatitis, Act Now” ti
thupui hmangin World Hepatitis Day hmang a nih. World Health Organisation (WHO)
chun India rama hin Hepatitis benvawna na mi maktaduoi 40 vel an um niin a
hril. India ram thlangtieng bielah Hepatitis “E” a tam a, Viral Hepatitis in
mîtliem natna an tlun a, Hepatitis B&C in thin natna le Chronic Hepatitis C
chu Silent epidemic a nih tiin Dr Akash Shukla of KEM Hospital chun a hril.
Naga
mihai chengna po po zawmkhawm
KOHIMA: July 27, 2015 khan Nagaland Assembly chun
Naga mihai chengna po po Administrative Unit pakhat hnuoia um le zawmkhawm
dingin resolution an passed. Hiengang resolution hi Nagaland Assembly chun
December 12, 1964; August 28, 1970; September 16, 1994 le December 18, 2013 hai
khan an lo passed ta bawk a nih. Chun, 12th Nagaland Legislatie Assembly 9th
Sesson chun India sawrkar le NSCN(K) hai chu Ceasefire Agreement sunzawm nawk
dinga ngen ding le sawrkar thlungpui chu Nagaland a inthawk Armed Forces
Special Powers Act, 1958 hlip dinga ngen dingin an rel bawk.
Dr
Kalam sunna ni 7 sung
NEW DELHI: Dr APJ Abdul Kalam thi chu India ram pumpuiah
ni 7 sung July 27, 2015-Autust 2, 2015 inkar sunna nei ding le Central Govt.
Office-hai chu chawl ni nawng a ta, India hnam puonzar a ngul chanve-a khai
ding, hlimhlawpna thil hrim hrim thaw ninaw nih tiin sarwkar thlungpui thusuok
chun a hril.
Virthli
Online News Portal kum 5 a tling
SHILLONG: Technology leia khawvelin nasa taka hma a
sawn lai meka chanchin inhrietpawna tha takel Virthli Online News Portal chu
July 27, 2015 khan kum 5 a tling tah. Virthli thiltum tak chu mihai lampui
indik kawkhmu a, inthlak danglamna tha tak inumtir (Ushering Change) a nih.
Virthli Online News portal kum 5 sukhringna dinga sum seng tul hai petu Pu Ngamrothang
Hmar, Chairman, NHAC (Assam) chunga le Virthli Android App tlangzar theina
dinga thangpuitu Dr Chaltonlien Amo, Chairman, HAC le MLA/Tipaimukh hai chunga
a bik takin Virthli chun lawmthu a hril a, Virthli burip le changkang lema siem
pei a ni theina dinga thangpuina pe nuom hai ta dingin kawt a hawng zing bawk a
nih.
Arunachal
- ah JE leiin mi 1 a thi
ITANAGAR: Arunachal Pradesh state a khawm Japanese
Encephilits natna hri an leng a, ni 10 liemta sung khan mi pakhat a thi bakah
JE natna invawi mi 9 hmusuok an nih tiin Health Official thusuok chun a hril.
Arunachal Pradesh sarwkar chun tulai hn JE natna hri inleng laka inveng dan
ding Awareness campaign nasa takin a thaw mek.
CM
candidate ni tum ta lo
GAYA: Bihar Assembly Election hung um dingah Bihar
CM hlui le HAM President, Jitan Ram Manjhi chun CM candidate ni a tum tanaw thu
zani zingkar khan Gaya hmuna a puong. An party sunga CM candidate ding chu Prem
Kumar chau a hung ni ta ding a nih. Manjhi hin a chengnaina Press conference a
ko huna CM candate ni a tumna a tawpsan thu hi a puong a nih.
AP CM
hlui kum 4 le a chanve lunginah
NEW DELHI: Union Minister hlui le Arunachal Pradesh
Chief Minister hlui P.K. Thungon (69) le
midang 3 hai chu July 27, 2015 khan Special CBI Cout, New Delhi chun kum 4 le a
chanve sung corruption case-ah lungin intang ding le Rs. 10,000 seng chawi
dingin thiemnaw an changtir. Corruption case hi 1998 a mi a ni ta a, Rs. 2
crore vel an fakruk tia intum an nih.
Mi
suomtu Police tehlem 2 man
SHILLONG: July 22, 2015 a Police Special Cell,
Shillong nia inhrila Grace Khaute of Law- V-Sib, Madanriting chengna in va lut
le dapa Rs. 1,20,000 le drugs ni dinga ring golden bur iemanizat laa suomtu,
Kynjai Kshair of Risa Colony, Fruit Garden le Teiborlang Diengdoh of
Laitumkhrah, New Colony hai chu zani hmasa khan Police han an man. Mana um hai
hi Police ni lo, Police tehlem an nih tiin Police chun an hril.
-----------------------------------------------------
VAWISUN
THUPUI
Insawp unla, insukfai ro, ka mithmu phak nawah in
thilthawhai hi a suolna chu sie hmang ro; suol thaw thaw el hi ma ta unla, thil
tha thaw inchuk ta ro; - Isai 1:16
Editorial
Pasal
seng seng, Nuhmei seng seng
Pasal seng seng, Nuhmei seng seng chu ei tawngbauin
ei lo ti hlak. Amiruokchu, pasal seng seng, nuhmei seng seng annawleh Pa seng
seng, Nu seng seng hai hi inthlau takel ei lo nih. India President sawmpakhatna
Dr APJ Abdul Kalam natlawkna nei der lova Shillong hmuna a hang thi el khan
India ram mipuihai lungril a thawng hle. Mithiem filawr bik, mivar, fel le tha
ei hang chan el ta hi a pawi ei ti seng a, a thina hi lungril takin ei tuornain
ei sun tawl hle. India sawrkar ngei khawmin a thi hi an pam a, an zanain ni 7
sung zet sun dingin a puong a nih. Inpam le inza a um a, sun tlak pasaltha a ni
hrim a nih.
Dr APJ Abdul Kalam hi pa mei mei chu a lo ni naw
tawp el. A chanchin tha, a ropuina le inza a umna hai hril le ziek seng ruollo
a ni a, Awards le Honours a lo dawng tlangpui hai chu, Kum 1990 in Padma
Vibhushan,1994 in Distinguished Fellow, 1997 in Indira Gandhi Award for National Integration le Bharat Ratna, 1998 in
Veer Savarkar Award, 1981 in Padma Bhushan, 2000 in Ramanujan Award, 2007 ah
King Charles-II Medal le Honorary Doctor of Science, 2008 ah Doctor of
Engineering (Honoris), 2009 in Honarary Doctorate, Hoover Medal le
International von Karman Wings Award, 2010 in Doctor of Engineering, 2011ah
IEEE Honorary Membership, 2012 in Doctor of Law (Honoris Causa) le 2014 ah
Doctor of Science.
Avrul Pakir Jainulabdeen Abdul Kalam hi Oct. 15,
1931 khan Tamil Nadu State a Rameswaram ah sungkuo naran a inthawk piengin, a
pa chu Lawng khaltu a nih. An sungkuo ta ding le a lekha inchukna dingin hun
iemanichen Chanchinbu semin an hlaw a, inchukna tieng Physics le Aerospace
engineering a nih. Kum 2002 khan India President dinga thlang a ni a, President
sin a chel hma hin DRDO le ISRO haiah
Scientist le Science Administrator sin hai a lo chel bakah 1998 a India ramin
Pokhran a nuclear a ensinnaa khan technical le political tieng mawphurna
pawimaw tak tak a chel a nih.
A thilthaw that, a thiemna le varna hai leiin
‘Missile Man’ a inthawk ‘Peoples President” tia ko a hung nih. Ama Presiden
huna khan BJP an sarwkar a, BJP chau dit le lem thei ni lovin Congress party ta
ding khawma dit le lem hlaw a nih. Ngaisang a um em emna dang pakhat nawk chu
India ram le mipuihai ta dinga an pumpekna hi a nih. A hringnun pumpui a sung
le khuo le ama ta ding ni lovin India ram le mipui ta dingin an hlan a, nuhmei
khawm nei lovin a damsung nihai po po a hmangzo thak a nih. Chawimawi le
inzatlak a va ni ngei el!
Dr Kalam a inthawk hin entawn ding le inchuk ding ei
hau hle. Ama thina chun India mipuihai lungril a thawng a, a thi hi ei tuornain
ei sun hle. Nang le kei ei thi huna hlak tuhai hrietfuk rak ei ni awm si nawh.
Pasal seng seng, Nuhmei seng seng, mihriem seng seng ei lo inthlau ngei de!
India rama ding chun ei PM hlui Indira Gandhi, Rajiv
Gandhi, Mother Teresa etc hai thi nihai khan chu India ram chau ni lovin
khawvel ram pumpui a fangsuok a, khawvel hi a ngui ruoi el a ni kha! Mi tha le
mifel hai hi chu an lo hluin an lo va ropui ngei el! Hieng mi ropuihai thi ang
hin ei ni rawi chu ei thi huna ei ropui ve naw ding a nih. Amiruokchu, mani
phak chin tawkah chun ei hlu seng tho ding a nih. Mi ropui haia inthawka ei
inchuk ding chu thiltha thaw hi a nih. Thiltha thaw hi nghawk der lova thaw pei
ding ei nih. Thil dang chu a taluo a um hlak a, thiltha thaw ruok hi chu a
taluo um thei lo a nih.
