Responsive Ad Slot

Pu Rama ‘Peace Mission’ chu MPCC in elrelna leh a dawn hlak: MNF

Thursday, June 18, 2015

/ Published by VIRTHLI
Aizawl, June 18,2015 (Virthli News): Mizo National Front (MNF) chun Mizoram Pradesh Congress Committee (MPCC) thusuok siem chu dawnlet'n a patling naw thlak le Pu Zoramthanga hmalakna "Peace Mission" chu elrel takin a dawn hlak tiin MNF thusuok chun a hril.

MNF thusuok chun Manipur zohnathlak underground pawl hrang hrang pariet (8) inzawmkhawm United Peoples’ Front (UPF) le Central Home Ministry ha’n Dawkan khat kila inbiekna umzie nei ‘Political talk’-a hlangkaitu le chuktuotu MNF President, Pu Zoramthanga hmalakna hai thîkna le elrelna chitin rengin Congress party chun thusuok an siem hlak thu an hril a, Pu Lal Thanhawla in June ni 12, 2015 (Zirtawpni) ni a Bhavan inkhawmna ah rem lo fahrana Pu Zoramthanga chungchang a hril le Congress party thil thaw nuom dan hi MNF chun " a patling nawh" tiin an tarlang.

MNF chun MPCC Media department hai chu chanchinbu tiemzau met hlak hai sien an nuomthu an hrila, Janpath Hotel, New Delhi-ah June ni 9, 2015 (Thawhlehni) chawhnung Dar 3:00-a UPF le Home Ministry han Suspension of Operation(SoO) an Sign ni khan, UPF-a thang HPC(D) ha’n Mizoram sunga harsatna siema, Village Council 31 inthlang an Boycott chu an sût (withdraw) ve nghal ding a nih, tiin, Pu Zoramthanga hin a lo kar dai ta thu an tarlanga. An in withdraw naw chun inbieknaah MNF chu a thang a rem ta naw ding thu chenin a lo hril nghe nghe ta thu chu MNF in MPPCC Media deptt. hai chu an hriettir a nih.

Don't Miss
© all rights reserved
made with by Simon L Infimate