Responsive Ad Slot

HLS, Assam lawmthu hrilna

Tuesday, June 23, 2015

/ by VIRTHLI HMAR
HLS, ASSAM LAWMTHU HRILNA

Pu Abraham Keivom in Virthli dt.20/6/15 a a lo insuo Hmar Literature Society, Assam thu le inzomin lawmthu kan la hung hrilsa nuom met a. Assam tlangram le phaituolah hnam mal nuoi 20/30 tamtak an um laiah HMAR nuoi 1 khom tling phak lo hai , LP/UP levela ei tawng 'Medium of instruction' a ni bakah 2006 khan Cl VIII-X chu SEBA in MIL phalna a pek a, AHSEC in HS Course ah 2009 in, Assam Universitu (AUS) in 2010-11 session ah Degree level Hmar MIL a introduced nawk ta pei a nih. Hieng chen ei tlung phakna, LP/UP,TET teacher tamtak ei um theina le HSLC exam tu hai in Computer, Laptop, tablet PC ei dawng theina hi, Hmar NGO tamtak, mimal, pasal tha, MDC/MAC hai bakah BVHTDC Chairman Pu Lal Thomlien Neitham le ei Pathien zar a nih.
2010 a'nthok GC College ah HLS in Lecturer 1 ei ruoi tana, 2014 in Nehru College ah 1 bawk ruoi a nih. MIL Lecturer Isaac Lalmalsawm Hmar lawmman ding hi sorkarah iengkhom ei dong nawa, ei hril hmasahai popo thawlawm a nih. Delhi, Assam, Meghalaya,Mizoram le Manipur a mi tlawmgai, Hmar Inpui President lo ni ta Pu Lalawilien Amaw, PuThoma, Pu Ngamrothang Hmar hai hi a thaw hlawk pawl an nih.

Thla iemani sung hlaw pek ding ei tlaksam hnungin BVHTDC Chairman in Rs.200000 zet HLS a/c a a hung thun el kha chu, a makin a ropui ie! Budget nawk a khom la thunsa an tiem nawk ta pei. Ei hriet ding chu BVHTDC hi Hmar ta an nawh,hnam 14 ta a nih. Hieng laia insimruia HLS a hang support-na hi a huoisen hle. Chairman ,MDC/MLA/MDC/MAC/MLA danghai in enton seng hai sien chu HLS Assam thuoi tuhai inphalam puma mi kawla sum hni vet hi kan pension chak ve ta tho chu tie.

Atawptakah MIL thu le lecturer hai enkol na thu ah HLS chau a sawl nawa, hmuntina Hmar nauhai ei thang tlangna lei a ni tak zet. "En rawh, varnatui damten a hung luong del del; ei ram le hnam tadingin mani tawng ngei hratna"
Sd/
S.K. Khobung,
Secretary,
Hmar Literature Society, Assam
Don't Miss
© all rights reserved
made with by Simon L Infimate