Responsive Ad Slot

District Council a kan awmloh pawina leh District Council thatnate

Wednesday, June 3, 2015

/ Posted by Simon Infimate
-H. Lalchhanchhuaha, Aizawl

Kristian 100 ah 100 % a inchhal ngam ngatna ram a hian mani hmasialna a va’n nasa tak em! Aizawl leh Lunglei District ah hian Council kan neh ve loh avangin thingtlang mipuite hi Aizawlpa ho hian an rapbet nasa em em a, ‘thingtlangpa i kian ve teh ang’ tih tum miah lovin a theih theih an hui duak duak a ni ber mai! Thingtlangpa chu an mahni khawdai mai ah te, an khawchhung ngeiah te Aizawlpa Contract hnuaiah an inhlawhfa a, thingtlangpa tha leh zungin hna an thawk a, Bill an lak hunah lah ‘an tha leh zunga ka hlawhchhuah’ tia hlawhfa hlawh pawisa pek vat tum leh silo, kum hnih kum thum le thingtlangpa rethei tak tak pawisa an bat sak a, inthlahrunna nei hlek lovin pawnlang takin Pathian thu an sawi zuah zuah mai a ni!

Mizorama District Council siam leh hi Mizoram thendarna a nilo, Development semrualna a ni zawk:

Kan unau Hmar ho pawhin hlamchhiah an nih vang chauin a lawm District Council an dil. Mizo atanga intihhran an tum vang lam a ni lo. Mizo Dist. Council kan neih rual khan Manipur Sawrkarin Mizo Union an bansan duh a, Lushai Hills nena inzawmna chhutchah an duh bawk chuan Regional Council pek mai tumin a thlem a, an hnawl daih tawh zawk a ni. Tunah pawh hnam hming hrim hrim a Council nei an atchilh lohzia chu Sawrkarin Development Council a pek, Mizo hnathlak zinga tu hnam hming mah nilo, Duhlian tawng Chhinlung (Mizo lo Chhuahna), an tawnga “Sinlung” , Sinlung Hills Development Council (SHDC) ah an lungawi theihna chhante hih. Hnam hming ngawr ngawr a Council neih ai chuan a hminga chu engpawh nise a “Provision” zawk ah a ni, an lungawi chauh ni.

Mizorama District Council siam leh hi Mizoram thendarna a nilo, Development semrualna a ni zawk.

“Hnam hminga District Council awm a thalo” an ti mai mai a ni, hnam hming lova awm pawh tha an ti chuanglo. Ho khawp mai! He’ng kan sawi tak zawng zawngte hi District Council kan neih loh vanga kan tawrh vek an nih.
Don't Miss
© all rights reserved
made with by Simon L Infimate