Hmar Christian Leaders’ Forum
Churachandpur, Manipur,
THUPUONG
the 19th May,2015
Ei hmaa Autonomous District Council election hung um ding le inzawmin, Hmar Christian Leaders Forum chun, Kohran le Kristien ei nina anga ei thuoitu ding thlangna ei neina dinga hin thienghlim taka Pathien dit dana tawngtaina le inthlangna ei nei theina dingin hieng a hnuoia hai anga ei
thaw theina dingin, Mipui hai kuoma ngenna le inhriettirna siem a nih.
1. Zalen taka Mani vote seng indik taka thlak ding.
2. Thawluina le sum le pai hmanga vote zawng lo ding.
3. Vote zawng sung tukhawmin thukhel belchieng dawl lo le inhrietthiemnawna thei pawl le mimal kara khawm-a intlungtir thei thu hrim hrim the dar lo ding.
4. Kristien ringtu Kohran member seng ei ni leiin candidate le anni thangpuituhai tu el khawm election hnung chen khawma an hriet zing thei ding thilah thu thalo le thusie taluoa in dem amani in hrilsiet lo ding.
5. Polling Booth tinah a thei hram chun khawtlang thuoitu haiin vote thlak hmain Pastor amani Kohran Upa kovin tawngtaina in neitir nisien.
6. Polling Booth tina thusie hlasie a insel inhalna le in sukbuoina um lo le zu dawn buoi le inrui thei thil iengkawm thaw lova boruok tha tak le hadam tak hnuoia inthlang hi nei dingin mitin ngen le inhriettir ei nih.
HMAR CHRISTIAN LEADERS’ FORUM, CHURACHANDPUR, MANIPUR.
